JEREMIA 13:27 - BUKUIT NE TILIL

²⁷ Kiageer tuguguk che kiwechei, ibetab ge neng’ung’, ak kateeng’ung’ ne bo maget, tengektab kugoinateng’ung’, eng’ tulonok che mi kewanin. Bwa eng’ inye, ee Jerusalem! Memache itililitu; yaoksei nito kot kotianit?

Bukuit Ne Tilil

²⁷ Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

BUKUIT NE TILIIL Sireet ne Dutero Kanon

²⁷ Ki ageer tuguuguk che kiwechei, ibeetapkei neng'ung' ak kateeng'ung' ne po mageet, tengektap kugoinateng'ung' eng' tuloonook che mi kewanin. Pwo eng' inyee, ee Jerusalem! Memache itiliiliitu, yaaksei niito kot kotyanit?

JEREMIA 13:27 ပူးပေါင်းရင်းမြစ်များ

TIENWOGIKAL 94:4

Ng’alaloti ichek ng’alek che chang’, ng’alale menotet: Ilosugei yaik tugul che bo tengekto.

TIENWOGIKAL 94:8

Obwat, okwek che o u tiong’ik eng’ kwenutab bik: Ak okwek che o berberen, ong’omegitu auyo?

KALEWANAIK 1:22

Ochame abusnateng’wong’ kot kotianit, okwek che o abusanik? Ak boiboitune chotik chotisienywa, Ak wechei che berber naet?

ISAIAH 57:7

Kainde itogung’ung’ tulwet ne kiwa barak ak ko koi mising’: ak kiiwe kogeny oloto igoite tiseiywek.

ISAIAH 65:7

tengekwogikwok, koboto tengekwogikab kwanisiekwok, mwaei Jehovah, che kigobeel nyamdutik eng’ tulonok, ak kochuba eng’ tulonok che mengechen: ageerjini anyun boisionikwak che bo tai, andochini tegetikwak.

JEREMIA 11:15

Yaei nee chamanennyu eng’ gonnyu, amu kigoyai tengekwogik koboto bik che chang’, ak kigoistoenengei banyek che itabanotin? Ye iyae tengek ibaibaitu.

JEREMIA 3:6

Kimwawa anyun Jehovah kogeny eng’ betusiekab Josia laitoriat kolenja, Tos kiigeer noto kiyai Israel ne kigogetyigei let? Kigotogosta tulwet age tugul ne koi, ak kwo kelutab ketit age tugul ne tuon, ak kiyai kugoinatet eng’ oloto.

EZEKIEL 16:23

Ak kingobata yaitwogiguk tugul, (bwa, bwa inye! Mwaei Kiptaiyat Jehovah,)

EZEKIEL 2:10

ak kiito eng’ tainnyu; ak kigisir orit ak sang’: ak kiga kisirji kateiyosiek, ak rirek, ak nyalilwogik.

EZEKIEL 20:28

Amu ye kingamutu ichek kobwa emet, ne kiaiitochi eunnyu agochi, kogeer tulwet age tugul ne koi, ak ketit age tugul ne nyigis, ak kiigoito eng’ oloto korosekwak, ak kiigoito eng’ oloto kagochinoikwak che bo tagisiet, kibeelei kogeny nyamdutikwak, ak korong’ji oloto kagochinoikwak che kieei.

EZEKIEL 24:12

Kiimgei eng’ boisiet: ago ma istoegei inendet karuotitoennyi ne o; ama iwong’gei karuotitoennyi eng’ ma.

EZEKIEL 24:13

Mi yaitiet simdang’ung’: amu kiatililin, ama itililage, magitililin kogeny eng’ simdang’ung’, kot agesu neregekyuk che ng’wonen eng’ inye.

EZEKIEL 24:6

Mwaei anyun Kiptaiyat Jehovah kole: Bwa nganaset ne bo korotik, teret ne kigoruotito ole bo orit, teret ne tomo kobek karuotitoennyi! Inemu agenge agenge; mami barbariat ne kaibutyi teronoto.

EZEKIEL 36:25

Ak abisenok beek che tililen, si otililitu: ak aundawok simdang’wong’ tugul, ak kanamonikwok tugul.

EZEKIEL 36:37

Mwaei Kiptaiyat Jehovah ko u ni kole: Teepsena anyun gotab Israel agobo nito, si kobiit ayachi; atesyini ichek bik kochang’a ko u akwetab kechirek.

EZEKIEL 6:13

Ak onai ole a Jehovah, ye tun mi bikwak che kigebar, koboto kanamonikwak, che mi kapkorosusiekwak komoswekwak tugul eng’ tulwet age tugul ne ming’in ne toror, eng’ walisiek tugul che bo tulonok, ak eng’ kelutab ketit age tugul ne tuon, ak eng’ kelutab ketit age tugul ne nyigis, ole kibeeljine kanamonikwak tugul nyamdutik.

HOSEA 1:2

Ye kingong’alale Jehovah Hosea eng’ tai, kolenji Jehovah Hosea, Ui imutyige chepkugoniot koek osotiondeng’ung’, ak lagokab kugoinatet: amu yaei emet kugoinatet ne o, kometoi Jehovah.

HOSEA 4:2

Mami kit age kobate chubisiet ak lembechek, ak rumisiet, ak chorset, ak ibetab ge; tesoksei, ak isubegei rumisiet.

HOSEA 8:5

Kigometo moitang’ung’, ee Samaria, kagolalyo neregekyuk agobo ichek: tianitu si koek bik che matinyei tengek?

SEPANIA 3:1

Bwa inendet ne ngeleliot ne kigong’wanit, nganaset ne usisiei!

MATAYO 11:21

Bwa we, Korasin! Bwa we, Betsaida! Amu nda kiga kiyai eng’ Turo ak Sidon boisionik che bo kamuktaet che kigiyai eng’ okwek, ta kiga kosik keny, kolaach kuniok ak koiilegei orek.

2 KORINTOEK 12:21

si ye tun anyo kogeny, ko maiming’ina Jehovah nenyu eng’ taing’wong’, ak arir agobo che chang’ eng’ ichek che kiyai tengekwogik koboch yoto, ama sik eng’ simdo ak sokset ak maget ne ya agobo tuguk che yaach che kiyai ichek.

2 KORINTOEK 7:1

Amu kitinye arorutichu anyun, chamanichu, ongitililge, keiste simdo tugul ne bo borto ak ne bo tamirmiriet, si keityi tililindo eng’ kaiyweisietab Jehovah.

JAKOBO 4:4

Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

NG'ANG'UTYET 8:13

Ak kiageer kipsichit kotirireni eng’ kwenutab kipsengwet, ak agas, kolen eng’ kutit ne o, Bwa, bwa, bwa agobo ichek che menyei ng’ony, amu cheosiek alak che bo iriagok che bo malaikaisiek somok che ta koguutei!