JEREMIA 12:4 - BUKUIT NE TILIL

⁴ Iteei emet kot kotianit, ak korestos sogekab emet komugul? Amu sogornatetab bik che menyei oloto, kigiges anyun, kigobek tiong’ik, ak taritik; amu kile ichek, Mageerei inendet kagesunennyo.

Bukuit Ne Tilil

⁴ Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

BUKUIT NE TILIIL Sireet ne Dutero Kanon

⁴ Iteei emet kot kotyanit, ak korestos sogegap emet komugul agoi au? Amu sogornatetap piik che menyei olooto, ko ki koges kei anyun ak ki kobek tyong'ik ak toriitik. Amu ki le icheek, “Ma keerei ineendet kagesunennyo.”

JEREMIA 12:4 ပူးပေါင်းရင်းမြစ်များ

TIENWOGIKAL 107:34

Walei emet ne iyiot koek ong’atetab munyuk, Amu sogornatetab icheget che menyei oloto.

TIENWOGIKAL 50:21

Kiiyai tuguchuto, ak kiasis; Kiilen ki kerge ak inye: Ago amache agerin kong’, ak atete tugul eng’ taing’ung’.

ISAIAH 24:4

Arogeni ng’ony ak kowong’gei, nyaluli ng’ony ak kowong’gei, nyalildos bik che mendos che bo ng’ony.

ISAIAH 24:6

Kigoam anyun chubisiet ng’ony, ak kigonam ng’ogisto che menyei: kigibeel bik che menyei ng’ony, ak king’et che ng’ering’.

JEREMIA 12:11

Kigoyai koek karatia; rirjina, amu karatia; kigeyai emet komugul koek karatia, amu mami chi ne ibwati emonoto.

JEREMIA 14:2

Rirei Juda, ak nyaluldos ormarichokyik, tebyei ng’ony bikyik koteitos; ak kotogosta rirekab Jerusalem.

JEREMIA 23:10

Amu nyiitat emet bik che yaei ibetab ge; amu rirei emet amu kayosiet; kigoyaam ole agete akwotisiek eng’ ong’atet; ya bandanywa, ak ma bo iman kimnatenywa.

JEREMIA 4:25

Kiageer, ak ogeero, kima komi chi, ak kiga komwei taritik tugul che bo barak.

JEREMIA 4:28

Rirei emet amu nito, ak kotuuegitu kipsengwetisiek: amu kaamwa, ak kaachob, ak tom awal kit ne abwati, amaweechigei let eng’ ng’olyondonito.

JEREMIA 5:13

ak koek maotik usonet, ama mi ng’olyot eng’ orinywa: kiyachin ko u noto.

JEREMIA 5:31

Maoteni maotik lembeita, ak bou tisiik ko u magetab maotik; ak chamei bikyuk koteeb ko u noto: oyae nee anyun eng’ kagesunetab tuguchuto?

JEREMIA 7:20

Mwaei anyun Kiptaiyat Jehovah ko u ni kole: Ogeero, kirong’jin olito neregekyuk ak neregekyuk che ng’wonen, kirong’jin bik ak tuga, ak ketikab timin, ak eng’ logoekab mbar; ak laldos, ama kimisi.

JEREMIA 9:10

Amu arire ak atei agobo tulonok, ak amosiseni agobo ole agete tuguk eng’ ong’atet, amu kagolalyo, kot ko ma kobunei chi; ama komuchi kogas bik kautetab tuga; kogomwei taritikab barak ak tiong’ik.

JEREMIA 9:9

Tos manyone abire ichek agobo tuguchu? Mwaei Jehovah: tos mayaaktachinige mugetut eng’ bororiet ne u ni?

HOSEA 4:3

Rirei anyun emet, ak nyaluli age tugul ne menyei oloto, koboto tiong’ikab timin ak taritikab barak; ee, kiistoi agichek njirenikab nyanjet.

JOEL 1:18

Tigendos tiong’ik ne tia! Kaiimgei akwotisiekab tuga, amu mami ole agete; ee, nyalildos akwotisiekab kechirek.

AMOS 1:2

Kimwa kole, Boriseni Jehovah eng’ Sion, ak kotwegu eng’ Jerusalem; ak koririo ole iyagisie mestowek, ak koyaam walitab Karmel.

HABAKUK 3:17

Amu ngot ko ma yie mogoiywet, Anan ko ma rurio ketikab sabibuk; Koek buch boisietab emdit, Ama biitu amitwogik eng’ mbarenik; Ak kebar akwotisiekab kechirek eng’ biusiek, Ama komi akwotisiekab tuga eng’ biusiek:

SEKARIA 1:12

Kiwol anyun malaikaiyatab Jehovah, kole, Ee Jehovah ne bo lugosiek, ta iesioi kot kotianit si irire Jerusalem, ak nganasokab Juda, che kiinerekyi kenyisiechu tamanwogik tisab?

ROMANIK 8:22

Amu kingen kele tigeni ak kogasei ng’wanindo yaet komugul kobotech agoi nguno.