JEREMIA 10:5 - BUKUIT NE TILIL

⁵ U ichek tiret ne kigiwechwech keyaei, ago mang’alaldos: kanyol keibot, amu maimuchi kobendat. Amoiywei ichek; amu maimuchi koyai kiy ne ya, amaimuchi koyai kiy ne mie.

Bukuit Ne Tilil

⁵ Uu icheek tiiret ne kimue toriitik, che ma ng'alaaldos; kanyool keibot, amu ma imuuchi kobendat. Amoiywei icheek, amu ma imuuchi koyai kiy ne ya, amaimuuchi koyai kiy ne myee.”

BUKUIT NE TILIIL Sireet ne Dutero Kanon

⁵ Uu icheek tiiret ne kimue toriitik, che ma ng'alaaldos; kanyool keibot, amu ma imuuchi kobendat. Amoiywei icheek, amu ma imuuchi koyai kiy ne ya, amaimuuchi koyai kiy ne myee.”

JEREMIA 10:5 ပူးပေါင်းရင်းမြစ်များ

1 LAITORINIK 18:26

Ak kinam kirgit ne kiga kigochi, ak koeny, ak koguur kainetab Baal kong’eete karon kot koit bet kwen, kolen, Ee Baal, kasech. Ago kima biit tweguno, anan kobiit woluno age tugul. Ak kitorombenso komuut kapkorosut ne kiga kiyai.

2 ATEPTAP PEETUUSYEK 25:15

Kolalyo anyun neregekab Jehovah agobo Amasia, ak koyokyi maotiot ne kimwachi inendet kolenji, Amu nee si icheng’ kanamonikab bik, che tom kosor bikwak eng’ eung’ung’?

ISAIAH 16:12

Ak ye kagoborgei Moab, ye kabirtogei eng’ oli toror, ak konyor oldanyi ne tilil si kobiit kosa, ago maiterterisiei.

ISAIAH 45:20

Oyumge obwa; origu tugul, okwek che kiochilile bororiosiek: matinyei naet ichek che ibei ketitab kanamwenywa ne kigiwai, ak kosaei cheptalelit ne maimuchi kosor.

ISAIAH 46:1

Abuksei Bel, ing’uruksei Nebo; laei tiong’ik ak tuga kanamonikwak: kagiyai koek milet tuguk che kioiboti, lautiet eng’ che ng’etyotin.

ISAIAH 46:7

Ibe tigikyiet, laei, ak koteepto eng’ oldanyi, ak kotonon; ma keisto eng’ komostanyi: ee, rirjin age kioto, ama imuch kowol, anan kosor inendet eng’ nyalildanyi.

JEREMIA 10:14

Kergeitu chito age tugul ak tiondo ama tinyei naet; ililani kitang’indet age tugul ne bo tahabu eng’ kanamwennyi ne kigiwai: amu lembeita kanamwennyi ne kigitany, ama tinyei kabuset.

HABAKUK 2:19

Bwa inendet ne lenjin ketit, Kosu; ak ne lenjin koita ne matwegu, Ng’eet! Tos inetisiei nito? Ogeero, kigiliige tahabu ak feda, ama tinyei kabuset eng’ kwenunnyi, agot kitigin.

1 KORINTOEK 12:2

Ongen ole kingota ko o Bororiosiek, ko kigiretok obe oldab kanamonichoto che matwegu, ko u ye kigindoiywok.

1 KORINTOEK 8:4

Noto anyun eng’ amet ne bo tuguk che kieng’jin kanamonik, kingen kele mami kanamwet ne kiy eng’ ng’ony, ama mi Jehovah age kobate agenge.

NG'ATUTIK 4:28

Ak oot kanamonik eng’ oloto, boisietab eunekab bik, che bo ketik ak koik, che mageerei kiy, ama kastoi, ama amisiei, anan kong’uto.