JEREMIA 15:3 - BUKUIT NE TILIL

³ Ak ang’atyini ichek tuguk ang’wan, mwaei Jehovah: rotwetab chok ne barisiei, ak sesenik che isongiririsiei, ak taritikab barak ak tiong’ikab ng’ony, si koamis ak kong’emis.

Bukuit Ne Tilil

³ Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

BUKUIT NE TILIIL Sireet ne Dutero Kanon

³ Ang'atyini icheek tuguuk ang'wan, mwaei Kamuktaindet ne Toroor: rotwetap chok ne parisyei, sesenik che isongiririsyei, toriitigap parak ak tyong'igap ng'wony, si koamis ak kong'emis.

JEREMIA 15:3 ပူးပေါင်းရင်းမြစ်များ

TIENWOGIKAL 68:23

Si kobiit irooch keldang’ung’ korotik, Si konyor ng’elyeptab seseniguk kebebertanyi eng’ bunik.

ISAIAH 18:6

Kibagakyin ichek tugul taritik che koromen che bo tulonok, ak tiong’ikab timin: ak koam taritik che koromen eng’ kemei, ak koam tiong’ik tugul che bo timin eng’ betusiekab kaititiet.

JEREMIA 12:9

Tos kaigei borotennyu eng’ ane taritiet ne lege, ne barisiei? Tos kayiem inendet taritik che barisiei? Oba, oyum tiong’ik tugul che bo timin, ogetu kobwa koamis.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 7:33

Ak koek muswekab bichu amitwogikab taritik che bo barak, ak che bo tiong’ikab ng’ony; ama biitu chi ne iyestoi.

RIREKAB JEREMIA 3:11

Kigomaas ortinwekyuk, ak kotonatona; kigoyaa aek banan.

EZEKIEL 14:21

Amu mwaei Kiptaiyat Jehovah ko u ni kole: Kotam nee anyun ye ayokyi Jerusalem kiruogutikyuk ang’wan che ng’wonen; rotwetab chok, ak rubet, ak tiong’ik che yaachen, ak koroito, si kobar chi ak tiony?

EZEKIEL 33:27

Mwachi anyun bichoto ko u ni ilenji, Mwaei Kiptaiyat Jehovah ko u ni kole: Ko u ye asobe, kibare iman rotwetab chok ichek che mi komoswek che karatwek, ak agochini koam tiong’ik inendet ne mi kewanin, ak kobar koroito ichek che mi irimoik ak che mi kebenonik.

ATEPTAP LAWIK 26:16

ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.

ATEPTAP LAWIK 26:22

Ak ayogu tiong’ik che bo timin kobwa kwenung’wong’, che bwanei korebenok lagokwok, ak kobar tukwok, ak koyaak ong’ering’itu; ak koek kipkuberet ortinwekwok.

ATEPTAP LAWIK 26:25

Ak aibwok rotwetab chok, ne yaakwok mugetut ne bo kayomiset; ak oyumjige nganasokwok: ak ayokwok koroito konyo kweng’wong’, ak kindeak eunekab bunikwok.

AMOS 5:19

ko u ye kamwee chito ng’etundo, ak kotuiye tiondo ne u keerit; anan kwo go ak kotiing’e eunnyi inat, ak kosus erenet inendet.

NG'ATUTIK 28:26

Ak koek mustang’ung’ amditab taritik tugul che bo barak, ak tiong’ik che bo ng’ony, ak mabiitu chi ne iyestoi.

NG'ATUTIK 32:24

Sagitos eng’ rubet, Ak kebeel eng’ mat ne korom Ak ng’emisiet ne ng’wan; Ak ayokyi kelekab tiong’ik, Koboto ng’wonetab che ichuutegei ng’ony che bo temburiek.

NG'ANG'UTYET 6:8

Ak kiageer, ogeero, mbartanyit ne talelyo: ak kainetab inendet ne kitebe ko ki Meet; ak kiisub inendet oldab che kigobek. Ak kigigochi ichek kimnatet koboi kebeberta agenge eng’ ang’wan ne bo ng’ony, kobare rotwetab chok, ak rubet, ak meet, ak tiong’ikab timin che bo ng’ony.