JEREMIA 14:9 - BUKUIT NE TILIL

⁹ Amu nee si iige chi ne kakwong’, iige chito ne kim, ne maimuch kosorunis? Ago inye, ee Jehovah, imi kwenunnyo, ak kimwaitaenech kaineng’ung’; amemetech.

Bukuit Ne Tilil

⁹ Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

BUKUIT NE TILIIL Sireet ne Dutero Kanon

⁹ Amu nee si iige chii ne kakwong', kalya iige chii ne kiim, ne ma imuuch kosaruunis? Ago inyee, ee Kamuktaindet ne Toroor, imi kwenunnyo ak kimwaitaenech kaineng'ung'; amemetech.

JEREMIA 14:9 ပူးပေါင်းရင်းမြစ်များ

2 ATEPTAP PEETUUSYEK 7:14

ngot koming’ingei bikyuk, che kemwaitoe kainennyu, ak kosa, ak kocheng’a, ak kolakta ortinwekwak che bo yaitiet; agas anyun eng’ kipsengwet, ak anyochi kaat eng’ tengektanywa, ak asoob emenywa.

TIENWOGIKAL 10:1

Ee Jehovah, amu nee si itonone ole loo? Kalya si iung’ge eng’ betusiekab nyalilda?

TIENWOGIKAL 27:9

Ameung’ena togeng’ung’; Ameiste kiboitiondeng’ung’ eng’ neregek: Kiiegu toretindennyu; Ameona, amemeta, ee Kamuktaindetab yetunennyu.

TIENWOGIKAL 46:5

Mi Kamuktaindet kwenunnyi; ama kiistoi: Toreti Kamuktaindet inendet ko kaeech.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 43:7

age tugul ne kimwaitoe kainennyu, inendet ne kiatau ayai agobo torornatennyu; kiamimii; ee, kiayai.

ISAIAH 51:9

Ng’eet, ng’eet, ilaach kimnatet, ee, eutab Jehovah; ng’eet, ko u betusiek che bo keny, ibinwekab betusiek che bo keny. Tos ma inye ne kiitonaton Rahab, ne kiitoor maswetit?

ISAIAH 59:1

Ogeero, ma nwach eutab Jehovah, kot ko maimuch kosor; ama nyigis itinnyi, kot ko maimuch kogas:

ISAIAH 63:19

Kageige bik che kitom ibou; ko u icheget che ma kimwaitae kaineng’ung’.

JEREMIA 15:16

Kibiit ng’aleguk, ak kiaam; ak kiek ng’aleguk eng’ ane boiboiyet ak kagasetab ge ne bo muguleldanyu: amu kimwaitoena kaineng’ung’, ee Jehovah Kamuktaindet ne bo lugosiek.

JEREMIA 51:5

Amu magimetoi Israel, anan Juda, mametoi ichek Kamuktaindenywa, Jehovah ne bo lugosiek; nganda nyiitat emenywa ng’ogisto ne kiyachi Inendet ne Tilil ne bo Israel.

JEREMIA 8:19

Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

RIREKAB JEREMIA 5:20

Amu nee anyun si iutienech agoi, Ak ibagaktech keny ne te no?

EZEKIEL 48:35

Egu tegat elfusiek taman ak sisiit komoswek tugul: ak keguure kainetab nganasanato koboch betunoto, Mi Jehovah oloto.

HABAKUK 1:2

Ee Jehovah, aguursei kot kotianit, amegase? Arirjinin amu koromnatet, ago mesoru.

SEKARIA 2:5

Amu mwaei Jehovah kole, Aegu irimet ne bo mat eng’ komoswek tugul, ak aegu torornatet eng’ kwenunnyi.

SEKARIA 8:3

Mwaei Jehovah ko u ni kole: Kaaweekyige Sion, ak ameny kwenutab Jerusalem: ak keguure Jerusalem, Nganaset ne bo iman; ak keguure tulwetab Jehovah ne bo lugosiek, Tulwet ne tilil.

KAITOSYEK 11:23

Ak kilenji Jehovah Musa, Tos nwach eutab Jehovah? Igeere nguno kosuldoi ng’olyondennyu agobo inye, anan achicha.

POISYONIGAP CHE KIYOKTOI 15:17

Si kocheng’ bik che ng’etunotin Kiptaiyat, Ak Bororiosiek tugul che kiguurtoe kainennyu.

2 KORINTOEK 6:16

Ak ting’egei nee hekalut ne bo Jehovah ak kanamonik? Amu ki hekalut ne bo Jehovah ne sobei; ago ko u ye kimwa Jehovah kole, Amenye ichek, ak awendote ichek; Ak aegu Jehovah nenywa, Ak koek ichek bikyuk.

NG'ATUTIK 23:14

amu wendote Jehovah Kamuktaindeng’ung’ kwenutab nganaseng’ung’, kosorun, ak koon buniguk eng’ taing’ung’; ingotililit anyun nganaseng’ung’ amu noto: si mageerjin kiy ne ma tilil, eng’ inye, ak koweek kometen.

NG'ATUTIK 28:10

Ak kogeer bororiosiek tugul che bo ng’ony kole kiguurtoenen kainetab Jehovah; ak koiywein.

HEBRANIK 13:5

Oegu che itiogotin eng’ chametab siling’isiek; ingoyamak tuguk che otinye: amu kigomwa inendet, kole, Magoi abagakten, magoi ameten.

NG'ANG'UTYET 21:3

Ak kiagas kutit ne o komong’une ng’echeretab laitornatet kole, Ogeero, mi emaitab Jehovah ak bik, ak kotebyei koboto ichek, ak koek ichek bikyik, ak kotebyei Jehovah inendet ak ichek, ak koek Jehovah nenywa:

1 SAMUEL 12:22

Amu mabagaktoi Jehovah bikyik amu kainennyi ne o: amu kicham Jehovah koyaak oegu bikyik.