JEREMIA 11:17 - BUKUIT NE TILIL

¹⁷ Amu kagomwa Jehovah ne bo lugosiek, ne kiminin, yaitiet agobo inye, amu yaitietab gotab Israel ak ne bo gotab Juda, che kigoyachigei kotacha anerech amu kiigochi Baal nyamdutik.

Bukuit Ne Tilil

¹⁷ Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

BUKUIT NE TILIIL Sireet ne Dutero Kanon

¹⁷ Amu kagomwa Kamuktaindet ne Toroor ne po lugoosyek, ne kiminin, yaityet agobo inyee, amu yaityetap kootap Israel ak ne po kootap Judah, che ki koyachigei kotacha anereech amu ki igoochi Baal nyamdutik.

JEREMIA 11:17 ပူးပေါင်းရင်းမြစ်များ

2 SAMUEL 7:10

Ak alewenjini yeto bikyuk Israel, ak amine ichek, si kobiit komeny yetanywa, ak ma kiutoi kogeny; anan ko ta konyalil ichek lagokab yaitiet kogeny, ko u eng’ tai,

2 ATEPTAP PEETUUSYEK 28:25

Ak kiyai komoswek che tororen eng’ nganaset age tugul ne bo Juda, si kobeeljine nyamdutik cheptalelisiek, ak kotach Jehovah, Kamuktaindetab kwanisiekyik, konerech.

TIENWOGIKAL 44:2

Kole, Kiion bororiosiek eng’ eung’ung’, ak kiigochi komeny oloto; Ak kiinyalil inye bik, ak kiiyeste.

TIENWOGIKAL 80:15

Ak ketit ne kiimine eung’ung’ ne bo tai, Ak temet ne kiigimityige.

TIENWOGIKAL 80:8

Kiibu inye sabibuk eng’ Misri: Kiion bororiosiek, ak imin sabibunoto.

ISAIAH 5:2

ak kibal keringet koyieme, ak koisto koik eng’ yoto, ak kominji ketik che kororon che bo sabibuk, ak koteech teekset ne koi eng’ kwenut, ak kobal kogeny ole kitue sabibuk eng’ yoto: ak kilen imuchi koi sabibuk, ak kii sabibuk che bo timin.

ISAIAH 61:3

si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

JEREMIA 1:14

Yeityo kolenja Jehovah, Mong’une yaitiet murot ne bo katam, konyonjin bik tugul che bo emet.

JEREMIA 11:11

Mwaei anyun Jehovah ko u ni kole, Ogeero, aipchini ichek yaitiet, ne maimuchi kochilile; ak korirja, ago magasyini ichek.

JEREMIA 11:13

Amu ko u ole te koitetab nganasoguk, ko u noto kanamoniguk, ee Juda; ak ko u ole te koitetab ortinwekab Jerusalem, ko u noto kiolumde kapkorosusiekab kit ne kililane, kapkorosusiek che kibeeljine Baal nyamdutik.

JEREMIA 12:2

Kiimin ichek, ee, kigonam ng’ony tigitik; eegitu, ee, itos logoek: i negite kutuswekwak, ago i loo eng’ mugulelwekwak.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 18:8

ngot kosik eng’ yaitienywa bororionoto kaamwa, awale kabwatutukyuk eng’ yaitiet ne kitayachini ichek.

JEREMIA 19:15

Mwaei Jehovah ne bo lugosiek, Kamuktaindetab Israel, ko u ni kole, Ogeero, aipchini nganasani ak nganasokyik tugul yaitiet tugul ne koamwa agobo nganasanito; amu koiuuiit kaatwekwak, si magas ng’alekyuk.

JEREMIA 2:21

Ago kiga aminin inye ketitab sabibuk ne kararan, keswot ne bo iman: kilya anyun si iwalage iegu ketit ne ya ne mangen?

JEREMIA 24:6

Amu ageere ichek si koteb eng’ mieindo, ak amutu kogeny kobwa emoni: ak ateech ichek, ak ma abute; amine, ama atutu.

