JEREMIA 12:1 - BUKUIT NE TILIL

¹ I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

Bukuit Ne Tilil

¹ Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

BUKUIT NE TILIIL Sireet ne Dutero Kanon

¹ Ii po iman, ee Kamuktaindet ne Toroor, ye ariirchinin, nga amache atebeenen agobo ng'olyoondoni: Amu nee anyun si kiberuur ooreetap kiptengeginik? Amu nee si komuunyi icheek tugul che yaei kaberberisyet?

JEREMIA 12:1 ပူးပေါင်းရင်းမြစ်များ

TAUNET 18:25

Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul?

EZRAH 9:15

Ee Jehovah, Kamuktaindetab Israel, i bo iman; amu ki bik che kigeng’etu, che kichililso, ko u rani: keero, kimi taing’ung’ eng’ ng’ogistanyo; amu mami ne imuchi kotonon eng’ taing’ung’ amu nito.

NEEMIA 9:33

Ago i bo iman eng’ tuguk tugul che kigobwanjech; amu kiiyai ne bo iman, ago kigeyai ne ya:

Kitabuutap JOB 12:6

Borei emaisiekab ribik, Ak ribotin che tachei Kamuktaindet; Ipchin Kamuktaindet eunekwak tugul che chang’.

Kitabuutap JOB 13:3

Iman amache ang’alalji Inendet ne bo Kamuktaet. Ak amache keng’alaljine ak Kamuktaindet.

Kitabuutap JOB 24:12

Tigendos bik eng’ nganaset ne chang’ bik, Ak korirtos sobonwekab bik che kigiguoten: Ago ma iityi Kamuktaindet berberiet.

Kitabuutap JOB 24:23

Igochin Kamuktaindet ichek kotebe chametab ge, ak komuung’e yoto; Ak komi konyekyik ortinwekwak.

Kitabuutap JOB 8:17

Taachingei tigitikyik karurugutiet, Keerei inendet komostab koik.

TIENWOGIKAL 116:5

Bo mieindo Jehovah ak ko bo imanda; Ee, tinyei rirenetab ge Kamuktaindennyo.

TIENWOGIKAL 119:137

I bo iman, inye, ee Jehovah, Ak lititen kiruogutiguk.

TIENWOGIKAL 119:75

Angen, ee Jehovah, ale bo iman kiruogutiguk, Ak kiibira eng’ imandang’ung’.

TIENWOGIKAL 145:17

Bo iman Jehovah eng’ ortinwekyik tugul, Ak tala eng’ boisionikyik tugul.

TIENWOGIKAL 37:1

Ameng’ konyitin che yaei yaitio, Amat koamin ng’et kong’ agobo che yaei tengekto.

TIENWOGIKAL 37:35

Kiageer kiptengekyot ne tinyei bounatet ne o, Ak kotuneni ko u ketit ne tuon ne bitei eng’ emennyi.

TIENWOGIKAL 51:4

Kiayaun tengekto inyendet inyege, Ak kiayai ne ya eng’ taing’ung’: Si kobiit kindein imanda ye ing’alali, Ak kotook tililindang’ung’ ye iruochi.

TIENWOGIKAL 51:6

Keero, imache imanit eng’ kebeberwek che bo orit: Ak ineta ng’omnatet eng’ ole ung’at.

TIENWOGIKAL 92:7

Ye kaeegitu kiptengeginik ko u suswek, Ak ye kanyor berurto yaikab tengekto; Ko si keng’em agoi koigeny:

KALEWANAIK 1:32

Amu barei ichek kachuchugetab ge ne bo abusanik, Ak ng’emei ichek borotetab che berber.

AMDOINDET 8:14

Mi tangoita ne yaoksei eng’ ng’ony; amu mi bik che bo iman, che biityin kiy ko u boisionikab kiptengeginik; komi bik che yaach che biityin kiy ko u boisionikab che bo iman: kiamwa ale, tangoita nito agine.

ISAIAH 41:21

Kale Jehovah, Omwa ng’alekwok; kale Laitoriatab Jakobo, Oibu ng’alekwok che kimen.

ISAIAH 48:8

Ee, kitom igas, ee kitom inai; ee kitom koyatak iting’ung’: amu kiangen ale iyae kaberberisiet ne o, ak kigiguurenen bistoindet koboch imi mo.

JEREMIA 11:20

Ago, kona ageer yaaktaeng’ung’ bo mugetut eng’ ichek, ee Jehovah ne bo lugosiek, ne iruochi eng’ imanda, ne itieme kabwatutik ak muguleldo; amu kaang’ang’un ng’olyondennyu.

JEREMIA 12:6

Kigoyaun kaberberisiet tupchosieguk, ak gotab kwandang’ung’; kigorirjin mising’: ameyan ichek, agot nda mwaun ng’alek che kororon.

JEREMIA 3:20

Iman, ko u ye bagaktoi osotiot manong’otiondennyi eng’ kaberberisiet, ko u noto, kioyaiywa kaberberisiet, ee gotab Israel, mwaei Jehovah.

JEREMIA 3:7

Ak kingo kagoyai tuguchuto tugul, amwa ale, Weekyinagei inendet; ago ma week: ak kigeer nito chepkamennyi Juda kaberberindet.

JEREMIA 32:16

Kingo kaagochi Baruk weritab Neria baruetab kayanjinet ne bo alyet, asa Jehovah, alenji,

JEREMIA 5:11

Amu kigoberbera mising’ gotab Israel ak gotab Juda, mwaei Jehovah.

JEREMIA 9:2

Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

RIREKAB JEREMIA 1:18

Bo imanda Jehovah; amu kiangelelji ng’atutiennyi: Asaok ale, ogas okwek bororiosiek tugul, ak ogeer arogenennyu: Kogimut bergeinikyuk ak neranikyuk koba koek luulenik.

EZEKIEL 18:25

Ago omwae ole, Ma bo iman oretab Jehovah. Ogas anyun-o, gotab Israel: tos ma bo iman orennyu? Tos ma ortinwekwok che ma bo iman?

DANIEL 9:14

Kirib anyun Jehovah yaitiet agoi betut ne kiibwech: amu bo iman Jehovah Kamuktaindennyo eng’ boisionikyik tugul che yaei, ago ma kigas it kutinnyi.

DANIEL 9:7

Ee Kiptaiyat, neng’ung’ imanda, ago nenyo kalilanet, ko u ra; koboto bikab Juda, ak bik che menyei Jerusalem ak Israel tugul, che negit ak che mi ole loo, eng’ emotinwek tugul ole kiionji, amu chalwoktanywa ne kigoyaun.

HOSEA 6:7

Ago kigobistoe ichek kayomiset ko u Adam: kigoberbera eng’ oloto.

HABAKUK 1:4

Kigochoriren ng’atutiet amu noto; ama komi kiruoget ne kiruochi: amu yiemei kiptengekyot chito ne bo iman; kiruochi anyun kiruoget kimaasi.

SEPANIA 3:5

Bo iman Jehovah ne mi kwenunnyi; mayaei tengekto; ibortoi kiruogennyi karonet age tugul, yaei kosulda; ago maililandos bik che ma bo iman.

MALAKI 2:17

Kooiim Jehovah eng’ ng’alekwok. Ago omwae ole, Kigiime nee? Amu omwae ole, Mie age tugul eng’ taitab Jehovah ne yaei yaitiet ak koboiboitune bichoto: anan mi ano Kamuktaindet ne bo kiruoget?

MALAKI 3:15

Ak nguno keguure menotik bik che boiboi, ee, kigimiti ichek che yaei yaitiet; ee, tiemei Kamuktaindet ak kochilildos.

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.