JEREMIA 11:8 - BUKUIT NE TILIL

⁸ Ago ma kas it, ama eb it, ago kiwendot age tugul eng’ uuindab muguleldanyi ne ya: aipchini anyun ichek ng’alek tugul che bo kayomisoni, ne kigang’at ichek koyai, ago ma yai.

Bukuit Ne Tilil

⁸ Ago ma kas iit, ama ep iit, ago kiwendot age tugul eng' uuindap muguleldanyi ne ya. Aipchini anyun icheek ng'aleek tugul che po kayomisoni, ne ki kang'at icheek koyai, ago ma yai.

BUKUIT NE TILIIL Sireet ne Dutero Kanon

⁸ Ago ma kas iit, ama ep iit, ago kiwendot age tugul eng' uuindap muguleldanyi ne ya. Aipchini anyun icheek ng'aleek tugul che po kayomisoni, ne ki kang'at icheek koyai, ago ma yai.

JEREMIA 11:8 ပူးပေါင်းရင်းမြစ်များ

NEEMIA 9:26

Ago ma kas it, ak kongeleljin, ak kiwirta Ng’atutiguk kotuktochi batai, ak kobar maotiguk che kibaorianji ichek, kole koweech ichek kobwanjin, ak koyai tagisiosiek che eechen.

NEEMIA 9:29

ak ibaorianji ichek itigon, ile imutyi kogeny Ng’atutieng’ung’: ago kiboisie menotet, ama kas it ng’atutiguk, ago kiyai tengekto kongelelji kiruogutiguk (che ngot koyai chito kosobe choto), ak kilit olin, ak kouuiit kaatinywa, ama cham kogas.

JEREMIA 13:10

Igeitu birenoni ma kotilei kiy, bichu yaachen, che esioi kogas ng’alekyuk, che bendote uuindab mugulelwekwak, ak kosuboti kanamonik che ter, si koot ichek, ak kolos.

JEREMIA 3:17

Tun kuure ichek Jerusalem eng’ betusiechoto, ng’echeretab laitornatet ne bo Jehovah, ak koyumjigei bororiosiek tugul, koyumjigei kainetab Jehovah, eng’ Jerusalem: ama kobendote uuindab mugulelwekwak che yaachen.

JEREMIA 31:32

ma ko u kayomiset ne kigiyomisge ak kwanisiekwak eng’ betut ne kianamanu ichek amutu komong’ eng’ emetab Misri; kayomisonotonyunet ne king’em ichek, nganda kia manong’otiot eng’ ichek, mwaei Jehovah.

JEREMIA 32:23

ak kibwa, konam kobunji; ago ma kas it kuting’ung’, ama isub ng’atutiguk; ma yai kiy age tugul eng’ choto tugul kiing’atyi ichek koyai: koigochi anyun yaitioni tugul konyonji ichek.

JEREMIA 34:14

Ye ibata kenyisiek tisabu, kotiach chi age tugul eng’ okwek tupchennyi ne Yahudiot, ne kigeal, ago kigootin eng’ kenyisiek lo, itiachi inendet kwo: ago kima kasa kwanisiekwok, anan koepcha it.

JEREMIA 35:15

Ak kiayokwok kogeny otwogikyuk tugul che maotik, ang’eete karon mising’ ak ayogu ichek, amwae ale, Oweege anyun chi age tugul eng’ orennyi ne ya, ak olitit boisionikwok, amosub cheptalelisiek che ter oot ichek, si omeny emet ne kiagonok koboto kwanisiekwok: ago ma oeb it, anan ogasa it.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 38:20

Ago kile Jeremia, Maigoitoin. Kasain ale, kas kutitab Jehovah eng’ chuto amwaun: si kobiit komieit eng’ inye, ak kosob sobondang’ung’.

JEREMIA 44:16

Magigasun ng’olyondonoto kemwawech eng’ kainetab Jehovah.

JEREMIA 44:17

Ago kiyae iman ng’olyot age tugul ne kagemwa, kele kibeeljini nyamdutik laitoriatab kipsengwet, ne kwondo, ak kerong’jini inendet kagochinoik che kieei, ko u ye kigeyai, achek ak kwanisiekyok, ak laitorinikyok, ak bounikyok, eng’ nganasokab Juda, ak eng’ ortinwek che bo Jerusalem: amu kigitinye eng’ betusiechoto amitwogik che chang’, ak kigichamege, ama kigeer yaitio.

JEREMIA 44:5

Ago ma kas, anan koeb it si kobiit koweek kometo yaitienywa, si mata kobeelji nyamdutik cheptalelisiek che ter.

JEREMIA 7:13

Ara anyun, amu kioyai boisionichuto tugul, mwaei Jehovah, ak kiang’alalwok, ang’eete karon mising’ ak ang’alali, ago ma ogas; ak kiaguurok, ago ma owolu:

JEREMIA 7:24

Ago ma kas, ama eb it, ago kibendate kiruogutikwak ak uuindab mugulelwekwak che yaachen, ak kituitui koba let, ma ba tai.

JEREMIA 7:26

ago ma kasa, ama eb it, ago kiiuuiit kaatinywa: kiyai ne ya kosiir kwanisiekwak.

EZEKIEL 20:8

Ago kiingelelja, ma cham kogasa it; ma meto chi age tugul eng’ ichek tuguk che kiwechei che kichamei konyekwak, ama meto kanamonikab Misri: amwa anyun ale, Arong’jini ichek neregekyuk che ng’wonen, si kobiit ayai neregekyuk kosulda eng’ ichek eng’ emetab Misri.

SEKARIA 1:4

Amoige kwanisiekwok, che kiga ititenji maotik che bo tai, kolenji, Mwaei Jehovah ne bo lugosiek ko u ni kole, Oweege anyun nguno omete ortinwekwok che yaach, ak boisionikwok che yaach: ago kima kas ichek, anan koepcha it, mwaei Jehovah.

SEKARIA 7:11

Ago kiesio kogas it, ak kililich tigigoikwak, ak kotim itikwak, si magas.