JEREMIA 1:3 - BUKUIT NE TILIL

³ Kinyo kogeny eng’ betusiekab Jeoiakim weritab Josia, laitoriatab Juda, agoi kogesgei kenyitab taman ak agenge ne bo Sedekia weritab Josia, laitoriatab Juda; agoi keluul Jerusalem kimut eng’ arawetab mut.

Bukuit Ne Tilil

³ Ki nyo kogeny eng' peetuusyegap Jehoiakim weeriitap Josiah, ak agoi kogeskei kenyiitap taman ak agenge ne po Zedekiah weeriitap Josiah laitoryatap Judah, ye ki kiluul Jerusalem kimut eng' arawetap muut.

BUKUIT NE TILIIL Sireet ne Dutero Kanon

³ Ki nyo kogeny eng' peetuusyegap Jehoiakim weeriitap Josiah, ak agoi kogeskei kenyiitap taman ak agenge ne po Zedekiah weeriitap Josiah laitoryatap Judah, ye ki kiluul Jerusalem kimut eng' arawetap muut.

JEREMIA 1:3 ပူးပေါင်းရင်းမြစ်များ

2 LAITORINIK 23:34

Ak kiyai Parao-neko Eliakim weritab Josia koek laitoriat kogeer Josia kwandanyi, ak kiwal kainennyi koek Jeoiakim: ago kiimut Jeoahas koisto, ak kinyo Misri, ak kinyo kome eng’ oloto.

2 LAITORINIK 24:17

Ak kiyai laitoriatab Babulon Matania ng’etab kametab kwandanyi, koek laitoriat kogeer inendet, ak kowal kainennyi koek Sedekia.

1 ATEPTAP PEETUUSYEK 3:15

ak werikab Josia ko ki: taita ko ki Johanan, ne bo aeng’ ko ki Jeoiakim, ne bo somok ko ki Sedekia, ne bo ang’wan ko ki Salum.

JEREMIA 1:4

Kinyonja anyun ng’olyotab Jehovah kolenja,

JEREMIA 34:1

Kinyonji Jeremia ng’olyot ne kibunu Jehovah, ye kibargei Nebukadnesar laitoriatab Babulon, ak lugennyi tugul, ak bounatosiek tugul che bo ng’ony che kimi bounatennyi, ak bororiosiek tugul kobaregei ak Jerusalem, ak nganasokyik tugul, kolenji:

JEREMIA 35:1

Kinyonji Jeremia ng’olyot ne kibunu Jehovah eng’ betusiekab Jeoiakim weritab Josia, laitoriatab Juda, kolenji,

JEREMIA 36:2

Nam bukuit ne mamanat, isirji ng’alek tugul che koamwaun agobo Israel, ak agobo Juda, ak agobo bororiosiek tugul, koboch betut ne kiang’alalun, koboch betusiekab Josia, agoi betuni.

JEREMIA 39:2

kigibut nganasanato eng’ kenyitab taman ak agenge ne bo Sedekia, eng’ arawet ne bo ang’wan, eng’ betutab sogol ne bo arawanato:)

SEKARIA 7:5

Ng’alalji bik tugul che bo emet, ak tisiik, ilenji, Ye kigorugutge ak oririe eng’ arawetab mut ak ne bo tisab, eng’ kenyisiechoto tamanwogik tisab, ko tos kiorugutge agobo ane, anendet?

SEKARIA 8:19

Mwaei Jehovah ne bo lugosiek ko u ni kole: Egu eng’ gotab Juda boiboiyet ak kagasetab ge, ak igorwekab boiboiyet, karugutetab ge ne bo arawetab ang’wan, ak ne bo arawetab mut, ak ne bo arawetab tisab, ak ne bo arawetab taman; ocham anyun imanit ak kalyet.