JEREMIA 1:16 - BUKUIT NE TILIL

¹⁶ Ak amwa kiruogutikyuk agirindae yaitienywa tugul; amu kigometa, ak kigobeelji nyamdutik kanamonik che ter, ak kolos boisionikab eunekwak.

Bukuit Ne Tilil

¹⁶ Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

BUKUIT NE TILIIL Sireet ne Dutero Kanon

¹⁶ Ak amwa kirwoogutikyuk agirindae icheek, agobo yaityennywa tugul amu ki kometa, ki kobeelji nyamdutik kanamonik che teer, ak kolas poisyonigap eunekwak.

JEREMIA 1:16 ပူးပေါင်းရင်းမြစ်များ

2 LAITORINIK 22:17

amu kimetaa, ak kobeelji nyamdutik cheptalelisiek, si kotacha anerech eng’ boisionikwak tugul che bo eunekwak; eng’ noto anyun, kolaldos neregekyuk agobo koroni, ama kimisi.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

2 ATEPTAP PEETUUSYEK 28:2

Ago kiwendote ortinwekab laitorinikab Israel, ak kiitang’ji kogeny Baalik kanamonik.

2 ATEPTAP PEETUUSYEK 34:25

amu kigometa, ak kigobeelji nyamdutik kanamonik, si kobiit kotacha anerech eng’ boisionik tugul che bo eunekwak; noto anyun, karong’jige neregekyuk yuto, ama kimisi.

2 ATEPTAP PEETUUSYEK 7:19

Ago ngot omaste, ak olakte konetisiosiekyuk ak ng’atutikyuk che kiande taing’wong’, ak obe oot kanamonik, ak ogutung’ji:

ISAIAH 2:8

Nyiitat emenywa kogeny kanamonik; ilosu boisionikab eunekwak, che kiyaei eunekwak.

ISAIAH 37:19

ak kigowirji ma kanamonikwak: amu kima ko cheptalelisiek, ago ki boisietab eunekab bik, ketit ak koik; king’em anyun ichek tuguchoto amu noto.

ISAIAH 44:15

Egu anyun ketoto ne ilaali chito; ak ibei kwenikyik, ak kwo koyu; ee, ilaali, ak kobeele makatinik: ee, yaei cheptalelit, ak kosa; yaei koek kanamwet ne kiwaei, ak kogutung’ji.

ISAIAH 65:3

bik che tacha kimni kotugul, koeng’sei eng’ mbarenik, ak kobeelei nyamdutik eng’ matabaruk barak;

JEREMIA 10:15

Buch choto, boisietab ng’alset: betos eng’ betut ne ityin birenywa.

JEREMIA 10:3

Amu tangoita bitonwekab bik: amu ebei age ketit eng’ osnet, boisietab eunekab musogindet, ne boisie aiywet.

JEREMIA 11:12

Yeityo koba nganasokab Juda ak bik che menyei Jerusalem, koba korirji kanamonik che igochin nyamdutik; ago masoru ichek agot kitigin eng’ betutab nyalildanywa.

JEREMIA 11:17

Amu kagomwa Jehovah ne bo lugosiek, ne kiminin, yaitiet agobo inye, amu yaitietab gotab Israel ak ne bo gotab Juda, che kigoyachigei kotacha anerech amu kiigochi Baal nyamdutik.

JEREMIA 15:6

Kiiesia, mwaei Jehovah, kiichuchuige: kiachuul anyun eunnyu atokyin, ak ang’emin; kaang’et eng’ muitaet.

JEREMIA 16:11

Ilenji anyun ichek, Amu kigometa kwanisiekwok, mwaei Jehovah, ak kosubot kanamonik che ter, ak koot ak kolos, ak kometa, ama rib ng’atutikyuk;

JEREMIA 17:13

Ee Jehovah, inye ne i kamang’unetab Israel, ililandos ichek tugul che metoin; kisirei eng’ ng’ony ichek che istoenagei, amu kigometa Jehovah, kondametutab beek che soptos.

JEREMIA 18:15

Amu kigoutiena bikyuk, kigobeelji nyamdutik tuguk che matilei kiy; ak kigonach ichek eng’ ortinwekwak, eng’ ortinwek che bo keny, si kobunot ortinwek che mi taban, eng’ oret ne ma kiyai;

JEREMIA 19:4

Amu kigometa ichek, kigoyai yuto koek ole maginaei, ak kigobeelji eng’ yuto, nyamdutik, kanamonik che ter, che kima kongen, icheget ak kwanisiekwak ak laitorinikab Juda; ak kigonyiit olito korotikab che matinyei tengek;

JEREMIA 2:13

Amu kigoyai bikyuk yaitwogik aeng’; kigometa ane ne a kondametutab beek che soptos, ak kobaljigei keringonik, keringonik che kigoundurogis, che maimuchi kotebe beek.

JEREMIA 2:17

Tos kima icheng’jige nito, amu kiimete Jehovah Kamuktaindeng’ung’, ye kiimutin eng’ oret?

JEREMIA 2:19

Itigonin yaitieng’ung’: ak kogerin kong’ mastaeng’ung’; nai anyun ile kit ne ya ak ko ng’wan, amu kiimete Jehovah Kamuktaindeng’ung’, ametinye kaiyweisiet ne iywea, mwaei Kiptaiyat, Jehovah ne bo lugosiek.

