JEREMIA 13:9 - BUKUIT NE TILIL

⁹ Mwaei Jehovah ko u ni kole, Ang’eme menotetab Juda ko u ni, koboto menotet ne o ne bo Jerusalem.

Bukuit Ne Tilil

⁹ “Mwaei Kamuktaindet ne Toroor kole, ang'eme menoteetap Judah ko uu niito kobooto menoteet ne oo ne po Jerusalem.

BUKUIT NE TILIIL Sireet ne Dutero Kanon

⁹ “Mwaei Kamuktaindet ne Toroor kole, ang'eme menoteetap Judah ko uu niito kobooto menoteet ne oo ne po Jerusalem.

JEREMIA 13:9 ပူးပေါင်းရင်းမြစ်များ

KALEWANAIK 16:18

Indoe menotet ng’emisiet, Ak indoe kachaunetab ge kabutet.

ISAIAH 16:6

Kigegas menotetab Moab, kele, menot inendet mising’; eng’ kachaunennyi bo ge, ak menotennyi, ak neregekyik; buch lasennyi bo ge.

ISAIAH 23:9

Kigochob noto Jehovah ne bo lugosiek, si kobiit komuruon menotet tugul ne bo torornatet, ak kotewer bik tugul che konyitotin che bo ng’ony.

JEREMIA 13:8

Yeityo konyonja ng’olyotab Jehovah kole,

JEREMIA 25:18

choto ko Jerusalem, ak nganasokab Juda, ak laitorinikyik, ak bounikyik, si koyai ichek koek karatia, kwong’et, ne kirenyei, ak ne kisasei; ko u eng’ betuni;

JEREMIA 48:29

Kigegas menotetab Moab, kele, menot mising’; kaetetab ge, ak menotennyi, ak kachaunennyi bo ge, ak losennyi bo ge.

EZEKIEL 16:50

Ak kimendos ichek, ak koyaei kit ne kiwechei eng’ tainnyu: kiaiste anyun ichek ko u ye kiageer ale nyolu.

EZEKIEL 16:56

Amu kima imwa kiy agobo chepkameng’ung’ Sodom eng’ betusiekab menoteng’ung’;

ATEPTAP LAWIK 26:19

Ak airi menotetab kimnateng’ung’; ak ayai kipsengwet neng’wong’ koigei karnet, ak koigei emeng’wong’ sugunwet;

NAHUM 2:2

Amu ibu Jehovah kogeny telunatetab Jakobo, ko u telunatetab Israel: amu kigoluul ichek luulenik, ak kong’em temenikab ketikwak che bo sabibuk.

SEPANIA 3:11

Matun ililani eng’ betunoto eng’ boisioniguk tugul, che kiiyaiywa ibistoe: amu tun aistoi komong’ eng’ kwenung’ung’ menotiguk che itororigei, si ma ichauge kogeny eng’ tulwennyu ne tilil.

LUKA 18:14

Amwawok ale, kichortagei chichoto gonnyi ko kagoek ne bo imanda kosiir nin age: amu chi age tugul ne itororigei kiming’ini; ak age tugul ne iming’inigei ko tun kitorori.

JAKOBO 4:6

Ago konu mieindo ne tesat. Len anyun, Kirindoi Jehovah che meniotin, ak kogochin mieindo che iming’inegei.

1 PETERO 5:5

Ko u noto ak okwek che o mengechen, ogas it boisiek. Ee, ogermenge okwek tugul eng’ kaming’inetab ge si kobiit oboisiechige okwege eng’ okwege: amu kirindoi Jehovah menotik, ak kogochin mieindo che iming’inegei.