JEREMIA 10:10 - BUKUIT NE TILIL

¹⁰ Ago Jehovah ko Kamuktaindet ne bo iman; inendet ko Kamuktaindet ne sobei, ak ko laitoriat ne bo koigeny: botani ng’ony amu neregekyik: amaimuchi komuita bororiosiek eng’ neregekyik.

Bukuit Ne Tilil

¹⁰ Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

BUKUIT NE TILIIL Sireet ne Dutero Kanon

¹⁰ Ago Kamuktaindet ne Toroor ko Kamuktaindet ne Toroor ne po iman; ineendet ko Kamuktaindet ne Toroor ne sabei, ak ko laitoryat ne po koigeny. Bbotani ng'wony amu nereegekyik, amaimuuchi komuita pororyosyek eng' nereegekyik.

JEREMIA 10:10 ပူးပေါင်းရင်းမြစ်များ

TAUNET 21:33

Ak kimin Abraham ketit eng’ Beer-Seba, ak kiguur eng’ oloto kainetab Jehovah, Kamuktaindet ne bo Koigeny.

1 LAITORINIK 18:39

Ak kingogeer bik tugul, kobutyi ng’ony: ak kole, Jehovah ko Kamuktaindet; Jehovah ko Kamuktaindet.

1 LAITORINIK 8:60

si kobiit konai bik tugul che bo ng’ony kole, Jehovah ko Kamuktaindet; mami age.

1 ATEPTAP PEETUUSYEK 29:11

Cheguk, ee Jehovah, oindo, ak kamuktaet, ak torornatet, ak katerteret, ak etunatet; amu cheguk tuguk tugul che mi kipsengwet ak che mi ng’ony; neng’ung’ bounatet, ee Jehovah, ak i tororot, i metitab tugul.

2 ATEPTAP PEETUUSYEK 15:3

Kiga kotebe Israel egosiek che chang’ ama tinyei Kamuktaindet ne bo iman, ama tinyei tisiindet ne inetisiei, ama tinyei ng’atutik:

Kitabuutap JOB 9:6

Ne kitumdumi ng’onyut, koistogei eng’ komostanyi, Ak kobotanso tolochikyik.

TIENWOGIKAL 10:16

Laitoriat Jehovah ne bo koigeny ak koigeny: Kigobetyo bororiosiek eng’ emennyi.

TIENWOGIKAL 100:3

Onai ole Jehovah ko Kamuktaindet: Inendet ne kiyaech, ak ki chechik; Ki bikyik, ak ki kechirekab akwennyi.

TIENWOGIKAL 100:5

Amu mie Jehovah; tebyei rirenennyi koigeny; Ak imandanyi eng’ ibinwek tugul.

TIENWOGIKAL 104:32

Botani ng’ony ye kageer inendet; Twaei tulonok, si koiyenso.

TIENWOGIKAL 114:7

Botan, inye ng’ony, eng’ taitab Kiptaiyat, Eng’ taitab Kamuktaindetab Jakobo;

TIENWOGIKAL 145:13

Laitornateng’ung’ ko laitornatet ne bo koigeny. Ak tebyei bounatengung’ eng’ ibinwek tugul.

TIENWOGIKAL 146:6

Ne kiyai kipsengwet ak ng’ony, Nyanjet, ak tugul che mi oloto; Ne ribei imanda koigeny:

TIENWOGIKAL 18:7

Kigirgiren ng’ony anyun, ak kibotan, Kitwagei lumeiywekab tulonok, Ak kotumdumgei, amu kinerech.

TIENWOGIKAL 29:10

Tebe Jehovah maranet ko u laitoriat; Ee, tebyei Jehovah kolaitorani koigeny.

TIENWOGIKAL 31:5

Kande tamirmiriennyu eung’ung’: Kiitiacha, ee Jehovah, inye Kamuktaindet ne bo imanit.

