JEREMIA 12:14 - BUKUIT NE TILIL

¹⁴ Mwaei Jehovah ng’alechoto agobo bik tugul che yaach che bo kokwennyu, che twaei borotet ne kiagochi bikyuk Israel konam kobunji, ko u ni kole: Ogeero, atutu ichek eng’ emenywa, ak atutu gotab Juda komong’ eng’ kwenunywa.

Bukuit Ne Tilil

¹⁴ Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

BUKUIT NE TILIIL Sireet ne Dutero Kanon

¹⁴ Mwaei Kamuktaindet ne Toroor ng'aleechooto agobo piik tugul che kiptengeginik che po kokwennyu, che twaei poroteet ne ki agoochi piikyuk Israel konam kobunji, kole: “Ogeero, atutu icheek eng' emennywa ak atutu kootap Judah komong' eng' kwenunnywa.”

JEREMIA 12:14 ပူးပေါင်းရင်းမြစ်များ

TIENWOGIKAL 105:15

Kole, Amat otwa chechuk che kigiil, Amoyachi ne ya maotikyuk.

TIENWOGIKAL 106:47

Soruech, ee Jehovah Kamuktaindennyo, Ak iyumech, kemong’une bororiosiek, Si kobiit keweekyi kongoi kaineng’ung’ ne tilil, Ak kilosuge eng’ kalosuneng’ung’.

JEREMIA 2:3

Ki tilil Israel eng’ Jehovah, rurgutinikab iyotennyi: kiityin ng’ogisto tugul che amei inendet; nyonjin yaitiet ichek, mwaei Jehovah.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 3:18

Tun bendoti eng’ betusiechoto gotab Juda ak gotab Israel, ak kobwa tuwai komong’ eng’ emet ne bo murot ne bo katam, kobwa emet ne kiagochi kwanisiekwok kobunji.

JEREMIA 32:37

Ogeero, ayumi ichek komong’ eng’ emotinwek tugul che kigaonji ichek amu neregekyuk, ak eng’ neregekyuk che ng’wonen, ak eng’ neregek che eechen, ak amutu ichek kogeny kobwa olito, ak agochi komeny eng’ chametab ge.

JEREMIA 48:1

Ng’alekab Moab: Mwaei Jehovah ne bo lugosiek, Kamuktaindetab Israel, ko u ni kole: Bwa eng’ Nebo! Amu kagoek karatia; kagitewer Kiriataim, kageluul: kagitewer Misgab, kagebut.

JEREMIA 48:47

Ago aweechi kogeny luulenikab Moab eng’ betusiek che bo let, mwaei Jehovah. Te noto anyun kiruogetab Moab.

JEREMIA 49:1

Ng’alekab lagokab Amon: Mwaei Jehovah ko u ni kole: Tos matinyei Israel werik? Matinyei ne namei tugukyik? Amu nee anyun si konam Malkam Gad kobunji, ak komeny bikyik nganasokyik?

JEREMIA 49:7

Ng’alekab Edom: Mwaei Jehovah ne bo lugosiek ko u ni, kole: Tos ma komi ng’omnatet eng’ Teman? Tos kigobet kiruoget eng’ che ng’omen? Tos kigobek ng’omnatenywa?

EZEKIEL 28:25

Mwaei Kiptaiyat Jehovah ko u ni kole: Ye tun kaayum gotab Israel komong’une bororiosiek ole kiga kiyestochi, ak aegu ne itabanat eng’ ichek eng’ taitab bororiosiek, komeny anyun emenywa ne kiagochi otwogindennyu Jakobo.

EZEKIEL 28:26

Ak komeny oloto eng’ chametab ge; ee teechei gorik, ak komin sabibuk, ak komeng’is eng’ chametab ge; ye tun kaaruokyi ichek tugul che sasei ichek che mi komoswekwak tugul; si konai kole a Jehovah Kamuktaindenywa.

EZEKIEL 36:24

Amu amutwok omong’une bororiosiek, ak ayumak omong’u eng’ emotinwek tugul, ak amutwak obwa emeng’wong’.

EZEKIEL 36:5

mwaei anyun Kiptaiyat Jehovah ko u ni kole: Kiamwa iman eng’ matab ng’etkondanyu agobo bororiosiek che ng’etunotin, ak agobo Edom tugul, che kiityigei emennyu kole kobunji eng’ boiboiyetab mugulelwekwak tugul, eng’ koromnatetab sobondo, si kogoito keluul:

EZEKIEL 37:21

Ak ilenji ichek, Mwaei Kiptaiyat Jehovah ko u ni kole: Ogeero, amutu lagokab Israel komong’ eng’ bororiosiek, ole kigoba, ak ayum ichek eng’ komosta agenge tugul, ak amutu ichek kobwa emenywa.

HOSEA 1:11

Ak kiyum lagokab Juda ak lagokab Israel, ak kolewenjigei kandoindet agenge, ak kotogosta eng’ emonoto: amu egu betut ne o betutab Jesreel.

SEKARIA 1:15

Ak anerechi mising’ agobo bororiosiek che imuunyi: amu ye kita anerechi kitigin kityo, kotes icheget nyalilda.

SEKARIA 2:8

Amu mwaei Jehovah ne bo lugosiek kole, Kagoyokta inendet agobo torornatennyi, awa oldab bororiosiek che kiluulok, amu inendet ne twaok, ko katwa laptetab kondanyi.

NG'ATUTIK 28:63

Ak ko u ye kibaibait Jehovah eng’ okwek koyaiywok ne mie, ak kotesak; u noto boiboitu Jehovah eng’ okwek kolusak, ak kowong’wok; ak kitutok eng’ emet ne iwendi iname kobunjin.

NG'ATUTIK 30:3

kowal anyun Jehovah Kamuktaindeng’ung’ luulet ne kigiluulin ak korirenen, ak koweek koyumin eng’ bororiosiek tugul, ole kiiyestochin Jehovah Kamuktaindeng’ung’.