JEREMIA 14:14 - BUKUIT NE TILIL

¹⁴ Kilenja anyun Jehovah, Maoteni maotik lembechek eng’ kainennyu: ma ayokte ichek, ama ang’at ichek, anan ang’alalji: maotenwok ng’ang’utiet ne bo lembech, koboto ng’orset, ak kit ne bo buch, ak kaberberisietab mugulelwekwak.

Bukuit Ne Tilil

¹⁴ Ago ki leenjo anyun Kamuktaindet ne Toroor, maoteni maotik lembechek eng' kainennyu. Ma ayookte icheek, ama ang'at icheek anan ang'alaalji. Maotenwok ng'ang'utyet ne po lembech, kobooto ng'oorset ak kiit ne po puch ak kaberberisyetap mugulelwekwak.

BUKUIT NE TILIIL Sireet ne Dutero Kanon

¹⁴ Ago ki leenjo anyun Kamuktaindet ne Toroor, maoteni maotik lembechek eng' kainennyu. Ma ayookte icheek, ama ang'at icheek anan ang'alaalji. Maotenwok ng'ang'utyet ne po lembech, kobooto ng'oorset ak kiit ne po puch ak kaberberisyetap mugulelwekwak.

JEREMIA 14:14 ပူးပေါင်းရင်းမြစ်များ

ISAIAH 56:10

Koriotin ribikyik, matinyei tugul naet; icheget tugul ko sesenik che namotin kut, maimuchi ichek kokwer; irotitoi, ruitos, chamei konuukso.

ISAIAH 9:15

Metit ko boiyot ne konyitot; ak katutiet ko maotiot ne ineti lembechek.

JEREMIA 20:6

Ak inye Pasur, keluulok koboto bik tugul che menyei gong’ung’; ak iit Babulon, ak imechi oloto, ak ketupchin oloto, inye ak choronoguk tugul, che kiimaotenji lembech.

JEREMIA 28:11

Ak king’alal Hanania eng’ taitab bik tugul kole, Mwaei Jehovah ko u ni kole: Airie ko u noto chogitab Nebukadnesar laitoriatab Babulon eng’ kaatitab bororiosiek tugul, kotom kogesgei kenyisiek aeng’u. Kiwa anyun maotiot Jeremia.

JEREMIA 28:13

Ui, ak imwachi Hanania ilenji, Kamwa Jehovah ko u ni kole: Kaiiri chogisiekab ketik; ago iyae chogisiekab karik igeere choto.

JEREMIA 28:15

Yeityo komwachi maotiot Jeremia maotiot Hanania, kolenji, Kaso, Hanania. Ma iyogun Jehovah; ago igochini bichu komang’ lembeita.

JEREMIA 29:21

Mwaei Jehovah ne bo lugosiek, Kamuktaindetab Israel, agobo Ahab weritab Kolaia, ak Sedekia weritab Maaseia, che maotenwok lembeita eng’ kainennyu, ko u ni kole: Ogeero, andoi ichek eutab Nebukadresar laitoriatab Babulon; ak kobar ichek eng’ taing’wong’;

JEREMIA 29:31

Iyokyi ng’olyot bik tugul che kigeluul, ilenji, Kamwa Jehovah agobo Semaia Neelamindet, ko u ni kole: Amu kigomaotenwok Semaia, ak kima ayogu, ak kogogonok omang’u lembeita;

JEREMIA 37:19

Mi ano anyun nguno maotikwok che kimaotenwok, kolenjinok, Manyojinin laitoriatab Babulon obarge, anan kobargei ak emoni?

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 8:10

Agochini anyun bik alak osotikwak, ak agochi mbarenikwak bik che namei kobunji: amu koboch ne ming’in agoi ne o, kotinyei age tugul kasetab miat, ak yaei age tugul kaberberisiet koboch maotiot agoi tisiindet.

JEREMIA 8:11

Ak kigonya mookab cheptab bikyuk kobir barak, kolenjin, Kalyet, kalyet; ye mami kalyet.

RIREKAB JEREMIA 2:14

Kigogeer maotiguk ng’ang’utik agobo inye che bo tangoita ak berberindo; Ak tom kong’any tengektang’ung’, kotook, si koweechin kogeny eng’ ole kigiluuljin: Ago kigogeer agobo inye lautik che bo buch ak ng’alek che bo onset.

RIREKAB JEREMIA 2:9

Isuwe kobendi ng’ony ormarichokyik; king’em ak koiri temeleiywekyik: Mi laitoriandennyi ak bounikyik kwenutab bororiosiek ole mami ng’atutiet; Ee, manyoru maotikyik ng’ang’utiet ne bunu Jehovah.

EZEKIEL 12:24

Amu ma kobiitu kogeny ng’ang’utiet age tugul ne bo buch anan ng’orset ne kilasei eng’ gotab Israel.

EZEKIEL 13:2

Ee weritab chi, maotenji igirinde maotikab Israel che maoteni, ak ilenji ichek che maoteni eng’ mugulelwekwak ichegei, Ogas ng’olyotab Jehovah:

EZEKIEL 13:23

ma ogeere anyun tangoita, anan ong’orse; ak asoru bikyuk komong’ eng’ eunekwok; si onai ole a Jehovah.

EZEKIEL 21:29

kota kogeerjinin tangoita, kota kong’orei lembechek agobo inye, si kondein kaatwekab kiptengeginik che kigiguoten ne bo meet, che kagonyo betunywa, eng’ betusiekab yaitiet ne bo let.

MIKAH 3:11

Iruochi kandoik amu tuguk che kigoigoisie ak inetisiei tisiik amu melekto, ak kong’orsei maotikyik amu siling’isiek: nganda u noto kotiiegei Jehovah ak kolen, Tos mami Jehovah kwenunnyo? Mami yaitiet ne nyonjinech.

SEKARIA 10:2

Amu kigomwa terapik tangoita, ak kigogeer bik che ng’orsei lembechek, ak kigomwa ichek karuotitaosiek che bo lembech, igoigoisiei buch; bendoti ko u kechirek, kinyalili amu matinyei mestowot.

SEKARIA 13:3

Ak ngot ko tun komaoten age tugul, kolenji anyun kwanda ak kamet che kisichei chichoto, Mesobe; amu imwae lembechek eng’ kainetab Jehovah: ak kotoor inendet kwanda ak kamet che kisichei inendet, ye kamaoten.

NG'ATUTIK 18:20

Ago maotiot ne mwaei ng’olyo eng’ losetab ge eng’ kainennyu, ne ma ang’at inendet komwa, anan ne ng’alali eng’ kainaikab cheptalelisiek, komei maotiondonoto.

1 TIMOTEO 4:2

eng’ chombilisietab bik che ng’alali lembech, che kigoigei kabwatutikwak che kigibeele karnet ne beelei bich;

1 JOHANA 4:1

Chamanichu, amoyan tamirmiriet age tugul, ago otiem tamirmirik, ngo bo Jehovah: amu kigomong’ji ng’ony maotik che chang’ che bo lembech.