JEREMIA 13:16 - BUKUIT NE TILIL

¹⁶ Ogonyit Jehovah Kamuktaindeng’wong’, kotom koib mesundeito konyo, kotom kinach kelyekwok eng’ tulonokab mesundieto; ak ye ocheng’e lapkeiyet, kowal koek uruetab meet, ak koyai koek mesundeito ne o.

Bukuit Ne Tilil

¹⁶ Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

BUKUIT NE TILIIL Sireet ne Dutero Kanon

¹⁶ Ogonyit Kamuktaindet ne Toroor Kamuktaindeng'wong', kotom koip mesundeito konyo, kotom kinach keelyekwok eng' tuloonoogap mesundeito. Ak ye ocheeng'e lapkeiyet, kowal koek urwetap meet ak koyai koek mesundeito ne oo.

JEREMIA 13:16 ပူးပေါင်းရင်းမြစ်များ

Kitabuutap JOB 3:5

Ingonam betunoto mesundeito ak uruetab meet kobunji; Ingotebe boldet betunoto; Ingomu betunoto tugul che yaei, koimenit.

TIENWOGIKAL 107:10

Ichek che kitebe mesundeito ak uruetab meet, Ko ratotin eng’ nyalilda ak karik;

TIENWOGIKAL 107:14

Kiimoong’une mesundeito ak uruetab meet, Ak kong’eti tugukwak che kigirate.

TIENWOGIKAL 29:2

Ogochi Jehovah teegisto ne nyoljin kainennyi; Ogutung’ji Jehovah eng’ telunatetab tililindo.

TIENWOGIKAL 44:19

Agot ye kiibirech mising’ eng’ oldab suik, Ak kiitugenech uruetab meet.

KOMONG'U 10:21

Ak kilenji Jehovah Musa, Chuul eung’ung’ tokyi kipsengwet, si kobiit mesundeito eng’ emetab Misri, mesundeito ne kitung’dung’ioti.

KALEWANAIK 4:19

Oretab kiptengeginik ko u mesundeito: Manaei kit ne riichei ichek.

AMDOINDET 11:8

Ee, ngo sob chito kenyisiek che chang’, ingobaibait eng’ choto tugul; ago ingobwat inendet betusiekab mesundeito, amu chang’. Buch tugul che bwanei.

ISAIAH 5:30

Ak komororji ichek eng’ betunoto ko u mororetab nyanjet: ak ngo keer chi emet, ogeero, mi mesundeito ak bichiindo, ak koimenit lapkeiyet eng’ bolikyik.

ISAIAH 59:10

Kisapsabisioti kecheng’e inatut ko u kipkoratinik, ee, kisapsabisioti ko u che matinyei konyek: kibutyoti bet kwen ko u ye karatarat; ki u che kigobek ye kimi kwenutab che neriotin.

ISAIAH 59:9

Loo anyun kiruoget eng’ achek, ama nyoruech imanda: kicheng’e lapkeiyet, ago ogeero, mi mesundeito; kicheng’e kakweng’et, ago kibendote mesundeito.

ISAIAH 60:2

Amu, keero, tuchei mesundeito ng’ony, ak kotuch mesundeito ne o bororiosiek: ago chorjinin Jehovah, ak kotook torornatennyi eng’ inye.

ISAIAH 8:22

ak kogeer ng’ony, ak ogeero, mi bichiindo ak mesundeito, mesundeito ne bo ndara; ak keonji ichek mesundeito ne o.

JEREMIA 14:19

Tos kiiesie Juda iman? Tos kigowech sobondang’ung’ Sion? Amu nee si ibirech, ama mi kasoobet eng’ achek? Kigigen kalyet, ago ma nyo kiy ne mie; kigigen betutab kasoobet, ak keero, kibiit arogenet!

JEREMIA 2:6

Ama mwa ichek kole, Mi ano Jehovah ne kiimutwech kemong’u eng’ emetab Misri; ne kiindoiywech kebun ong’atet, kebun emet ne surkwen ak ne bo keringonik, kebun emetab kemeut ak ne bo uruetab meet, kebun emet ne mabunei chi, ole mamenyei chi?

JEREMIA 23:12

Egu anyun orenywa komoswek che chaboen eng’ mesundeito: kionei kot kobutyo: amu aipchini yaitiet, eng’ kenyit ne aityini birenywa, mwaei Jehovah.

