JEREMIA 11:12 - BUKUIT NE TILIL

¹² Yeityo koba nganasokab Juda ak bik che menyei Jerusalem, koba korirji kanamonik che igochin nyamdutik; ago masoru ichek agot kitigin eng’ betutab nyalildanywa.

Bukuit Ne Tilil

¹² Eng' yooto anyun kobendi nganasoogap Judah ak piik che menyei Jerusalem, kobendi koriirchin kanamonik che igoochin nyamdutik. Ago ma saru icheek agot kitigin eng' peetuutap nyalildanywa kanamonichooto.

BUKUIT NE TILIIL Sireet ne Dutero Kanon

¹² Eng' yooto anyun kobendi nganasoogap Judah ak piik che menyei Jerusalem, kobendi koriirchin kanamonik che igoochin nyamdutik. Ago ma saru icheek agot kitigin eng' peetuutap nyalildanywa kanamonichooto.

JEREMIA 11:12 ပူးပေါင်းရင်းမြစ်များ

2 ATEPTAP PEETUUSYEK 28:22

Ak kites kosiir kongelelji Jehovah eng’ betusiekab nyalildanyi, laitoriandanito Ahas.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

ISAIAH 46:7

Ibe tigikyiet, laei, ak koteepto eng’ oldanyi, ak kotonon; ma keisto eng’ komostanyi: ee, rirjin age kioto, ama imuch kowol, anan kosor inendet eng’ nyalildanyi.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 2:28

Ago mi ano kanamonik che kiiyachige? Ingong’eetyo ichek, ngot komuchi kosorun eng’ betusiekab nyalildang’ung’: amu ko u ole te koitetab nganasoguk, ko u noto kanamoniguk, ee Juda.

JEREMIA 44:8

amu otagena boisionikab eunekwok, obeeljini nyamdutik cheptalelisiek eng’ emetab Misri, ole kiobe otebe; si kobiit kigeswok, ak oegu che kisasei ak che kichotei eng’ bororiosiek tugul che bo ng’ony?

NG'ATUTIK 32:37

Ak kole, Mi ano kanamonikwak, Ruandet ne kiimang’u;

NG'ATUTIK 32:38

Che kiamei mwanikab tiseiywekwak, Che kieei divaik che bo kagochinenywa ne kieei? Ingong’eetyo choto kotoretok, Ingoek ichek che omwechini.

KIRUOGIK 10:14

Oba orirji kanamonik che kiolewen; ingosoruok ichek eng’ betutab nyalildang’wong’.