TIENWOGIKAL 42:2

Amei sobondanyu melelda amu machei Kamuktaindet, Kamuktaindet ne sobei: Auiyo ye anyone atoogu eng’ taitab Kamuktaindet?

TIENWOGIKAL 68:11

Igoitoi Kiptaiyat ng’olyot: O lugetab kobogorisiek che mwaitoi ng’alek.

TIENWOGIKAL 68:8

Kobotan ng’ony, Ak kororok kipsengwetisiek eng’ taitab Kamuktaindet: Kobotan Sinai noto eng’ taitab Kamuktaindet, Kamuktaindetab Israel.

TIENWOGIKAL 74:12

Ago Kamuktaindet ko Laitoriandennyu koboch keny, Ne yaei yetunet eng’ kwenutab ng’ony.

TIENWOGIKAL 76:7

Kanyol kiywein inyendet, inye; Ak ng’o ne imuchi kotonon eng’ taing’ung’ ko kenerech?

TIENWOGIKAL 76:8

Kiimwau kiruoget kogasak kobun kipsengwet; Kiiyweis emet, ak kisis,

TIENWOGIKAL 77:18

Kimi tugetab tuleng’ung’ kipchurjuriet; Kiikweny ng’ony kalyelosiek: Kibotan ng’ony ak kotumdumgei.

TIENWOGIKAL 84:2

Amei emo sobondanyu, ee, machei kotanui agobo seremusiekab Jehovah; Tienjin muguleldanyu ak bortanyu, Kamuktaindet ne sobei.

TIENWOGIKAL 9:8

Ak iruokyin inendet ng’ony eng’ imanda, Ibesiechin bik kiruoget eng’ imanda.

TIENWOGIKAL 90:11

Ng’o ne ingen kimnatetab neregeguk, Ak neregeguk che ng’wonen, ko u ye nyoljin kiywein?

TIENWOGIKAL 90:2

Ye kitom kobiit tulonok, Anan ye kitom iyai emet ak ng’onyut, I Kamuktaindet, koboch keny agoi koigeny.

TIENWOGIKAL 93:2

Kigigimit ng’echereng’ung’ ne bo laitornatet koboch keny: Kiimi koboch keny agoi.

TIENWOGIKAL 97:4

Kiikwenyi ng’ony ilotikyik; Kigeer emet, ak kobotan.

ISAIAH 37:17

Eb it, ee Jehovah, ak igeer; ak kas ng’alek tugul che bo Senakerib, che kagoyok kochote Kamuktaindet ne sobei.

ISAIAH 37:4

Abere imuchi kogas Jehovah Kamuktaindeng’ung’ ng’alekab Rabsake, ne kagoyok laitoriatab Asuria kiptaiyandennyi, konyo kochot kamuktaindet ne sobei, ak koger kong’ ng’alek che kagas Jehovah Kamuktaindeng’ung’: ara anyun sa agobo bik che ng’etunotin.

ISAIAH 40:15

Ogeero, u bororiosiek beek che kasaita konyil agenge eng’ teret, ak kiiti ko u temburiek che tutigin che mi kit ne kirogendoisie: ogeero, inemu ngegusiek ko u kit ne ming’in mising’.

ISAIAH 40:28

Tos tom inai? Tos tom igas? Manyaluli, ama ng’etei Kamuktaindet ne bo koigeny, inendet Jehovah, Yaindetab ng’ony komugul; maisiagaksei naennyi.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 65:16

si koek ne iberuregei eng’ ng’ony ne iberuregei eng’ Kamuktaindet ne bo iman, ak koek ne iyostos eng’ ng’ony ne iyostos eng’ Kamuktaindet ne bo iman; amu kigeutie nyalilwogik che bo tai, amu kigeuny si ma ageere.

JEREMIA 23:36

Ama omwae lautietab Jehovah kogeny: amu egu ng’olyotab chi age tugul lautiennyi; amu kiomaas ng’alekab Kamuktaindet ne sobei, che bo Jehovah ne bo lugosiek, Kamuktaindennyo.

