JEREMIA 14:18 - BUKUIT NE TILIL

¹⁸ Ngot ale awa mbar, ogeero, che kigebare rotwetab chok! Ak ngot ale awa nganaset, ogeero, mitei che nyaluldos amu rubet! Amu bendoti eng’ emet maotik ak tisiik ama tinyei naet.

Bukuit Ne Tilil

¹⁸ Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

BUKUIT NE TILIIL Sireet ne Dutero Kanon

¹⁸ Ngot ale awo mbar, ageere che ki kebare rotwetap chok! Ak ngot ale awo nganaseet, ageere ale miitei che nyaluldos amu rubeet! Amu pendoti eng' emet maotik ak tisiik ama tinyei naet.”

JEREMIA 14:18 ပူးပေါင်းရင်းမြစ်များ

ISAIAH 22:2

Ee inye ne nyiitat bolatosiekab bik, nganaset ne nyiitat wasetab ge, nganaset ne baibai; ma kibare biguk rotwetab chok, ama begu eng’ luget.

ISAIAH 28:7

Ago kigochilil chuto agichek amu divaik, ak kigomasta amu maiyek; kigochilil tisiindet ak maotiot amu maiyek, kigomaluuch divaik ichek, kigomasta amu maiyek; ichiliili eng’ ng’ang’utiet, ibutos eng’ kiruoget.

JEREMIA 2:8

Ma mwa tisiik kole, Mi ano Jehovah? Ama naa ichek che tinyei ng’atutik: kiingelelja kogeny bounik agichek, ak kimaotense maotik Baal, ak kobendate tuguk che maginyorune kelunet.

JEREMIA 23:21

Kima ayokte maotichuto, ago kiruai: kima ang’alalji, ago kimaotenso.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 6:13

Amu koboch ne ming’in agoi ne o eng’ ichek, kotinyei age tugul kasetab miat; ak yaei age tugul kaberberisiet koboch maotiot agoi tisiindet.

JEREMIA 6:25

Amemande iwe mbar, anan iwendote oret; amu mi rotwetab chok ne bo bunyot, ak kamuiset eng’ komosta age tugul.

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

RIREKAB JEREMIA 1:20

Keero, ee Jehovah, amu ami bichiindo; anyalili moennyu; Kawalak muguleldanyu; amu kaangelel mising’: Rebisiei rotwetab chok eng’ ole bo sang’, mi ga ne u meet.

RIREKAB JEREMIA 2:19

Ng’eet, waach kemoi eng’ taunetab saisiekab kemoi; Rong’u muguleldang’ung’ ko u beek eng’ taitab Kiptaiyat: Namji barak euneguk tokyi inendet agobo sobonwekab lagoguk, Che tanuitos eng’ rubet eng’ tabandab oret age tugul.

RIREKAB JEREMIA 4:9

Kaigai che barei rotwetab chok kosiir icheget che barei rubet; Amu restos choto, kogoterterogis, amu manyor tugukab mbar.

EZEKIEL 7:15

Mi sang’ rotwetab chok, komi orit koroito, ak rubet: inendet ne mi mbar komeei eng’ rotwetab chok; ak inendet ne mi nganaset, koamei rubet inendet ak koroito.

AMOS 4:6

Ak koagonok agine iljet eng’ nganasokwok tugul, rartaetab amitwogik eng’ komoswekwok tugul: ago tom oweekyage, mwaei Jehovah.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

NG'ATUTIK 28:36

Imutin Jehovah koboto laitoriandeng’ung’ ne tun indoi koboun, agoi iit bororiet ne mengen, inye, anan kwanisieguk; ak iot kanamonik eng’ oloto, che bo ketik ak koik.

NG'ATUTIK 28:64

Ak koiyestak Jehovah obe bororiosiek tugul, koboch tabanda age ne bo ng’ony agoi tabanda age; ak iot kanamonik eng’ oloto che bo ketik ak che bo koik, che mengen, inye, anan kwanisieguk.

2 PETERO 2:3

Ak kocheng’jingei borotet eng’ okwek eng’ ng’alekab ng’alset amu kasenywa ne bo miat: che ma igaegei kiruogenywa koboch keny, ama ruei ng’emisienywa.