JEREMIA 1:9 - BUKUIT NE TILIL

⁹ Koiito anyun Jehovah eunnyi, ak kotwa kutinnyu; ak kolenja Jehovah, Keero, kande ng’alekyuk kuting’ung’:

Bukuit Ne Tilil

⁹ Kochuul anyun Kamuktaindet ne Toroor eunnyi ak kotiiny kutinnyu, ak koleenjo, “Kande nguno ng'aleekyuk kuting'ung'.

BUKUIT NE TILIIL Sireet ne Dutero Kanon

⁹ Kochuul anyun Kamuktaindet ne Toroor eunnyi ak kotiiny kutinnyu, ak koleenjo, “Kande nguno ng'aleekyuk kuting'ung'.

JEREMIA 1:9 ပူးပေါင်းရင်းမြစ်များ

ISAIAH 49:2

ak kigoyai kutinnyu koigei rotwetab chok ne ng’atib, kiung’ena uruetab eunnyi; kigoyaa aek irumet ne kigisit, kigoung’ena motiennyi:

ISAIAH 50:4

Kigona Kiptaiyat Jehovah ng’elyepta ne bo icheget che kiginet, si kobiit anai ole agimititoi eng’ ng’alek inendet ne ng’etat: ing’eetisiei karonet age tugul, ing’eeta si kobiit agas ko u che kiginet.

ISAIAH 51:16

Ak kiande ng’alekyuk kuting’ung’, ak kiatugenen uruetab eunnyu, si kobiit amin kipsengwetisiek, ak alume lumeiywekab ng’ony, ak alenji Sion, I bororiennyu.

ISAIAH 59:21

Ni anyun kayomisennyu ne kiyomisyinige ak ichek, mwaei Jehovah: maistoegei kuting’ung’ tamirmiriennyu ne miten ak ng’aleguk che kiande kuting’ung’, anan eng’ kutitab iyoteng’ung’, anan eng’ kutuswekab mochogoroniguk, mwaei Jehovah, koboch nguno agoi koigeny.

JEREMIA 15:19

Mwaei anyun Jehovah ko u ni kole, Ngot iweege, amutun kogeny, si kobiit itonon eng’ tainnyu; ak ngot inemu kit ne mie komong’ eng’ kit ne ya, iigeitu kutinnyu: weekyiningei ichek, ago meweekyinigei ichek.

JEREMIA 34:6

Yeityo komwachi maotiot Jeremia Sedekia laitoriatab Juda ng’alechato tugul eng’ Jerusalem,

JEREMIA 36:2

Nam bukuit ne mamanat, isirji ng’alek tugul che koamwaun agobo Israel, ak agobo Juda, ak agobo bororiosiek tugul, koboch betut ne kiang’alalun, koboch betusiekab Josia, agoi betuni.

JEREMIA 5:14

Mwaei anyun Jehovah, Kamuktaindet ne bo lugosiek, ko u ni, kole, Amu omwae ng’olyondoni, ogeero, ayae ng’alekyuk eng’ kuting’ung’ koek mat, ak koek bichu kwenik, si kobeel maata ichek.

EZEKIEL 3:10

Kimwawa inendet kogeny kolenja, Ee weritab chi, taach eng’ muguleldang’ung’ ak igas eng’ itiguk, ng’alekyuk tugul che amwaun.

DANIEL 10:10

Ak ogeero, kitwaa eunnyi ne kinama agutuny ak atebendoe eunekyuk.

DANIEL 10:16

Ak ogeero, kitwa kutinnyu age ne kergei ak werikab bik: ayat kutinnyu anyun, ang’alal, alenji inendet ne kitonon eng’ tainnyu, Ee kiptaiyandennyu, kagobwanja arogenosiekyuk amu ng’ang’utiet, ama ng’etwa kimnatet.

KAITOSYEK 23:5

Ak kiinde Jehovah ng’olyot kutitab Balaam, ak kole, Weekyige Balak, ak ing’alal ko u ni.

MATAYO 10:19

Ago ye igoitook, ko mogerer met agobo ole ong’alaldoi, ak kit ne omwae: amu kigonok eng’ sainato ne omwae.

MARIKO 7:33

Ak kiimut chichoto kwo taban eng’ tuiyet, ak kiirooch morikyik itikab chichoto, ak kong’utyi, ak kotwa ng’elyeptanyi;

LUKA 12:12

amu inetok Tamirmiriet ne Tilil eng’ sainato kit ne nyolu omwa.

LUKA 21:15

amu agonok kutit ak ng’omnatet, ne maimuchi bunikwok tugul kota kowol kiy anan kogirindaak.

NG'ATUTIK 18:16

ko u tugul che kiimach eng’ Jehovah Kamuktaindeng’ung’ eng’ betutab tuiyet eng’ Horeb, ile, Amat kota agas kogeny kutitab Jehovah Kamuktaindennyu, anan kota ageer mai o kogeny, si mamei.

NG'ATUTIK 18:17

Ak kilenja Jehovah, Kamwa komie choto kamwa.

NG'ATUTIK 18:18

Ang’eetyini maotiot eng’ tupchosiekwak, ne u inye; ak ande ng’alekyuk kutinnyin, ak komwachi ichek tugul che ang’ate inendet.