JEREMIA 12:9 - BUKUIT NE TILIL

⁹ Tos kaigei borotennyu eng’ ane taritiet ne lege, ne barisiei? Tos kayiem inendet taritik che barisiei? Oba, oyum tiong’ik tugul che bo timin, ogetu kobwa koamis.

Bukuit Ne Tilil

⁹ Tos ma igei porotennyu eng' anee toriityon ne legee, ne parisyei? Ne kayiem ineendet toriitik che parisyei? Ara oba anyun ak oyum tyong'ik tugul che po timiin; ogetu kobwa koamis.

BUKUIT NE TILIIL Sireet ne Dutero Kanon

⁹ Tos ma igei porotennyu eng' anee toriityon ne legee, ne parisyei? Ne kayiem ineendet toriitik che parisyei? Ara oba anyun ak oyum tyong'ik tugul che po timiin; ogetu kobwa koamis.

JEREMIA 12:9 ပူးပေါင်းရင်းမြစ်များ

2 LAITORINIK 24:2

Ak kiikyokyi Jehovah inendet lugosiekab Kaldeik, ak lugosiekab Suriek, ak lugosiekab Moabik, ak lugosiekab lagokab Amon, ak koyokto ichek koba Juda, kobar, ko u ng’olyotab Jehovah, ne kimwa eng’ otwogikyik maotik.

ISAIAH 2:11

Kinyeroti che ieetegei, ak kiming’ini menotetab bik, Jehovah inegei ne tororitu eng’ betunoto.

ISAIAH 2:12

Amu tun biitu betutab Jehovah ne bo lugosiek, eng’ ichek tugul che mendos ak che ieetigei; ak eng’ ichek tugul che itororigei: ak kiming’ini.

ISAIAH 56:9

Obwa, oamisie, okwek tiong’ik tugul che bo timin, ee, okwek tiong’ik tugul che bo osnet.

JEREMIA 15:3

Ak ang’atyini ichek tuguk ang’wan, mwaei Jehovah: rotwetab chok ne barisiei, ak sesenik che isongiririsiei, ak taritikab barak ak tiong’ikab ng’ony, si koamis ak kong’emis.

JEREMIA 2:15

Kigoborisenji barnotikab ng’etunyik, ak komoror mising’; ak kigong’em emennyi koek karatia; kigebeel nganasokyik, ma komenyei chi.

JEREMIA 34:20

agoitoi ichek koba eutab bunikwak, ak koba eutab ichek che cheng’ei sobonwekwak: ak koek muswekwak amitwogikab taritikab barak, ak che bo tiong’ikab ng’ony.

JEREMIA 7:33

Ak koek muswekab bichu amitwogikab taritik che bo barak, ak che bo tiong’ikab ng’ony; ama biitu chi ne iyestoi.

RIREKAB JEREMIA 1:17

Iitoi Sion eunekyik; ago mami chi ne igoigoi inendet; Kigong’at Jehovah agobo Jakobo, kole egu bunikyik bik che menyei komoswekyik: Mi Jerusalem kwenunywa ko u kit ne muruon.

EZEKIEL 34:5

Kiyesta amu kima komi mestowot: ak kiek amitwogikab tugul che bo timin, ak kiyesta.

NG'ANG'UTYET 17:16

Ak kuinoichu kegeere taman, ak tiondo, ko tun wechei chepkugoniot, ak kometo kotebi inegei, komi ach ngor, ak koam banyekyik, ak kobeel inendet eng’ mat kogesgei.