JEREMIA 4:2

ak iyosie ko u ni, ile, Ko u ye sobei Jehovah, eng’ imanit, eng’ kiruoget, ak eng’ imanda; ak koberurgei bororiosiek eng’ inendet, ak kolosunegei inendet.

JEREMIA 4:24

Kiageer tulonok, ak ogeero, kibotandos, ak kiiyongoi tulonok tugul che mengechen.

JEREMIA 50:46

Botani ng’ony eng’ cheetab luget ne kiluule Babulon, ak kigasei waagandenywa eng’ bororiosiek.

JEREMIA 51:29

Ak kobotan emet ak komi eng’ ng’wanindo: amu tonondos chobutikab Jehovah che kichobei agobo Babulon, si kobiit koyai emetab Babulon koek karatia, ole mamenyei chi.

DANIEL 4:3

Eechen ne tia kaborunoikyik! Ak kimen ne tia kwong’utikyik! Laitornatennyi ko laitornatet ne bo koigeny, ak ko bo bounatennyi ibinwek tugul.

DANIEL 4:34

Ak kingogesgei betusiechoto anyal ane Nebukadnesar kipsengwet, ak koweekyagei naennyu, ak kiaweekyi kongoi Inendet ne Toror Mising, ak alosu ak agonyit inendet ne sobei koigeny; amu bounatennyi ko bounatet ne bo koigeny, ak ko bo laitornatennyi ibinwek tugul:

DANIEL 6:26

Ang’ate ng’atutiet ale, Ingobotanso bik che mi bounatetab laitornatennyu ak koiyweis eng’ taitab Kamuktaindetab Daniel: amu inendet ko Kamuktaindet ne sobei, ak kotebyei koigeny, ak laitornatennyi ko maging’emei, ak kotebyei bounatennyi agoi kagesunet:

DANIEL 6:27

itiachi ak kosoru, ak koyaei kaborunoik ak kwong’utik eng’ kipsengwet ak ng’ony; inendet ne kogosor Daniel eng’ kimnatetab ng’etunyik.

DANIEL 7:14

Ak kigigochi inendet bounatet, ak torornatet, ak laitornatet, si koot inendet bik tugul, bororiosiek tugul, ak che bo kutuswek tugul: bounatennyi ko bounatetab koigeny, ne ma igesugei, ak ma tun king’emei laitornatennyi.

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

MIKAH 1:4

Ak kochootyo tulonok eng’ kelyekyik, ak kobetogis atebwosiek, ko u ye chotei temeniet ko kauchi mat, ko u beek che kirandoi eng’ ole keigei.

NAHUM 1:5

Botandos tulonok eng’ tainnyi, ak kochootyo tulonok che mengechen; sutoksei ng’ony eng’ tainnyi, ee, ng’ony, ak tugul che menyei oloto.

NAHUM 1:6

Ng’o ne imuchi kotonon eng’ taitab neregekyik? Ak ng’o ne imuchi komuita eng’ koromnatetab neregekyik? Kirong’u neregekyik che ng’wonen ko u mat, ak tonatoni inendet ruandosiek.

HABAKUK 3:10

Kiiyweis tulonok ye kigeerin; Kisiirto usonetab nyanjet; Kitul riret, Ak konamji barak eunekyik.

HABAKUK 3:6

Kitonon ak kokwa ng’ony; Kigeer, ak kotumdum bororiosiek: Ak kiiseerak tulonok che bo koigeny; Kiing’urukso tulonok che bo koigeny; Ki u banwekyik betusiek che bo keny.

MALAKI 3:2

Ago ng’o ne imuchi komuita eng’ betutab nyonunennyi? Ak ng’o ne tononi ye katook? Amu u inendet mat ne kitililisie, ak ko u sabunitab mwetik:

MATAYO 16:16

Ak kiwol Simon Petero kole, I Kristo, Weritab Jehovah ne sobei.

