JEREMIA 15:1 - BUKUIT NE TILIL

¹ Kolenja anyun Jehovah, Agot nda kiga tononso Musa ak Samuel eng’ tainnyu, ko matokyingei kabwatutikyuk bichu; timde eng’ tainnyu, koba.

Bukuit Ne Tilil

¹ Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

BUKUIT NE TILIIL Sireet ne Dutero Kanon

¹ Yeityo koleenjo anyun Kamuktaindet ne Toroor, agot nganda kiga tononso Musa ak Samuel eng' tainnyu, ko matokyingei kabwaatutikyuk pichu. Iste eng' tainnyu, koba.

JEREMIA 15:1 ပူးပေါင်းရင်းမြစ်များ

TAUNET 19:27

Ak king’eet Abraham karon komusta kwo agoi koit ole kitonone eng’ taitab Jehovah:

2 LAITORINIK 17:20

Ak kiesio Jehovah keswek tugul che bo Israel, ak konyalil ichek, ak konde eunekab bik che kiluul ichek, agoi kong’eeto ichek koba eng’ tainnyi.

TIENWOGIKAL 106:23

Kimwa anyun kole ng’emei inendet ichek amu noto, Nda kima tonon Musa nenyi ne kigilewen eng’ tainnyi kooiyo, Koweekta neregekyik, si mabar ichek.

TIENWOGIKAL 99:6

Musa ak Aron eng’ tisiikyik, Ak Samuel koboto icheget che kuurei kainennyi; Kiguur ichek Jehovah ak kiwolji.

KALEWANAIK 14:35

Chamei laitoriat otwogindet ne boisiei eng’ ng’omnatet: Ago nerekyin inendet ne ibu kalilanet.

JEREMIA 10:18

Amu mwaei Jehovah ko u ni kole, Ogeero, awirtoi bikab emoni betuni, ak anyalil ichek, si kobiit kogas.

JEREMIA 11:14

Amesa anyun agobo bichu, amerir anan isa agobo ichek: amu magase ichek eng’ betut ne rirjina amu nyalildanywa.

JEREMIA 14:11

Ak kimwawa Jehovah kolenja, Amat isa isomji bichu mieindo.

JEREMIA 14:12

Ye irugutgei ichek, ko magase rirekwak; ak ye igoito kagochinet ne kibeelei, koboto kagochinetab busiek, ko mataache: ago agesu ichek eng’ rotwetab chok, ak rubet, ak koroito.

JEREMIA 15:19

Mwaei anyun Jehovah ko u ni kole, Ngot iweege, amutun kogeny, si kobiit itonon eng’ tainnyu; ak ngot inemu kit ne mie komong’ eng’ kit ne ya, iigeitu kutinnyu: weekyiningei ichek, ago meweekyinigei ichek.

JEREMIA 16:13

atimdook anyun omande eng’ emoni obe emet ne tom onai, okweget anan kwanisiekwok; ak oot cheptalelisiek che ter eng’ oloto bet ak kemoi; amu marirenok.

JEREMIA 16:5

Amu mwaei Jehovah ko u ni kole, Amewe got ne kiririe, amewe ite, anan irirji ichek: amu kiaiste kalyennyu eng’ bichu, mwaei Jehovah, noto ko chamnyennyu ne tala ak rirenennyu ne bo chamnyet.

JEREMIA 18:20

Tos kiyaaktoi yaitiet eng’ kit ne mie? Amu kogobalji keringet sobondanyu. Ibwat ole kiatononde eng’ taing’ung’ ak ang’alal che miach agobo ichek, si kobiit aisto neregeguk che koromen eng’ ichek.

JEREMIA 22:28

Tos chichito Konia ne teret ne kisasei ne kigoyie? Tos inendet ko teret ne magiboiboitune? Amu nee anyun si ketimda icheget, inendet, ak iyotennyi, ak king’eetochi emet ne maingen?

JEREMIA 23:39

noto anyun, ogeero, autienok agoi, ak atimdook, koboto nganaset ne kiagonok ak kwanisiekwok, obe eng’ tainnyu:

JEREMIA 35:19

mwaei anyun Jehovah ne bo lugosiek, Kamuktaindetab Israel, ko u ni kole: Mabetyin chi Jonadab weritab Rekab chito ne tononi eng’ tainnyu agoi.

JEREMIA 52:3

Ak kibiitune tuguchoto neregekab Jehovah eng’ Jerusalem ak Juda kot kotimda ichek koba eng’ tainnyi. Ak kiingelelji Sedekia laitoriatab Babulon.

JEREMIA 9:19

Amu kigasei tugetab kateeiyet kobunu Sion, kole, Kageng’emech ne tia! Kagetoptobense mising’ amu kagebagakte emet, amu kagobut ichek meng’otosiekyok.

EZEKIEL 14:14

agot nganda mi bichu somogu, Noa, Daniel, ak Job emonoto, ko kota soru sobonwekwak ichegei eng’ imandanywa, mwaei Kiptaiyat Jehovah.

EZEKIEL 22:30

Kiacheng’ anyun chi eng’ kwenunywa, si kotuur ng’otwet, ak kotonon eng’ tainnyu eng’ ole kibutok, agobo emet, si mang’em emonoto: ago ma anyoru chi.

HOSEA 9:15

Mi yaitienywa tugul Gilgal; amu kiawech ichek eng’ oloto: aone ichek koba eng’ gonnyu amu yaitietab boisionikwak: ma achame kogeny; bistoik bounikwak tugul.

SEKARIA 3:3

Kiilaachi Josua ngoroik che muruonen, ak kitonon eng’ taitab malaikaiyandanato.

NG'ATUTIK 9:26

Ak kiasa Jehovah ale, Ee Kiptaiyat Jehovah, amewong’u biguk che boroteng’ung’, che kiitaach eng’ etunateng’ung’, che kiimong’u eng’ Misri eng’ eut ne kim.

HEBRANIK 9:24

Amu kima mong’ji Kristo ole tilil ole kigiyae eunek, ne karogutietab tugukab iman; ago kimong’ji kipsengwet inendet, si kotoogu eng’ taitab Jehovah agoi achek:

KIRUOGIK 5:9

Tokyingei muguleldanyu bounikab Israel, Che kiigoitogei eng’ chamnyet eng’ kwenutab bik: Olosu Jehovah.

1 SAMUEL 12:19

Ak kilenji bik tugul Samuel, Saiywech achek otwogiguk Jehovah Kamuktaindeng’ung’, si ma kibegu: amu kogetesyi tengekwogikyok tugul yaitioni, kesomjige laitoriat.

1 SAMUEL 12:23

Ago ingolooit eng’ ane, amayachi Jehovah tengek, abagakte asaiywok: ago anetok eng’ oret ne mie ne nyolu.

1 SAMUEL 7:9

Ak kinam Samuel aruetab kechir ne reriei, ak kogoito koek kagochinet ne kibeeljin Jehovah komugul: ak kirirji Samuel Jehovah agobo Israel; ak kiwolji Jehovah inendet.