JEREMIA 26:13

Noto anyun, olitit ortinwekwok ak boisionikwok, ak ogas it kutitab Jehovah Kamuktaindeng’wong’; si kowal Jehovah kabwatutikyik eng’ yaitiet ne kogomwa agobo okwek.

JEREMIA 26:19

Tos kita kobar Hesekia laitoriatab Juda ak Juda tugul inendet? Tos kima iywei Jehovah, ak kogaigai Jehovah, kot kowal Jehovah kabwatutikyik eng’ yaitiet ne kiga komwa agobo ichek? Ngot keyai ko u noto, ko kagiipchi sobonwekyok yaitiet ne o.

JEREMIA 32:29

ak kobwa Kaldeik che baregei ak nganasani, kobwa konaam nganasani, ak kobeel, koboto gorik, che kiigoitoe ichek nyamdutik che kibeelei, kogochin Baal eng’ baragutab gorichoto, ak korong’jin kanamonik che ter, kagochinoik che kieei, si kobiit kotacha anerech.

JEREMIA 32:30

Amu kigoyai lagokab Israel ak lagokab Juda ne ya eng’ tainnyu koboch ming’inatenywa: amu kigotacha lagokab Israel anerech eng’ boisionikab eunekwak, mwaei Jehovah.

JEREMIA 35:17

mwaei anyun Jehovah, Kamuktaindet ne bo lugosiek, Kamuktaindetab Israel, ko u ni kole: Ogeero, aipchini Juda ak bik tugul che menyei Jerusalem, yaitiet tugul ne kiamwa agobo ichek: amu kiang’alalji, ago ma kas; ago kiaguur ichek, ago ma wol.

JEREMIA 36:7

Tamangab komwaita somutikwak eng’ taitab Jehovah, ak koweek chi age tugul kometo orennyi ne ya: amu eechen neregek koboto neregek che ng’wonen che kigomwa Jehovah agobo bichu.

JEREMIA 40:2

Kinam anyun kiptaiyatab ribik Jeremia, ak kolenji, Kimwa Jehovah Kamuktaindeng’ung’ yaitioni agobo olito;

JEREMIA 40:3

ak kagoib yaitionoto konyo, ak koyai ko u ye kimwa; amu kioyachi Jehovah tengekto, ama ogas it kutinnyi, kagonyonjok anyun kiito.

JEREMIA 42:10

Ngot ko ta omeny emoni, ateechok anyun, ama abutok, ak aminak, ama atutok: amu kaawal kabwatutikyuk eng’ yaitiet ne koayaiywok.

JEREMIA 44:5

Ago ma kas, anan koeb it si kobiit koweek kometo yaitienywa, si mata kobeelji nyamdutik cheptalelisiek che ter.

JEREMIA 44:8

amu otagena boisionikab eunekwok, obeeljini nyamdutik cheptalelisiek eng’ emetab Misri, ole kiobe otebe; si kobiit kigeswok, ak oegu che kisasei ak che kichotei eng’ bororiosiek tugul che bo ng’ony?

JEREMIA 45:4

Mwachi anyun inendet ko u ni, ilenji, Mwaei Jehovah ko u ni kole: Keero, abute ne kiateech, ak atutu ne kiamin; ak ayae nito eng’ emet komugul.

JEREMIA 7:18

Iyumi lagok kwenik, ak ilali mat kwanisiek, ak kokwonykwonyi makatinik kwonyik, si kobeelji laitoriatab kipsengwet, ne kwondo, ak korong’ji kagochinoik che kieei, cheptalelisiek, si kobiit kotacha anerech.

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

EZEKIEL 17:5

Kiib kogeny keswek che bo emonoto, ak kwo kogolji ng’ung’unyek che akwaen; kilechi ole negite beek che chang’; kimin ko u koibeiyot.

HOSEA 10:1

Israel ko ketitab sabibuk ne tuneni kot, ne yiei logoekyik: kigotes inendet kapkorosusiekyik ko u ole te chang’indab logoekyik; kigoyai ichek tolochik che kororon ko u ole te kororonindab emennyi.