MATAYO 26:63

Ago kisis Jesu. Ak kilenji tisiindet ne o, Ayosieun eng’ Jehovah ne sobei, ale, mwawech ngo i Kristo, Weritab Jehovah.

JOHANA 17:3

Ak ni sobondab koigeny, ale konain Jehovah ne inyendet inyege ne bo iman, ak Jesu Kristo, ne kiiyogu.

POISYONIGAP CHE KIYOKTOI 14:15

kolen, Murenju, kalya si oyai tuguchu? Ki bik agachek, che kergei ak okwek, ak kagiibwok logoiywek che miach, si kobiit oweige omete tuguchu matilei kiy ak obwanji Jehovah ne sobei, inendet ne kiyaei kipsengwet ak ng’ony ak nyanjet, ak tugul che mi oloto:

NG'ATUTIK 32:4

Ruandet inendet, igesunotgei boisiennyi; Amu imanda ortinwekyik tugul: Kamuktaindet ne bo imanit ne matinyei yaitio, Bo imanda inendet ak kosuldaat.

NG'ATUTIK 5:26

Chi ng’o eng’ bik tugul, ne kigas kutitab Kamuktaindet ne sobei, kong’alali eng’ mat, ko u ye kigigas, ak kosob?

1 THESSALONIKEK 1:9

Amu icheget che ibortoi agobo achek ole kigibwanunde oldang’wong’; ak ko u ye kioweekyige Jehovah olakte kanamonik, si kobiit oot Jehovah ne sobei ak ko ne bo iman,

1 TIMOTEO 1:17

Ingobunji anyun nguno Laitoriat ne bo koigeny, ne ma ng’emaksei, ne ma toogu, Jehovah ne inegei, teegisto ak torornatet koigeny ak koigeny. Amen.

1 TIMOTEO 6:17

Ng’at magorek che bo betusiechu, si mamenio, anan konde kamang’unenywa magornatosiek che matonondos, ago eng’ Jehovah inendet ne konech tuguk tugul eng’ aiyebindo si kobiit keboiboitune;

HEBRANIK 10:31

Kit ne bichii kot kibutyi eunekab Jehovah ne sobei.

JOSHUA 3:10

Kole anyun Josua, Onae eng’ ni ole, mi kwenung’wong’ Kamuktaindet ne sobei, ak onei inendet Kanamik eng’ taing’wong’ matiny, ak Hitik, Hibik, Perisik, Girgasik, Amorik, ak Jebusik.

1 JOHANA 5:20

Ak kingen kele kigonyo Weritab Jehovah, ak kigogonech kaguiyet, si kobiit kenai inendet ne bo iman, ak kemi eng’ inendet ne bo iman, eng’ Werinnyi Jesu Kristo. Nito ko Jehovah ne bo iman, ak sobondab koigeny.

NG'ANG'UTYET 20:11

Ak kiageer ng’echeret ne o ak ko leel ne bo laitornatet, ak inendet ne kitebe, ne kimwee togennyi ng’ony ak kipsengwet; ama kisikyi ole tebe.

KIRUOGIK 5:4

Jehovah, ye kiimande eng’ Seir, Ye kiiwe imande eng’ koretab Edom, Kobotan ng’ony korobon agine kipsengwetisiek, Ee, kosoi bolik beek.

1 SAMUEL 17:26

Ak king’alalji Daudi bik che kitonondos eng’ ye mi inendet, kolenji, Kiyachin nee chito ne barei Pilistindoni, ak koisto tewernatani eng’ Isrtael? Amu ng’o Pilistindoni ma kimuratan, kot koreny lugosiekab Kamuktaindet ne sobei?

1 SAMUEL 17:36

Kibar otwogindeng’ung’ tiong’ichoto tuwai, ng’etundo ak noto ne kergei ak keerit; ak igeitu Pilistindonito ma kimuratan age eng’ ichek, amu kogoreny lugosiekab Kamuktaindet ne sobei.