JEREMIA 10:13 - BUKUIT NE TILIL

¹³ Ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony; yachin ropta kalyelosiek, imoong’u usonet eng’ ole kigigonore.

Bukuit Ne Tilil

¹³ Ye twek, kobiit wasetapkei ne po peek eng' kipsengwet, ak kogoochi kibungweret kotogosta eng' ole poochin ng'wony. Yachin ropta kalyelosyek, imoong'u usoonet eng' ole ki kigonoree.

BUKUIT NE TILIIL Sireet ne Dutero Kanon

¹³ Ye twek, kobiit wasetapkei ne po peek eng' kipsengwet, ak kogoochi kibungweret kotogosta eng' ole poochin ng'wony. Yachin ropta kalyelosyek, imoong'u usoonet eng' ole ki kigonoree.

JEREMIA 10:13 ပူးပေါင်းရင်းမြစ်များ

TAUNET 2:5

Kitomo kobiit ket ne bo kewet eng’ ng’ony, ak kitomo kobityo ketik alak tugul che mengechen che bo kewet: amu kitomo kogochi Jehovah Kamuktaindet korobonji ng’ony, ak kima komi chi ne ibati ng’ony.

1 LAITORINIK 18:41

Ak kilenji Elija Ahab, Togoste, iamisie ak ieeise; amu agase tuletab ropta ne o.

Kitabuutap JOB 38:22

Tos kiichut ole kigonore teluchi, Anan kiigeer ole kigonore koikab ropta,

TIENWOGIKAL 104:13

Ibise beek tulonok eng’ gorikyik: Biyonyi ng’ony logoekab boisioniguk.

TIENWOGIKAL 135:17

Tinyei itik, ago magastoi; Ama mi kabuset eng’ kutuswekwak.

TIENWOGIKAL 135:7

Igochin kibungweret kotogosta kong’eete tabanwekab ng’ony; Yachin ropta kalyelosiek; Imoong’u usonet eng’ konoraikyik.

TIENWOGIKAL 147:8

Ne tuge bolik kipsengwet, Ne chopchin ropta ng’ony, Ne ibiti suswek eng’ tulonok.

TIENWOGIKAL 18:13

Kitul Jehovah eng’ kipsengwetisiek, Ak kitwek Inendet ne Toror Mising’; Koikab ropta ak ng’etetiot.

TIENWOGIKAL 68:33

Inendet ne lanyei kipsengwetisiekab kipsengwetisiek, choto bo keny; Ogeero, twegu eng’ kutinnyi, kutit ne kim.

KOMONG'U 9:23

Ak kichuul Musa siarinnyi kotokyi kipsengwet: ak kiiyok Jehovah tulet ak koikab ropta ak kichorgei mat konyo kobun ng’ony: ak kiisurur Jehovah koikab ropta korong’ji emetab Misri.

JEREMIA 14:22

Tos mi age tugul eng’ tuguk che bo buch, che bo bororiosiek, ne imuchi kogon ropta? Anan imuch kipsengwetisiek kogon ropta ne inesi? Tos ma inyendet Jehovah Kamuktaindennyo? Kigenin anyun; amu kiiayi tuguchuto tugul.

JEREMIA 19:12

Ayachini ko u noto olito, koboto bik che menyei olito, mwaei Jehovah, kiyaei koigei Topet:

JEREMIA 5:24

Ama mwaei eng’ mugulelwekwak kole, Ongiywei anyun Jehovah Kamuktaindennyo, ne konu ropta, ne bo tai ak ne bo let, eng’ betusiekyik; ne ribwech wigisiek che kiging’at che bo kesisiet.

JEREMIA 51:16

ye twek, kobiit wasetab ge ne bo beek eng’ kipsengwetisiek, ak kogochi kibungweret kotogosta eng’ tabanwekab ng’ony: yachin ropta kalyelosiek, imoong’u usonet eng’ ole kigigonore.

AMOS 4:13

Amu, keero, inendet ne yaei tulonok, ak koyaei usonet, ak komwachin chi kabwatennyi, inendet ne yaei karonet koimenit, ak kotiechei komoswek che tororen che bo ng’ony; kainennyi ko Jehovah, Kamuktaindet ne bo lugosiek.

SEKARIA 10:1

Osom Jehovah ropta eng’ betusiek che bo ropta ne bo let, Jehovah ne yaei kalyelosiek; si kogochi ichek ropta ne inesi, ak kogochi chi age tugul suswek eng’ emet.