JEREMIA 10:7 - BUKUIT NE TILIL

⁷ Ng’o ne maiywein, ee Laitoriatab bororiosiek? Amu nyoljinin nito: amu mami ne u inye eng’ bik tugul che ng’omen che bo bororiosiek, ak eng’ bounatosiekwak tugul.

Bukuit Ne Tilil

⁷ Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

BUKUIT NE TILIIL Sireet ne Dutero Kanon

⁷ Ng'oo ne ma iywein, ee Laitoryatap pororyosyek? Nyoljinin toroornatet amu ma mi ne uu inyee eng' piik tugul che utaatiin che po pororyosyek, ak eng' pounatosyekwak tugul.

JEREMIA 10:7 ပူးပေါင်းရင်းမြစ်များ

2 LAITORINIK 17:39

ago oiywei Jehovah Kamuktaindeng’wong’; si kosoruok inendet eng’ eunekab bunikwok tugul.

1 ATEPTAP PEETUUSYEK 16:25

Amu o Jehovah, nyolu kilos inendet mising’: Kanyol kiywei inendet kosiir cheptalelisiek tugul.

ESTA 1:13

Kolenji anyun laitoriat bik che ng’omen, che kiingen betusiek, (amu ki u noto ateptab laitoriat eng’ tugul che ingen ng’atutik ak kiruogutik:

TIENWOGIKAL 147:5

O Kiptaiyandennyo, ak tinyei kimnatet ne o kosiir; Magimuchi ketet ng’omnatennyi.

TIENWOGIKAL 22:28

Amu bo Jehovah laitornatet: Ak inendet bounindetab bororiosiek.

TIENWOGIKAL 47:3

Iterterwech inendet bik si kebou, Ak koterterwech bororiosiek eng’ kelyekyok.

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 76:7

Kanyol kiywein inyendet, inye; Ak ng’o ne imuchi kotonon eng’ taing’ung’ ko kenerech?

TIENWOGIKAL 86:8

Mami ne u inye eng’ cheptalelisiek, ee Kiptaiyat; Ama mi boisionik alak che u cheguk.

TIENWOGIKAL 86:9

Tun bwanei bororiosiek tugul che kiiyae Ak kogutung’so eng’ taing’ung’, ee Kiptaiyat; Ak kotoror ichek kaineng’ung’.

TIENWOGIKAL 89:6

Amu mi ng’o eng’ barak ne kirogendoe Jehovah? Tos mi ng’o eng’ werikab che kimen ne kergei ak Jehovah,

KOMONG'U 8:10

Ak kile, Mutai. Ak kilenji, Ingoyaak ko u ng’olyondeng’ung’: si kobiit inai ile mami age ne u Jehovah Kamuktaindennyo.

KOMONG'U 9:14

Amu ayokyini muguleldang’ung’ korotwekyuk tugul ak otwogiguk, ak biguk; si kobiit inai ile mami ne u ane eng’ ng’ony komugul.

ISAIAH 2:4

Ak koruoksechin inendet bororiosiek, ak koger kong’ bik che chang’: ak kotany rotokwak bo chok koek mogomboik che bo tuga, ak kotany ng’otwekwak koek chepkesok: si ma kobargei bororiosiek, ama konetegei luget kogeny.

JEREMIA 10:6

Mami ne ogerge, ee Jehovah; i o, ak ko o kaineng’ung’ eng’ kamuktaet.

JEREMIA 5:22

Tos moiywea? Mwaei Jehovah: tos mobotandosi eng’ tainnyu, ane ne kiande ng’aniek koek kiwotetab nyanjet, eng’ ng’atutiet ne tebyei agoi, ne maimuchi nyanjet kosiir? Ak agot ngo mildoegei beek mising’, ko maimuchi kotil kiy; agot ngo moror, ko maimuchi kosiir.

DANIEL 2:27

Kowol Daniel eng’ taitab laitoriat, kole, Ung’otiet ne kateeb latoriat ko maimuchi bik che ng’omen, anan ng’omotikab kecheik, anan bik che ng’omen che ng’orsei, anan kipsogeinik, koborji laitoriat;

DANIEL 2:28

ago mi Kamuktaindet kipsengwet ne ng’anyei ung’otik, ak kagoborji inendet laitoriat Nebukadnesar tuguk che tun biitu eng’ betusiek che bo let. Karuotitoeng’ung’ ak ng’ang’utik che kibwa meting’ung’ eng’ itogung’ung’ ko chu:

HABAKUK 3:2

Ee Jehovah, kiagas ng’aleguk, aiyweisiei: Ee Jehovah, ing’eet boisieng’ung’ eng’ kwenutab kenyisiek; Yai kotook eng’ kwenutab kenyisiek; Ibwat rirenet nginerechi.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

LUKA 12:5

Ago ateeiywok si onai inendet ne kanyol oiywei: Oiywei inendet, ne ngo kagobar komuchi kowirji Gehenna; ee, amwawok ale, Oiywei inendet.

1 KORINTOEK 8:6

ago eng’ achek komitei Jehovah agenge, inendet Kwanda, ne bunu tuguk tugul ak achek eng’ inendet; ak Kiptaiyat agenge, Jesu Kristo, ne mi tuguk tugul amu inendet, ak achek eng’ inendet.

JOSHUA 4:24

si kobiit konai bik tugul che bo ng’ony eutab Jehovah, kole kim; si kobiit koiywei Jehovah Kamuktaindeng’wong’ koigeny.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

NG'ANG'UTYET 15:4

Ng’o ne maiywei kaineng’ung’, ak kotorori, ee Kiptaiyat? Amu i tilil inyege; amu bwanei bororiosiek tugul kogutung’so eng’ taing’ung’; amu kagong’ang’ak boisioniguk che bo imanda.