JEREMIA 11:21 - BUKUIT NE TILIL

²¹ Mwaei anyun Jehovah agobo bikab Anatot, che cheng’ei sobondang’ung’, kole, Amat imaoten eng’ kainetab Jehovah, si magibarin achek;

Bukuit Ne Tilil

²¹ Nooto anyun amu nee si komwaei Kamuktaindet ne Toroor agobo piigap Anatoth, che cheeng'ei saboondang'ung', kole, “Amat imaoten eng' kainetap Kamuktaindet ne Toroor, si ma ki parin acheek.”

BUKUIT NE TILIIL Sireet ne Dutero Kanon

²¹ Nooto anyun amu nee si komwaei Kamuktaindet ne Toroor agobo piigap Anatoth, che cheeng'ei saboondang'ung', kole, “Amat imaoten eng' kainetap Kamuktaindet ne Toroor, si ma ki parin acheek.”

JEREMIA 11:21 ပူးပေါင်းရင်းမြစ်များ

ISAIAH 30:10

che mwachin keerik kolenji, Amogeer; ak kolenji maotik, Amomaotenwech tuguk che bo iman, omwawech tuguk che tangus, omaoten kaberberisiosiek:

JEREMIA 1:1

Chu ng’alekab Jeremia weritab Hilkia, ne ki bo tisiik che kimi Anatot eng’ emetab Benjamin:

JEREMIA 1:19

Ak obarge, ago maiterterin: amu ami koboten, si asorun, mwaei Jehovah.

JEREMIA 20:10

Amu koagas katewerisietab che chang’, kamuiset eng’ komosta age tugul. Mwaei choronokyuk tugul che achame, che machei kotaama, kole, Omwaite, si kemwaite inendet; tamangab kigaigai, si kiterter inendet, ak kiyaaktochinege mugetut.

JEREMIA 26:8

Ak kingo kagoges Jeremia ng’alalet tugul ne kiga ng’at Jehovah komwachi bik tugul, konam anyun tisiik ak maotik ak bik tugul inendet, kolenji, Imee iman.

JEREMIA 32:7

Keero, nyonjinin Hanamel weritab Salum imameng’ung’, kolenjinin, Aljige mbarennyu ne mi Anatot: amu neng’ung’ imanitab katiaget ial.

JEREMIA 34:20

agoitoi ichek koba eutab bunikwak, ak koba eutab ichek che cheng’ei sobonwekwak: ak koek muswekwak amitwogikab taritikab barak, ak che bo tiong’ikab ng’ony.

AMOS 2:12

Ago koigochi Nasiritik divaik koee; ak ong’at maotik olenji, Amat omaoten.

MIKAH 7:6

Amu iteweri werit kwanda, borie chepto kamet, borie osotiotab werit korgennyi ne bo yugoi; bunikab chito bikyik.

MATAYO 10:21

Ak kong’wekta chito ng’etab kamet kong’wekyi meet, ak kong’wekta kwanda lakwennyi: ak kong’eetyi lagok sigikwak, ak kogoito kebar.

MATAYO 21:35

Ak kinam meek otwogikyik, ak kibir age, ak kibar age, ak kilach age eng’ koik.

MATAYO 22:6

ko che king’et, konam otwogikyik, ak konyalil, ak kobar.

LUKA 4:24

Ak kilenji, Amwawok iman, ale, Mami maotiondo ne chamaksei eng’ emennyi.