JEREMIA 12:13 - BUKUIT NE TILIL

¹³ Kigol nganok, ago kiges katok; kibirtogei ama kelji kiy: ak olilandosi amu logoekwok, amu neregek che ng’wonen che bo Jehovah.

Bukuit Ne Tilil

¹³ Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

BUKUIT NE TILIIL Sireet ne Dutero Kanon

¹³ Ki kool `icheek nganuuk ak kagoges katook; kibirtogei ama kelji kiy. Ililandos icheek amu logoekwak, ak amu nereegek che ng'woneen che po Kamuktaindet ne Toroor.

JEREMIA 12:13 ပူးပေါင်းရင်းမြစ်များ

TIENWOGIKAL 78:62

Kiigoito bikyik agichek kebare rotwetab chok; Ak kinerekyi borotennyi.

ISAIAH 55:2

Amu nee si oboisie feda eng’ tuguk che ma amitwogik? Ak boisieng’wong’ agobo tuguk che mobiyonyi? Oepcha it mising’, si oam che miach, ak ingoboiboitu sobonwekwok eng’ che akwaen.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 4:26

Kiageer, ak ogeero, kiek ong’atet mbaret ne kirurei, ak kiga kiluul nganasokyik eng’ taitab Jehovah, ak eng’ taitab neregekyik che ng’wonen.

JEREMIA 9:5

Ak koberber age tugul, kokwennyi, ama mwaei imanit: kigonet ng’elyebwekwak komwa lembechek; birtogei koyai yaitiet.

HOSEA 8:7

Amu kolei usonet, ak kesei kipchurjuriet: matinyei bek che tonondos; maiitos itikab bek; ngot koiiyo, koamei kipsagarek kotarei.

ATEPTAP LAWIK 26:16

ayaiywok ni agane: ang’ate kamuiset konyonjok, ak chebuonit ak eset, che ng’emei konyek, ak kogochi sobondo kosagit; ak ogol keswekwok buch, amu amei bunikwok.

ATEPTAP LAWIK 26:20

ak oboisie buch kimnateng’wong’; amu magonu emeng’wong’ ruratet, ak maiitos ketikab emet logoekwak.

MIKAH 6:15

Igolsei, amegese; itue emitik, ago meilege mwanik; itue sabibuk, ago mee divaik.

HABAKUK 2:13

Ogeero, tos ma bo Jehovah ne bo lugosiek kole kobiisiechi bik mat, ak koiimgei bororiosiek buch?

HAGGAI 1:6

Kiogol che chang’, ago ogese che ng’ering’; oamisiei, ago mobiyong’dosi; oeeisei, ago manyiiok; olaachi ngoroik, ago mami ne lalang’; ak inendet ne nyoru melekto kondoi lolet ne undurot.

HAGGAI 1:9

Kiocheng’ che chang’, ak ogeero, kibiit che ng’ering’; ak kingoibu kobwa ga, agutute. Amu nee? Mwae Jehovah ne bo lugosiek. Amu gonnyu ne butot, ago labati chi age tugul gonnyi.

ROMANIK 6:21

Kiotinye logoek nee eng’ betusiechoto eng’ tuguk che olilane nguno? Amu kagesunetab tuguchoto ko meet.

NG'ATUTIK 28:38

Iibe keswek che chang’ mbar, ago igese che ng’ering’; amu tarei chereng’endet.