JEREMIA 4:23

Kiageer ng’ony, ak ogeero, kima komi kiy ak kima kotinyei iton; ak kiageer kipsengwetisiek, ak kima kotinyei lapkeiyet.

JEREMIA 50:6

U bikyuk kechirek che betyotin: kiibeet mestowekwak ichek, kiimaas eng’ tulonok: kigoombeniot kong’eete tulwet ne o agoi ne ming’in, kigoutie oldanywa ole imuung’e.

JEREMIA 6:21

Mwaei anyun Jehovah ko u ni kole, Ogeero, andoi taitab bichu kanagutik: ak konach kwanisiek koboto werik; ak kolus chitab kokwet koboto choruennyi.

JEREMIA 8:15

Kigigen kalyet, ago ma nyo kiy ne mie; kigigen betutab kasoobet, ak keero, kibiit arogenet!

RIREKAB JEREMIA 4:17

Kagong’etyo konyekyok kigeni toretet ne matilei kiy: Kigigen eng’ kagenisiennyo bororiet ne maimuchi kosor chi.

EZEKIEL 21:15

Koatokyi rotwetab chok ormarichokwak tugul, si komeiyo mugulelwekwak, ak kotesogis kanagutikwak: haa! Kogeyai koigei kalyelet, kogelit si kobaris.

EZEKIEL 34:12

Ko u ye cheng’ei mestowot akwennyi eng’ betut ne mi kwenutab kechirekyik che kigiiyesta, acheng’e ko u noto kechirekyuk; ak asoru ichek komong’ eng’ komoswek tugul ole kiga kiyestochi eng’ betutab bolik ak tulungenet ne imen.

EZEKIEL 36:15

ama achamun igas kogeny kalilanetab bororiosiek, ama igeseni tewernatetab bororiosiek kogeny, ama inach bororieng’ung’ kogeny, mwaei Kiptaiyat Jehovah.

JOEL 2:2

betutab mesundeito ak tuuindo, betutab bolik ak mesundeito ne nyigis, ko u ye machei korir emet eng’ tulonok; bororiet ne o ak ko kim, ne kitomo kobiitu ne u noto, ama kobiitu ne u ichek kogeny, agoi kenyisiekab ibinwek che chang’.

AMOS 4:13

Amu, keero, inendet ne yaei tulonok, ak koyaei usonet, ak komwachin chi kabwatennyi, inendet ne yaei karonet koimenit, ak kotiechei komoswek che tororen che bo ng’ony; kainennyi ko Jehovah, Kamuktaindet ne bo lugosiek.

AMOS 5:18

Bwa eng’ okwek che omache betutab Jehovah! Amu nee si omache betutab Jehovah? Mesundeito betunoto, ma lapkeiyet;

MALAKI 2:2

Ngot ko momache ogas, ak ngot ko momache ogonore mugulelwekwok, si kobiit otoror kainennyu, mwaei Jehovah ne bo lugosiek, ayokwok anyun chubisiet, ak achub berurwogikwok: ee, kaachub amu mogonore ng’atutionoto mugulelwek.

JOHANA 12:35

Kolenji Jesu anyun, Ta komi lapkeiyet eng’ kwenung’wong’ eng’ betusiek che matia. Obendoti ye ta otinye lapkeiyet, si ma namak mesundeito: ak inendet ne wendoti eng’ mesundeito ko manaei ole wendi.

JOSHUA 7:19

Ak kolenji Josua Akan, Werinnyu, asain ale, igochi torornatet Jehovah, Kamuktaindetab Israel, ng’ang’ji inendet; ak imwawa nguno kit ne koiyai; mat iung’ena.

1 PETERO 2:8

ak ko, Koita ne inachi bich, ak ko ruandet ne riichei bich; amu kinachi ichek eng’ ng’olyot, amu magase it: kiginde ichek agobo noto.

1 SAMUEL 6:5

Noto anyun, oyai itonwekab kabwanutikwok, ak itonwekab murekwok che ng’emei emet; si kobiit otoror Kamuktaindetab Israel; tamangab ko nyamnyum eunnyi eng’ okwek, ak eng’ kanamonikwok, ak eng’ emeng’wong’.