JEREMIA 10:15 - BUKUIT NE TILIL

¹⁵ Buch choto, boisietab ng’alset: betos eng’ betut ne ityin birenywa.

Bukuit Ne Tilil

¹⁵ Puch chooto, poisyetap ng'aalseet; petos eng' peetuut ne ityin pirennywa.

BUKUIT NE TILIIL Sireet ne Dutero Kanon

¹⁵ Puch chooto, poisyetap ng'aalseet; petos eng' peetuut ne ityin pirennywa.

JEREMIA 10:15 ပူးပေါင်းရင်းမြစ်များ

TIENWOGIKAL 115:9

Ee Israel, imang’u inye Jehovah: Inendet toretindenywa ak long’enywa.

ISAIAH 41:24

Ogeero, o bo buch, ak boisieng’wong’ ko bo buch: kiwechei inendet ne lewenok.

ISAIAH 41:29

Ogeer tugul-o, tangoita boisionikwak ak ko buch: usonet ak toiyet kanamonikwak che kitanyi.

ISAIAH 57:12

Abortoi imandang’ung’; ama kelun kiy eng’ boisioniguk.

JEREMIA 10:11

Mwachi anyun ichek ko u ni ilenji, Betos eng’ ng’ony ak eng’ kureretab kipsengwetisiek cheptalelisiek che kima koyaei kipsengwetisiek ak ng’ony.

JEREMIA 10:8

Ago u ichek tugul tiong’ik, ak ko abusotin: konetisiet ne kineti kanamonik ko u ye kineti ketik kityo.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 43:12

Ak alaal mat eng’ gorikab kanamonikab Misri; ak kobeel inendet kanamonichoto, ak koib: ak kolaach emetab Misri, ko u ye ilaachi mestowot ngoriennyi; ak kwo eng’ oloto eng’ kalyet.

JEREMIA 50:2

Omwaite eng’ bororiosiek ak obarte, ak onamji barak songoliet; obarte, amouny: ole, Kageluul Babulon, kagigochi Bel kolilan, kagoarogen Merodak; kagigochi kanamonikyik kolilanso, kagoarogenso kanamonikyik.

JEREMIA 51:18

Buch choto, boisietab ng’alset: betos eng’ betut ne ityin birenywa.

JEREMIA 8:12

Tos kiililanso ye kingoyai tuguk che kiwechei? Achicha, ma ililanso agot kitigin, ama walogis togochikwak: ibutos anyun koboto icheget chek ibutos: tun kiwirtoi ichek eng’ betut ne kibirei, mwaei Jehovah.

JEREMIA 8:19

Ogaso, kutitab rirekab cheptab bikyuk eng’ emet ne loo mising’; tos mami Jehovah Sion? Tos mami Laitoriatab nganasanato oloto? Amu nee anyun si kotacha kot anerech eng’ kanamonikwak che kiwaei, ak tuguk che ter che bo buch?

HOSEA 9:7

Kagoit betusiek che kiitu biret, kagoit betusiek che kiyaaktoisie; naei Israel noto: berber maotiot, amei iywek chito ne tinyei tamirmiriet, amu oindab tengektang’ung’, ak amu o bunyondit.

JONAH 2:8

Istoegei rirenenywa bo ge Ichek che isubi atebosiek che ma nyolu che bo lembech.

SEKARIA 13:2

Ak mwaei Jehovah ne bo lugosiek kole, Tun aistoi eng’ betunoto kainaikab kanamonik eng’ emet, ama kibwati kogeny: ak aiste kogeny maotik ak tamirmiriet ne muruon eng’ emet.

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

NG'ATUTIK 32:21

Kigona ng’etkonda eng’ noto ne ma Kamuktaindet; Kitacha eng’ tangoitanywa: Ak agochi ichek ng’etkonda eng’ che ma bororiet; Atache ichek eng’ bororiet ne abusat.

1 SAMUEL 12:21

amomaste osub tugukab buch che maimuchi kotoret kiy anan kosor, amu buch.

1 SAMUEL 5:4

Ak kingong’eetyo karon inne eng’ betutab somok, ogeero, kogolul Dagon kosieb mo eng’ taitab moingetab Jehovah; ak king’et metitab Dagon ak rubeiywekab eunekyik tuwai, ak kimi kurgat; king’et kebeberta kityo ne kogomutak ne bo Dagon.