JEREMIA 15:2 - BUKUIT NE TILIL

² Ak ye tun teebenen kolenjin, Kibendi ano? Imwachi anyun ilenji, Mwaei Jehovah ko u ni kole, Che bo meet, kobendi meet; ak che bo rotwetab chok, kobendi rotwetab chok, ak che bo rubet, kobendi rubet, ak che bo luulet, kobendi luulet.

Bukuit Ne Tilil

² Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

BUKUIT NE TILIIL Sireet ne Dutero Kanon

² Ak ngo teebenen koleenjin, kibendi ano? Imwachi anyun ileenji, mwaei Kamuktaindet ne Toroor kole, Che po meet, kobendi meet, che po rotwetap chok, kobendi rotwetap chok, che po rubeet, kobendi rubeet, ak che po luuleet, kobendi luuleet.

JEREMIA 15:2 ပူးပေါင်းရင်းမြစ်များ

ISAIAH 10:4

Ing’urukyin ichek kimonjororinik, ak kobutyi ole kigibarji bik. Nganda u noto, ko ma istogei neregekyik, ago ta ko chuulat eunnyi kora.

ISAIAH 24:18

Ak tun ibutyin keringet inendet ne mwee bolatetab kaiyweisiet; ak namei mestet inendet ne togosune keringet: amu yatotin tirisiok eng’ barak, ak botandos lumeiywekab ng’ony.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 14:16

Ak kewirji ortinwek che bo Jerusalem bik che kimaotenjin, amu rubet ak rotwetab chok; ama biitu chi ne tubei ichek, icheget ak osotikwak, ak werikwak ak tibikwak: amu arong’jini icheget yaitienywa.

JEREMIA 16:4

Begu ichek eng’ meet ne ng’wan; magirirjin, ama kitubei; igeitu ng’atatek eng’ ng’ony: ak kibare rotwetab chok, ak rubet; ak koek muswekwak amitwogikab taritikab barak ak tiong’ikab ng’ony.

JEREMIA 19:7

Ak ayai koek buch kiruogutikab Juda ak Jerusalem eng’ olito; ak agochini kebare rotwetab chok eng’ taitab bunikwak, ak eng’ eunekab icheget che cheng’ei sobonwekwak: ak agoite muswekwak koek amitwogikab taritik che bo barak, ak che bo tiong’ikab ng’ony.

JEREMIA 43:11

Ak konyo kobar emetab Misri; che bo meet kobendi meet, ak che bo luulet, kobendi luulet, ak che bo rotwetab chok, kobendi rotwetab chok.

EZEKIEL 12:11

Mwa ile, A kaborunet agobo okwek: ko u ye kiayai, keyachin ichek ko u noto: kiuutoi, kiluulei.

EZEKIEL 14:21

Amu mwaei Kiptaiyat Jehovah ko u ni kole: Kotam nee anyun ye ayokyi Jerusalem kiruogutikyuk ang’wan che ng’wonen; rotwetab chok, ak rubet, ak tiong’ik che yaachen, ak koroito, si kobar chi ak tiony?

EZEKIEL 33:27

Mwachi anyun bichoto ko u ni ilenji, Mwaei Kiptaiyat Jehovah ko u ni kole: Ko u ye asobe, kibare iman rotwetab chok ichek che mi komoswek che karatwek, ak agochini koam tiong’ik inendet ne mi kewanin, ak kobar koroito ichek che mi irimoik ak che mi kebenonik.

EZEKIEL 5:12

Meei kebeberta agenge eng’ somok eng’ inye eng’ koroito, ak kigesu ichek eng’ rubet eng’ kwenung’ung’; ak kobek eng’ rotwetab chok kebeberta agenge eng’ somok, eng’ komosweguk tugul; ak aseer kebeberta agenge eng’ somok koba koriswek tugul, ak ang’usu rotwetab chok kosub ichek.

EZEKIEL 5:2

Ak ibeel kebeberta agenge eng’ somok eng’ kwenutab nganaset, ye kagosulda betusiekab yiemet; ak iib kebeberta age eng’ somok ak irarate ieb kotuiyo eng’ rotwonoto bo chok; ak iseerte kebeberta agenge eng’ somok koib usonet, ak ang’usu rotwetab chok asube ichek.

DANIEL 9:12

Ak kigogimit ng’alekyik, che kimwa agobo achek, ak agobo kiruogikyok che kiiruokwech koibwech yaitiet ne o: amu tom keyai eng’ kureret komugul ne bo kipsengwet kit ne kigiyachi Jerusalem.

AMOS 5:19

ko u ye kamwee chito ng’etundo, ak kotuiye tiondo ne u keerit; anan kwo go ak kotiing’e eunnyi inat, ak kosus erenet inendet.

SEKARIA 11:9

Kiamwa anyun ale, Maayagok: ingome ne meei; ak ingebar ne kibarei; ak ingoam age tugul eng’ che kang’et banyekab age.

NG'ANG'UTYET 13:10

Ngo luulis chi, keluulei inendet: ngo baris chi eng’ rotwetab chok, kobare inendet rotwetab chok matiny. Mi yu muitaet ak kayanetab bik che tililen.