JEREMIA 10:6 - BUKUIT NE TILIL

⁶ Mami ne ogerge, ee Jehovah; i o, ak ko o kaineng’ung’ eng’ kamuktaet.

Bukuit Ne Tilil

⁶ Ma mi ne ogerge, ee Kamuktaindet ne Toroor; ii oo, ak ko oo kaineng'ung' eng' kamuktaet.

BUKUIT NE TILIIL Sireet ne Dutero Kanon

⁶ Ma mi ne ogerge, ee Kamuktaindet ne Toroor; ii oo, ak ko oo kaineng'ung' eng' kamuktaet.

JEREMIA 10:6 ပူးပေါင်းရင်းမြစ်များ

2 SAMUEL 7:22

I o amu noto, ee Jehovah Kamuktaindet: amu mami ne ogerge, ama mi Kamuktaindet age kobatenen, ko u eng’ tugul che kigegas eng’ itikyok.

1 ATEPTAP PEETUUSYEK 16:25

Amu o Jehovah, nyolu kilos inendet mising’: Kanyol kiywei inendet kosiir cheptalelisiek tugul.

NEEMIA 4:14

Ak kiageer, ak ang’eet, ak alenji bik che toogunotin, ak bounik, ak bik tugul, Amoiywei ichek: obwat Jehovah, ne o ak ko bo kamuiset, ak oyai luget agobo tupchosiekwok, ak werikwok, ak tibikwok, osotikwok ak gorikwok.

NEEMIA 9:32

Ara anyun Kamuktaindennyo, ne o, ne bo kamuktaet, ak ko Kamuktaindet ne bo kamuiset, ne ribei arorutiet ak rirenetab ge, amat igeer ile kiy ne ming’in, ng’wanindo tugul ne kaityech, ak laitorinikyok, ak bounikyok, ak tisiikyok, ak maotikyok, ak kwanisiekyok, ak biguk tugul koboch eng’ betusiekab laitorinikab Asuria agoi rani.

TIENWOGIKAL 145:3

O Jehovah, ak kanyol kilos mising’; Ak ma isiagaksei etunatennyi.

TIENWOGIKAL 147:5

O Kiptaiyandennyo, ak tinyei kimnatet ne o kosiir; Magimuchi ketet ng’omnatennyi.

TIENWOGIKAL 35:10

Len kowekyuk tugul, Ee Jehovah, ng’o ne ogerge, Ne soru ne nyalili eng’ inendet ne kim kosiir, Ee, ne soru ne nyalili ak ne matinyei kiy eng’ inendet ne rebei tugukyik?

TIENWOGIKAL 48:1

O Jehovah, ak kanyol kilos mising’, Eng’ nganaset ne bo Kamuktaindennyo eng’ tulwennyi ne tilil.

TIENWOGIKAL 96:4

Amu o Jehovah, nyolu kilos inendet mising’: Kanyol kiywei inendet kosiir cheptalelisiek tugul.

KOMONG'U 15:11

Ee Jehovah, tos ngoro ne u inye eng’ cheptalelisiek? Tos ng’o ne u inye, ne konyitot eng’ tililindo, Ne kiywei eng’ kalosunet, ne yaei kwong’utik?

KOMONG'U 8:10

Ak kile, Mutai. Ak kilenji, Ingoyaak ko u ng’olyondeng’ung’: si kobiit inai ile mami age ne u Jehovah Kamuktaindennyo.

KOMONG'U 9:14

Amu ayokyini muguleldang’ung’ korotwekyuk tugul ak otwogiguk, ak biguk; si kobiit inai ile mami ne u ane eng’ ng’ony komugul.

ISAIAH 12:6

Owaach mising’ ak otiense, inye ne imenye Sion: amu o Inendet ne Tilil ne bo Israel eng’ kwenung’ung’.

ISAIAH 40:18

Orogendoi ng’o anyun Kamuktaindet? Anan nee kergeindo ne orogendoi inendet?

ISAIAH 40:25

Orogendoa ng’o anyun, kot kegergeitu ak inendet? Mwaei Inendet ne Tilil.

ISAIAH 46:5

Orogendoa ng’o, ak oaechinena ng’o, ak oyaniena ng’o si kobiit kegergeitu?

ISAIAH 46:9

Obwat tuguk che bo tai che bo keny; amu a Kamuktaindet, ama mi age; a Kamuktaindet, ama mi age ne kegerge;

JEREMIA 10:16

Ma u chuto kebebertab Jakobo; amu bo tai inendet eng’ tuguk tugul; ak Israel ko bororietab borotennyi: kainennyi ko Jehovah ne bo lugosiek.

JEREMIA 32:18

inye ne irire elfusiek, ak igeerjini tengekwogikab kwanisiek tegetikab lagokwak che isubi ichek: Kamuktaindet ne o, ne bo kamuktaet, kainennyi ko Jehovah ne bo lugosiek;

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

1 KORINTOEK 8:6

ago eng’ achek komitei Jehovah agenge, inendet Kwanda, ne bunu tuguk tugul ak achek eng’ inendet; ak Kiptaiyat agenge, Jesu Kristo, ne mi tuguk tugul amu inendet, ak achek eng’ inendet.

NG'ATUTIK 32:31

Amu ma u ruandenywa Ruandennyo, Amu ingen agichek bunikyok kole u noto.

NG'ATUTIK 33:26

Ee, Jesurun, mami ne u Kamuktaindet, Ne lanyei kipsengwetisiek si kotoretin, Ak lanyei barak eng’ telunatennyi.