JEREMIA 10:22 - BUKUIT NE TILIL

²² Ogeero, kigasei ng’alek kobwanei, ak kirgirenet ne o komong’une emetab murot ne bo katam, si kobiit koyai nganasokab Juda koek karatia, ole menyei lelwek.

Bukuit Ne Tilil

²² Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

BUKUIT NE TILIIL Sireet ne Dutero Kanon

²² Ogaso! Kigasei ng'aleek kobwanei, ak kirgirenet ne oo komang'une emetap murot kaataam, si kobiit koyai nganasoogap Judah koek karaatya, ole menyei lelwek.

JEREMIA 10:22 ပူးပေါင်းရင်းမြစ်များ

ISAIAH 34:13

Ak kobitye katok gorikyik che bo laitorinik, ak kobitye siwek ak katablelinik irimoikyik: ak koek meng’otetab lelwek, ak seremutab tiong’ikab songolik.

JEREMIA 1:14

Yeityo kolenja Jehovah, Mong’une yaitiet murot ne bo katam, konyonjin bik tugul che bo emet.

JEREMIA 1:15

Keero, aguure ortinwek tugul che bo bounatosiekab murot ne bo katam, mwaei Jehovah; ak kobwa, ak konde age tugul ng’echerennyi ne bo laitornatet ye kimandoe eng’ ormarichokab Jerusalem, ak kotokyigei irimoikyik tugul, ak kotokyigei nganasok tugul che bo Juda.

JEREMIA 2:15

Kigoborisenji barnotikab ng’etunyik, ak komoror mising’; ak kigong’em emennyi koek karatia; kigebeel nganasokyik, ma komenyei chi.

JEREMIA 25:9

ogeero, ayoktoi kenam bikab ortinwek tugul che bo murot ne bo katam, mwaei Jehovah, koboto Nebukadresar, laitoriatab Babulon, otwogindennyu, ak amutu ichek kobokyi emoni, ak bik che menyei olito, ak bororiosiechu tugul che mi komoswechuto; ak ang’em ichek, agesu, ak ayai koek kwong’et, ak ne kirenyei, ak karotwek betusiek tugul.

JEREMIA 4:15

Amu mwaitoi waagat ne bunu Dan, ak kobortoi yaitiet eng’ tulonokab Epraim.

JEREMIA 4:6

Onamji barak songoliet kotokyigei Sion: omwei, osoruge, amogage: amu aibu yaitiet eng’ murot ne bo katam, ak ng’emisiet ne o.

JEREMIA 49:33

Ak koek Hasor ole menyei lelwek, ak koek karatia koigeny: mamenyei chi oloto, ama tebe oloto lakwa ne bo chi.

JEREMIA 5:15

Ogeero, amutwok bororiet ne bunu ole loo, ee gotab Israel, mwaei Jehovah: bororiet ne kim, bororiet ne bo keny mising’, bororiet ne mengen kutinnyi, ameguitosi kit ne mwaei.

JEREMIA 6:1

Omwei osoruge, okwek lagokab Benjamin, omong’u eng’ Jerusalem, ak oguut iriaget eng’ Tekoa, ak onamji barak kitab kaborunet eng’ Bet-hakerem: amu itu yaitiet eng’ murot ne bo katam, ak ng’emisiet ne o.

JEREMIA 6:22

Mwaei Jehovah ko u ni kole, Ogeero, bunu bik emet ne mi murot ne bo katam; king’eeti bororiet ne o ne bunu komoswek che looen che bo ng’ony.

JEREMIA 9:11

Ak ayai Jerusalem koek karurugutik, ole menyei lelwek; ak ayai nganasokab Juda koek karatia, ole mamenyei chi.

RIREKAB JEREMIA 1:4

Iteitos ortinwekab Sion, amu mami chi ne nyonjin tuiyet ne kiging’at; Kigoek karatia ormarichokyik tugul, tigendos tisiikyik: Kinyalili bergeinikyik, ak kotinyei inendet ng’wanindo.

EZEKIEL 12:19

ak ilenji bikab emet, Mwaei Kiptaiyat Jehovah agobo bik che menyei Jerusalem, ak che bo emetab Israel ko u ni kole: Kendoi amitwogikwak, ak koeei beekwak eng’ kwong’et, si koek karatia emennyi eng’ tuguk tugul che mi, amu koromnatetab bik tugul che menyei oloto.

MALAKI 1:3

ago kiawech Esau, ak ayai tulonokyik koguber, ak agochi borotennyi lelwek che bo ong’atet.