JEREMIA 14:22 - BUKUIT NE TILIL

²² Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

Bukuit Ne Tilil

²² Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

BUKUIT NE TILIIL Sireet ne Dutero Kanon

²² Tos mi eng' age tugul eng' kanamonik che ma tilei kiy che po pororyosyek, ne imuuchi kogoon ropta? Anan tos imuuchi kipsengwet kogoon ropta ne inesi? Tos ma inyeendet Kamuktaindet ne Toroor, Kamuktaindennyo? Ara anyun kimang'un inyee, amu inyee ne yae tuguuchuuto tugul.

JEREMIA 14:22 ပူးပေါင်းရင်းမြစ်များ

1 LAITORINIK 17:1

Ak kilenji Elija Tisbindet ne ki bo bik che kimenyei Gilead, Ahab, Ko u ye sobei Jehovah, Kamuktaindetab Israel, ne atonone tainnyi, ko mabiitu rewot anan ko ropta kenyisiechu, kobate ko u ng’olyondennyu.

1 LAITORINIK 17:14

Amu kamwa Jehovah, Kamuktaindetab Israel ko u ni, kole, Maigesugei busiek eng’ teronoto, anan kobek mwaita eng’ sotonoto ming’in, kot koit betut ne iyokyin Jehovah ropta ng’ony.

1 LAITORINIK 18:1

Ak kingobata betusiek che chang’, konyonji ng’olyotab Jehovah Elija, eng’ kenyitab somok, kolenji, Ui iborjige Ahab; si ayokyi ng’ony ropta.

1 LAITORINIK 8:36

igas anyun eng’ kipsengwet, ak inyochi kaat otwogiguk, eng’ tengektanywa ak ne bo biguk Israel, ye ineti ichek oret ne mie ne nyolu kobendate; ak iyokyi ropta emeng’ung’, ne kiigochi biguk koek borotenywa.

Kitabuutap JOB 28:26

Ye kingoyai ng’atutietab ropta, Ak koyai oretab kalyeletab tulet:

Kitabuutap JOB 5:10

Ne igochin ng’ony ropta, Ak koyokyin beek mbarenik:

TIENWOGIKAL 130:5

Ageni Jehovah, igenisiei sobondanyu, Ak amang’u ng’olyondennyi.

TIENWOGIKAL 135:7

Igochin kibungweret kotogosta kong’eete tabanwekab ng’ony; Yachin ropta kalyelosiek; Imoong’u usonet eng’ konoraikyik.

TIENWOGIKAL 147:8

Ne tuge bolik kipsengwet, Ne chopchin ropta ng’ony, Ne ibiti suswek eng’ tulonok.

TIENWOGIKAL 25:21

Ingoriba kagesunatetab ge ak imanda, Amu agenin.

TIENWOGIKAL 25:3

Ee, mami ne ililani ne igenin: Ililandos che ng’alsei buch.

TIENWOGIKAL 27:14

Ingen Jehovah: Kimitu, ingonyiganit muguleldang’ung’; Ee, ingen Jehovah.

ISAIAH 30:18

Igenok anyun Jehovah, si kobiit koboruok mieindo, ak koek anyun inendet ne itororot, si kobiit korirenak: amu Jehovah ko Kamuktaindetab kiruoget; iberurotin tugul che igeni inendet.

ISAIAH 30:23

Ak koyok inendet ropta ne bo kesweguk, si kobiit igolse; ak kogonok amitwogik che bunu ruratetab emet, ak konerio ak kochang’ait: tun agete tuguk ole baraa eng’ betunoto.

ISAIAH 41:29

Ogeer tugul-o, tangoita boisionikwak ak ko buch: usonet ak toiyet kanamonikwak che kitanyi.

JEREMIA 10:12

Kiyai ng’ony eng’ kamuktaennyi, kiigimit ng’onyuni eng’ ng’omnatennyi, ak kiito kipsengwetisiek eng’ naennyi.

JEREMIA 10:13

Ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony; yachin ropta kalyelosiek, imoong’u usonet eng’ ole kigigonore.

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 10:3

Amu tangoita bitonwekab bik: amu ebei age ketit eng’ osnet, boisietab eunekab musogindet, ne boisie aiywet.

JEREMIA 16:19

Ee Jehovah, kimnatennyu, ak ko irimennyu, ak ole amwechini eng’ betutab nyalildanyu, bwanjinin bororiosiek kobunu tabanwek che bo ng’ony, ak komwa kole, Ma nam kiy kwanisiekyok kobate lembechek, tangoita ak tuguk che matinyei kelunet.

JEREMIA 5:12

Kigotiiyo bichoto Jehovah, ak kole, Ma inendet; ama ityinech yaitiet; ama kigeere rotwetab chok anan rubet:

JEREMIA 5:24

Ama mwaei eng’ mugulelwekwak kole, Ongiywei anyun Jehovah Kamuktaindennyo, ne konu ropta, ne bo tai ak ne bo let, eng’ betusiekyik; ne ribwech wigisiek che kiging’at che bo kesisiet.

JEREMIA 51:16

ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony: yachin ropta kalyelosiek, imoong’u usonet eng’ ole kigigonore.

HOSEA 2:7

Ak kosubot chamanikyik, ago manyoru ichek; ak kocheng’ ichek, ago manyoru: yeityo komwa kole, Kaweekyige manong’otiondennyu ne bo tai; amu kiagaigai eng’ betusiechoto kosiir nguno.

JOEL 2:23

Ogasge anyun, okwek lagokab Sion, ak oboiboitu eng’ Jehovah Kamuktaindeng’wong’: amu konok ropta ne bo tai ko u ye nyolu, ak konu ropta korobonjok, ropta ne bo tai ak ne bo let, ko u eng’ tai.

AMOS 4:7

Ak kiaetenak kogeny ropta, ye kitomo arawek somogu si koit kesisiet: ak kiagochi korobonji nganaset age, ak aeete ropta nganaset age: kirobonji komosta ne ming’in, ak kiyaam komosta ne ma robonji.

MIKAH 5:6

Ak kong’em emetab Asuria eng’ rotwetab chok, ak kong’em emetab Nimrod eng’ ole kibunei kebendi oloto; ak kosoruech inendet eng’ Asuriaindet ye tun kait emennyo, ye tun kanyo kotiech orit eng’ kiwotennyo.

MIKAH 7:7

Ago amang’u ane Jehovah; ageni Kamuktaindetab yetunennyu: kasa Kamuktaindennyu,

MATAYO 5:45

si oegu werikab Kwandang’wong’ ne mi kipsengwet; amu igochin asistanyi kochorji che yaach ak che miach, ak iyokyin ropta che bo imanda ak che ma bo imanda.

NG'ATUTIK 28:12

Yatun Jehovah konoruennyi ne kararan noto ko kipsengwet korobonji emeng’ung’ eng’ betusiekyik, ak koberur boisionik tugul che bo euneguk: ak ibesendochi bororiosiek che chang’, ago mebeseni.

NG'ATUTIK 32:21

Kigona ng’etkonda eng’ noto ne ma Kamuktaindet; Kitacha eng’ tangoitanywa: Ak agochi ichek ng’etkonda eng’ che ma bororiet; Atache ichek eng’ bororiet ne abusat.