JEREMIA 2:28

Ago mi ano kanamonik che kiiyachige? Ingong’eetyo ichek, ngot komuchi kosorun eng’ betusiekab nyalildang’ung’: amu ko u ole te koitetab nganasoguk, ko u noto kanamoniguk, ee Juda.

JEREMIA 4:12

nyonjina usonet ne o ne bunu tuguchuto: aruokyini anyun agane ichek.

JEREMIA 4:28

Rirei emet amu nito, ak kotuuegitu kipsengwetisiek: amu kaamwa, ak kaachob, ak tom awal kit ne abwati, amaweechigei let eng’ ng’olyondonito.

JEREMIA 44:17

Ago kiyae iman ng’olyot age tugul ne kagemwa, kele kibeeljini nyamdutik laitoriatab kipsengwet, ne kwondo, ak kerong’jini inendet kagochinoik che kieei, ko u ye kigeyai, achek ak kwanisiekyok, ak laitorinikyok, ak bounikyok, eng’ nganasokab Juda, ak eng’ ortinwek che bo Jerusalem: amu kigitinye eng’ betusiechoto amitwogik che chang’, ak kigichamege, ama kigeer yaitio.

JEREMIA 5:29

Tos manyone abire agobo tuguchuto? Mwaei Jehovah; tos mayaaktochinige mugetut eng’ bororiet ne u ni?

JEREMIA 5:9

Tos manyone abire agobo tuguchuto? Mwaei Jehovah; ak tos mayaaktochinige mugetut eng’ bororiet ne u ni?

JEREMIA 51:17

Kergeitu chito age tugul ak tiondo ne matinyei naet; ililane kitang’indet age tugul ne bo tahabu kanamwennyi ne kigiwai: amu lembeita kanamwennyi ne kigitany, ama tinyei kabuset.

JEREMIA 7:17

Tos megeere tuguk che yaei eng’ nganasokab Juda ak eng’ ortinwekab Jerusalem?

JEREMIA 7:18

Iyumi lagok kwenik, ak ilali mat kwanisiek, ak kokwonykwonyi makatinik kwonyik, si kobeelji laitoriatab kipsengwet, ne kwondo, ak korong’ji kagochinoik che kieei, cheptalelisiek, si kobiit kotacha anerech.

JEREMIA 7:9

Tos ochorsei, orumisiei, ak oyae ibetab ge, ak oyostosi eng’ lembech, ak obeeljini nyamdutik Baal, ak osuboti cheptalelisiek che ter che mongen,

EZEKIEL 16:18

ak kiib ngoroiguk che kiginde lelesta, ak ituge tuguchoto, ak kiinde tainywa mwanikyuk ak nyamdutikyuk che kibeelei.

EZEKIEL 24:14

Kamwae ane Jehovah ng’olyondonito: isuldoi, ak ayae noto; maweechige let, amarira mo, amawale kabwatutikyuk; iruogun ichek ko u ortinweguk, ak ko u boisioniguk, mwaei Kiptaiyat Jehovah.

HOSEA 11:2

Kingoguur ichek bichoto, kotes koistoegei: kieng’ji Baalik, ak kibeelji nyamdutik kanamonik che kigiwai.

HOSEA 8:6

Amu kibunu nito Israel; kiyaei musogindet, ama Kamuktaindet: ee, kitonatoni moitab Samaria.

JOEL 2:11

Ak kotwek Jehovah eng’ taitab lugennyi; amu o kabuureitanyi; amu kim inendet ne yaei ng’olyondennyi kosulda; amu o betutab Jehovah ak komuisei mising’; ng’o ne imuchi komuita?

POISYONIGAP CHE KIYOKTOI 7:41

Ak kiyai anyun moita eng’ betusiechoto, ak koipchi tiseiywot kanamwonoto, ak koboiboitu eng’ boisionikab eunekwak.

NG'ATUTIK 28:20

Iyogun Jehovah chubisiet ak nyalilda, ak keretab kong’, eng’ tugul che iyae euneguk, agoi kong’emin, ak agoi ilus ichakte; amu yaitietab boisioniguk ne kigonin ibagakta.

NG'ATUTIK 31:16

Ak kilenji Jehovah Musa, Keero, irue koboto kwanisieguk; yeityo kong’eetyo bichu koibotgei ak kanamonik che bo bororiosiek alak che bo emet, ole bendi kotebe kwenunywa, ak kobagakta, ak kobut kayomisennyu, ne kigiyomisge ak ichek.

JOSHUA 24:20

Ngot omete Jehovah ak oot kanamonik che too, koweeksei anyun ak koyaiywok ne ya, ak kogeswok, ago kiga koyaiywok ne mie.

NG'ANG'UTYET 9:20

Ak ma sik bik che kiga ng’et, che kima kibar eng’ korotwechoto, eng’ boisionikab eunekwak si mata kosa oik, ak kanamonikab tahabu, ak che bo feda, ak che bo sugunonik, ak che bo koik, ak che bo ketik; ak maimuchi kogeerto, anan kogasta anan kobendat: