JEREMIA 11:20 - BUKUIT NE TILIL

²⁰ Ago, kona ageer yaaktaeng’ung’ bo mugetut eng’ ichek, ee Jehovah ne bo lugosiek, ne iruochi eng’ imanda, ne itieme kabwatutik ak muguleldo; amu kaang’ang’un ng’olyondennyu.

Bukuit Ne Tilil

²⁰ Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

BUKUIT NE TILIIL Sireet ne Dutero Kanon

²⁰ Ago, koono ageer yaaktaeng'ung' po mugetuut eng' icheek, ee Kamuktaindet ne Toroor ne po lugoosyek, ne irwoochi eng' imanda, ne ityeme kabwaatutik ak muguleldo, amu kaang'ang'un ng'olyoondennyu.

JEREMIA 11:20 ပူးပေါင်းရင်းမြစ်များ

TAUNET 18:25

Ingolooit eng’ inye, yaet ne u nito, ibar che bo iman koboto che yaachen, si kogergeit che bo iman ak che yaachen; ingolooit eng’ inye: tos mayaei iman Kiruogindet ne bo ng’onyuni komugul?

2 LAITORINIK 19:14

Ak kinam Hesekia baruet eng’ eutab bik che kiga kiyok, ak kosoman: ak kitogosta Hesekia kwo gotab Jehovah, ak koiito baruanato eng’ taitab Jehovah.

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

1 ATEPTAP PEETUUSYEK 29:17

Angen kogeny, ee Kamuktaindennyu ale, itieme muguleldo, ak ibaibaitune lititindo. Ak kiagonin tuguchuto tugul eng’ chamnyet ak lititindab muguleldanyu: ak kaageer nguno eng’ boiboiyet biguk che mi yu kogonin eng’ chamnyet.

Kitabuutap JOB 5:8

Ago nda ka ane, acheng’e Kamuktaindet, Ak aipchini Kamuktaindet ng’olyondennyu:

TIENWOGIKAL 139:23

Isiacha, ee Kamuktaindet, ak inai muguleldanyu: Tiema, ak inai kabwatutikyuk:

TIENWOGIKAL 35:2

Nam long’et ak torgochet, Ak itonon itoreta.

TIENWOGIKAL 43:1

Ibesiewa ng’alekyuk, ee Kamuktaindet, ak itononwa eng’ bororiet ne ma bo iman: Sorua eng’ chito ne ng’alsei ak ne ma bo iman.

TIENWOGIKAL 57:1

Rirena, ee Kamuktaindet, rirena; Amu mwechinin sobondanyu: Ee, amwechini uruetab kebebaiguk, Agoi kosiirto nyalilwogichu.

TIENWOGIKAL 58:10

Baibai ne bo imanda ye keerei yaaktaetab mugetut: Iune kelyekyik korotikab kiptengeginik.

TIENWOGIKAL 7:10

Mi long’ennyu eng’ Kamuktaindet, Ne soru che bo iman eng’ mugulelwek.

TIENWOGIKAL 7:8

Ibesiechin Jehovah bororiosiek: Iruokseiywa, ee Jehovah ko u imandanyu, ak ko u kagesunatennyu bo ge ne mita.

TIENWOGIKAL 7:9

Ingowong’gei tengektab kiptengeginik, ago igimit ne bo imanda: Amu tiemei Kamuktaindet ne bo imanda mugulelwek ak soromok.

TIENWOGIKAL 98:9

Eng’ taitab Jehovah, amu nyonei koruokyin ng’ony: Tun iruokyin ng’ony eng’ imanda, Ak koruokyi bik eng’ iman.

JEREMIA 12:1

I bo iman, ee Jehovah, ye arirjinin: ago ta amache ang’alal koboten agobo ng’olyondonito: amu nee anyun si kiberur oretab kiptengeginik? Amu nee si komuunyi ichek tugul che yaei kaberberisiet?

JEREMIA 12:3

Ago ingena, ee Jehovah; igeera, itieme muguleldanyu kotokyingei: ichuutu kobwa ko u kechirek che kienyei, ak itabanji betutab eng’set.

JEREMIA 15:15

Ee Jehovah, ingen inye: ibwata, ak irutocha, ak iyaaktawa mugetut eng’ usikyuk; ameistoena muitaeng’ung’: nai ile kianyoru chotisiet amu inye.

JEREMIA 17:10

Ane Jehovah ne asiachi muguleldo, atieme kabwatutik, si agochi chi age tugul ko u ortinwekyik, ko u logoekab boisionikyik.

JEREMIA 17:18

Ingolilanso che usa, ago megona alilan; ingoarogenso ichek, ago megona aarogen: ipchi ichek betutab yaitiet, ak ing’eme ichek ng’emisiet konyil aeng’.

JEREMIA 20:12

Ago, ee Jehovah ne bo lugosiek, ne itieme chi ne bo iman, ne igeere kabwatutik ak muguleldo, kona ageer ye iyaakyini mugetut ichek; amu kiang’ang’un ng’olyondennyu.

RIREKAB JEREMIA 3:58

Ee Kiptaiyat, kiitononji ng’alekab muguleldanyu; kiitiach sobondanyu.

RIREKAB JEREMIA 3:59

Ee Jehovah, kiigeer yaitiennyu; ibesiewa ng’olyondennyu;

RIREKAB JEREMIA 3:64

Iyaaktochini ichek ko u boisienywa, ee Jehovah, ko u boisionikab eunekwak.

EZEKIEL 11:5

Ak kinyonja Tamirmirietab Jehovah, ak kolenja, Mwa ile, Mwaei Jehovah ko u ni kole, Kiomwa ko u ni, ee gotab Israel; amu angen tuguk che obwati.

POISYONIGAP CHE KIYOKTOI 17:31

amu kigochob betut, ne tun iruokyine ng’ony eng’ imanda eng’ chichoto kigonde; ak kigoborji komie bik tugul agobo noto, amu kiing’eet inendet komong’ eng’ che kibek.

PILIPIK 4:6

Amogereri met eng’ kiy age tugul; ago eng’ kiy age tugul ko eng’ saet ak somet koboto kongoi, ingonaak somutikwok eng’ Jehovah.

2 TIMOTEO 4:14

Kiyaiywa ne ya mising’ Aleksandro, kitong’oindet ne bo sugunoik: tun yaakyin Kiptaiyat ko u boisionikyik:

1 PETERO 2:23

ne ye kingeng’emji kut, ko ma ng’em kut; ye kingonyalil, ko ma imuiso; ago kiigochigei inendet ne iruochi eng’ imanda:

NG'ANG'UTYET 18:20

Baibaitu eng’ inendet inye kipsengwet, ak okwek che o tililen, ak okwek che kiyoktoi, ak okwek maotik; amu kagoruokyi Jehovah inendet amu okwek.

NG'ANG'UTYET 2:23

Ak abare lagokyik meet; ak konai kanisosiek tugul kole anendet ne isiachi kabwatutik ak mugulelwek: ak agochini age tugul eng’ okwek ko u boisionikwok.

1 SAMUEL 16:7

Ago kilenji Jehovah Samuel, Amat igeer togennyi, anan ko koindab tononennyi; amu kaesie inendet: amu mageerei Jehovah ko u ye keerei bik; amu keerei bik itonda, ago keerei Jehovah muguleldo.

1 SAMUEL 24:15

Ingoek Jehovah kiruogindet, kotilwech kiruoget eng’ kwenunnyo, ane ak inye, ak kogeer, ak kong’alal agobo ane, ak kosorua eng’ eung’ung’.