JEREMIA 12:7 - BUKUIT NE TILIL

⁷ Kiabagakte gonnyu, kiamete borotennyu; kiagochi chamanetab sobondanyu kwo eunekab bunikyik.

Bukuit Ne Tilil

⁷ Ki abagaakte koonnyu, ki amete porotennyu, ki agoochi chamaneetap saboondanyu kwo eunegap puunikyik.

BUKUIT NE TILIIL Sireet ne Dutero Kanon

⁷ Ki abagaakte koonnyu, ki amete porotennyu, ki agoochi chamaneetap saboondanyu kwo eunegap puunikyik.

JEREMIA 12:7 ပူးပေါင်းရင်းမြစ်များ

2 LAITORINIK 21:14

Ak atoortoi che kang’et che bo borotennyu, ak ande ichek eunekab bunikwak; ak koek luulenik che luulei bunikwak tugul;

TIENWOGIKAL 106:40

Kilalyo anyun neregekab Jehovah eng’ bikyik. Ak kiwech borotennyi.

TIENWOGIKAL 78:62

Kiigoito bikyik agichek kebare rotwetab chok; Ak kinerekyi borotennyi.

ISAIAH 2:6

Amu kiibagakte biguk, gotab Jakobo, amu kigonyi ichek bitonwekab kong’asis, ak kigoek ichek kipsogeinik ko u Pilistik, ak konamgei eunek koyosiechigei ak lagokab toek.

JEREMIA 11:15

Yaei nee chamanennyu eng’ gonnyu, amu kigoyai tengekwogik koboto bik che chang’, ak kigoistoenengei banyek che itabanotin? Ye iyae tengek ibaibaitu.

JEREMIA 14:19

Tos kiiesie Juda iman? Tos kigowech sobondang’ung’ Sion? Amu nee si ibirech, ama mi kasoobet eng’ achek? Kigigen kalyet, ago ma nyo kiy ne mie; kigigen betutab kasoobet, ak keero, kibiit arogenet!

JEREMIA 17:4

Ak ibagaktoi aginye boroteng’ung’ ne kiagonin; ak agonin iot buniguk eng’ emet ne mengen: amu kiolaal mat eng’ neregekyuk, ne lalei koigeny.

JEREMIA 22:5

Ago ngot ko mogas it ng’alechuto, ayosiechinige anyun, mwaei Jehovah, ale, egu goi karatia.

JEREMIA 23:33

Ak ye teebenen bichu, anan ko maotiot, anan ko tisiindet, kolenjin, Nee lautietab Jehovah? Imwachi anyun ilenji, Okwek lautiet! Atimdook, mwaei Jehovah.

JEREMIA 23:39

noto anyun, ogeero, autienok agoi, ak atimdook, koboto nganaset ne kiagonok ak kwanisiekwok, obe eng’ tainnyu:

JEREMIA 51:5

Amu magimetoi Israel, anan Juda, mametoi ichek Kamuktaindenywa, Jehovah ne bo lugosiek; nganda nyiitat emenywa ng’ogisto ne kiyachi Inendet ne Tilil ne bo Israel.

JEREMIA 7:14

ayachini anyun goyoto, noto kimwaitoe kainennyu, ne omang’u, koboto komosta ne kiagonok ak kwanisiekwok, ko u ye kiayachi Silo.

JEREMIA 7:29

Icheru sumeeguk anyun, ak iwirte, ak irirate eng’ tulonok che churiotin; amu kigoesio Jehovah ak kometo ibinda ne bo neregekyik.

EZEKIEL 24:21

Ng’alalji gotab Israel, ilenji, Mwaei Kiptaiyat Jehovah ko u ni kole: Ogeero, amuruoni oldanyu ne tilil, menotetab kimnateng’wong’, ne iboiboi konyekwok, ne rire sobonwekwok; ak kebare rotwetab chok werikwok ak tibikwok che kiobagakte.

HOSEA 11:1

Kiachame Israel ko ta ko ming’in, ak kiaguur werinnyu komong’ eng’ Misri.

HOSEA 9:15

Mi yaitienywa tugul Gilgal; amu kiawech ichek eng’ oloto: aone ichek koba eng’ gonnyu amu yaitietab boisionikwak: ma achame kogeny; bistoik bounikwak tugul.

JOEL 2:15

Oguut iriaget eng’ Sion, otaban karugutetab ge, oguur tuiyet ne bo kaming’inetab ge:

JOEL 3:2

ak amut ichek koba atebwetab Jeosapat; ak aruokyi ichek eng’ oloto amu bikyuk ak amu borotennyu Israel, che kigoseerji bororiosiek, ak kopchei emennyu.

LUKA 21:24

Ak kobutyo ichek eng’ ng’atibindab rotwetab chok, ak kimut luulenik koba bororiosiek tugul: ak kotiech Bororiosiek Jerusalem, agoi kosulda betusiekab Bororiosiek.

NG'ATUTIK 33:12

Kile agobo Benjamin, Meng’isiei chamanetab Jehovah eng’ kalyet eng’ ye negite inendet; Tuchei bet komugul, Ak komenyei kwenutab tigigoikyik.