JEREMIA 13:19 - BUKUIT NE TILIL

¹⁹ Kigeger nganasok che bo Murot ne bo Tai, ama mi chi ne yatei: kigimut Juda tugul koek luulenik; kigimut tugul koek luulenik.

Bukuit Ne Tilil

¹⁹ Kigeger nganasook che po murot tai, ama mi chii ne yaatei: ki kimut Judah tugul koek luulenik, ki kimut tugul koek luulenik.

BUKUIT NE TILIIL Sireet ne Dutero Kanon

¹⁹ Kigeger nganasook che po murot tai, ama mi chii ne yaatei: ki kimut Judah tugul koek luulenik, ki kimut tugul koek luulenik.

JEREMIA 13:19 ပူးပေါင်းရင်းမြစ်များ

2 LAITORINIK 25:21

Ak kibir laitoriatab Babulon bichoto ak kobar eng’ Ribla eng’ emetab Hamat. Kigimut anyun Juda keluul komanda eng’ emennyi.

1 ATEPTAP PEETUUSYEK 9:1

Kigiit anyun Israel tugul kobee tetutikab ibinwekwak che kigosiirto; ak keero, kigisirji bukuitab laitorinikab Israel: ak kigimut Juda keluul kwo Babulon amu bistoenywa.

Kitabuutap JOB 12:14

Keero, butei, ama kimuchi keteech kogeny; Kerei chito, ama mi ne yatei.

JEREMIA 17:26

Ak kobwa kobunu nganasokab Juda, ak komoswek che kiyiem Jerusalem, ak che bunu emetab Benjamin, ak emet ne soi, ak che bunu tulonok, ak che bunu Murot ne bo Tai, koibu kagochinoik che kibeelei, ak tiseiywek, ak kagochinoikab busiek, ak tuguk che nyamdut, ak koibu korosekab kongoi, kobwa gotab Jehovah.

JEREMIA 20:4

Amu mwaei Jehovah ko u ni kole, Keero, ayain iegu kamuiset ne imuege, ak ne imue choronoguk tugul: ak kobar ichek bunikwak eng’ rotwetab chok, ak igeer noto: ak agoite Juda tugul koba eutab laitoriatab Babulon, ak koluul ichek koba Babulon, ak kobare rotwetab chok.

JEREMIA 24:1

Kiiborua Jehovah kitongok aeng’ che bo logoekab mogoonik che kiginde taitab hekalutab Jehovah; kingo kagoluul Nebukadresar laitoriatab Babulon, Jekonia weritab Jeoiakim, laitoriatab Juda, koboto bounikab Juda, koboto musogik ak kitang’ik, kobunu Jerusalem, koba Babulon.

JEREMIA 28:4

ak amutu kogeny konyo olito Jekonia weritab Jeoiakim laitoriatab Juda, koboto luulenik tugul che kigiluul che bo Juda, che kiba Babulon, mwaei Jehovah: amu airie chogitab laitoriatab Babulon.

JEREMIA 32:44

Alei bik mbarenik eng’ fedaisiek, ak kosir baronokab kayanjinet, ak kong’och, ak koguur baorinik, eng’ emetab Benjamin, ak eng’ komoswek che mi ole negite Jerusalem, ak eng’ nganasokab Juda, ak eng’ nganasok che mi emetab tulonok, ak eng’ nganasok che mi emet ne soi, ak eng’ nganasok che mi Murot ne bo Tai: amu agochini koweek eng’ ole kigiluulji, mwaei Jehovah.

JEREMIA 33:13

Bunei kogeny akwotisiekab kechirek taitab inendet ne iiti eng’ nganasok che bo emetab tulonok, ak eng’ nganasokab soi, ak eng’ nganasok che bo Murot ne bo Tai, ak eng’ emet ne bo Benjamin, ak eng’ komoswek ole negite Jerusalem, ak eng’ nganasokab Juda, mwaei Jehovah.

JEREMIA 39:9

Yeityo komut Nebusaradan kiptaiyatab ribik, bik che kiga ng’et eng’ nganaset koba Babulon koek luulenik, koboto bik che kimwei eng’ nganaset konamgei ak inendet, koboto bik che kiga ng’et.

JEREMIA 52:27

Ak kibir laitoriatab Babulon bichoto, ak kobar eng’ Ribla, eng’ emetab Hamat. Kigimut anyun Juda keluul komanda eng’ emennyi.

JEREMIA 52:28

Chu bik che kiimut Nebukadresar koluul: eng’ kenyitab tisab ko kiluul Yahudik elfusiek somok ak tiptem ak somok:

JEREMIA 52:30

Eng’ kenyitab tiptem ak somok ne bo Nebukadresar komut Nubusaraden kiptaiyatab ribik, bik bogolwogik tisab ak artam ak mut che bo Yahudik: kiek bik tugul elfusiek ang’wan ak bogol lo.

RIREKAB JEREMIA 1:3

Kigiluul Juda amu nyalilda, ak amu otwoknatet ne o; Menyei kwenutab bororiosiek, masichei kamuung’et: Kagonam inendet usikyik tugul eng’ ole bichii.

SEKARIA 7:7

Tos manyoljok ogas ng’alek che kimwa Jehovah eng’ maotik che bo tai, ye kigimenyei Jerusalem, ak komi berurto, ak nganasokyik che mi komoswekyik tugul, ak ye kigimenyei Murot ne bo Tai ak soito?

NG'ATUTIK 28:15

Ago ngo meepchi it kutitab Jehovah Kamuktaindeng’ung’, irib iyai ng’atutikyik tugul ak konetisiosiekyik che ang’atin rani; kobwanjin koityin anyun chubisiosiechu tugul.

NG'ATUTIK 28:52

Ak koyiemin eng’ kurgotiguk tugul, agoi kolulyo irimoiguk che koen, che ng’ototin, che imang’u, eng’ emeng’ung’ komugul: yiemin eng’ kurgotiguk tugul eng’ emeng’ung’ komugul, ne kigogonin Jehovah Kamuktaindeng’ung’.

JOSHUA 18:5

Ak kopchei koek kebeberwek tisab; tebe Juda kiwotennyi eng’ murot ne bo tai, ak tebe Josep kiwotenywa eng’ murot ne bo katam.