JEREMIA 12:6 - BUKUIT NE TILIL

⁶ Kigoyaun kaberberisiet tupchosieguk, ak gotab kwandang’ung’; kigorirjin mising’: ameyan ichek, agot nda mwaun ng’alek che kororon.

Bukuit Ne Tilil

⁶ Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

BUKUIT NE TILIIL Sireet ne Dutero Kanon

⁶ Ki koyaun kaberberisyet tupchosyeguk ak kootap kwandang'ung'. Ki koriirchin miising'. Ameyan icheek, agot nda mwaun ng'aleek che korooron.

JEREMIA 12:6 ပူးပေါင်းရင်းမြစ်များ

Kitabuutap JOB 6:15

Kigoyai tupchosiekyuk kaberberisiet ko u kererut, Ko u beekab kererusiek che tendos:

TIENWOGIKAL 12:2

Ng’alaljingei tangoita, chi tugul ak chitab kokwennyi: Ng’alali chemwaikutnatet ak eng’ muguleldo ne besiot aeng’.

TIENWOGIKAL 12:3

Ibeeti Jehovah kutuswek tugul che ng’alali chemwaikutnatet, Ng’elyepta ne mwaei tuguk che eechen:

TIENWOGIKAL 69:8

Kiaegu too eng’ che kitupche, Ak kiaegu kipsagarin eng’ lagokab chebioset ne kisicha.

KALEWANAIK 23:8

Ing’ung’u kererutiet ne keam, Ak kobetyo ng’aleguk che anyiny.

KALEWANAIK 26:25

Ye kamwa che miach, ko meyan inendet; Amu mitei muguleldanyi tuguk tisabu che bo wechet:

ISAIAH 31:4

Amu mwaei Jehovah ko u ni kole, Ko u ye boriseni ng’etundo ak ng’etundo ne barnotiot, agobo tiondo ne kagobar, agot ngeguur mestowek che chang’ koawenji inendet, ko maarogeni eng’ waaganywa, anan koming’injigei bolatenywa: chorugei ko u noto Jehovah ne bo lugosiek koyai boriet eng’ tulwetab Sion ak eng’ tulwennyi ne ming’in.

JEREMIA 11:19

Ago kia u aruetab kechir ne tala, ne kikweriei kwo ole kieng’e; ak kima anai ale kigochob ichek chobutik che yaachen agobo ane, kole, Ongeng’em ketit koboto logoekyik, ak ongeiste inendet eng’ emetab che soptos, si mata kibwat kainennyi kogeny.

JEREMIA 11:21

Mwaei anyun Jehovah agobo bikab Anatot, che cheng’ei sobondang’ung’, kole, Amat imaoten eng’ kainetab Jehovah, si magibarin achek;

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

JEREMIA 9:2

Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

JEREMIA 9:3

Ak riichei ng’elyebwekwak ko u ye riichei kwangokwak, agobo lembechek; ak kagogimegitu eng’ emet, ago ma eng’ imanit: amu kong’eetye yaitiet koba yaitiet, amaingena, mwaei Jehovah.

JEREMIA 9:4

Ingoribegei anyun chi tugul chitab kokwennyi, amat imang’u tupchet age tugul: amu tilei bich let tupchet age tugul, ak kochaamsoti chito age tugul ne bo kokwet.

JEREMIA 9:5

Ak koberber age tugul, kokwennyi, ama mwaei imanit: kigonet ng’elyebwekwak komwa lembechek; birtogei koyai yaitiet.

MATAYO 10:21

Ak kong’wekta chito ng’etab kamet kong’wekyi meet, ak kong’wekta kwanda lakwennyi: ak kong’eetyi lagok sigikwak, ak kogoito kebar.

MARIKO 12:12

Ak kicheng’ei ole namdoi inendet; ago kiiywei tuiyet; amu kinai kole kamwa kalewenoni agobo ichek: ak kibagakta inendet, ak koba.

JOHANA 7:5

Amu agot tupchosiekyik agichek, ko ma iyan inendet.

POISYONIGAP CHE KIYOKTOI 16:22

Ak king’eet tuiyet kibagenge kobokyi ichek: ak kogerer kiruogik ngoroikab bichoto, ak kong’at kebir eng’ kirokwek.

POISYONIGAP CHE KIYOKTOI 18:12

Ago ye kingo kiruogindetab Akayo Galio, kong’eetyi Yahudik Paulo eng’ maget agenge, ak komut inendet kwo taitab ng’echeretab kiruoget,