JAKOBO 5:11 - BUKUIT NE TILIL

¹¹ Ogeero, kiguure che kimuita che boiboen: kiogas agobo muitaetab Job, ak kiogeer kit ne kiyai Kiptaiyat eng’ let, ole nyiitat rirenet Kiptaiyat, ak koriregei.

Bukuit Ne Tilil

¹¹ Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

BUKUIT NE TILIIL Sireet ne Dutero Kanon

¹¹ Ogeero, kiguure che kimuita che poiboen: ki ogas agobo muitaetap Job, ak ki ogeer kiit ne ki yai Kiptaiyat eng' let, ole nyiitaat rireenet Kiptaiyat, ak koriiregei.

JAKOBO 5:11 ပူးပေါင်းရင်းမြစ်များ

1 ATEPTAP PEETUUSYEK 21:13

Ak kilenji Daudi Gad, Ami eng’ bichiindo ne o: ngabutyi eutab Jehovah; amu eechen mising’ rirenosiekyik: ameng’ abutyi eutab chi.

2 ATEPTAP PEETUUSYEK 30:9

Amu ngoweekyige Jehovah, kosichei tupchosiekwok ak lagokwok rirenet eng’ taitab icheget che kiluul ichek, ak koweek kogeny kobwa emoni: amu tinyei Jehovah Kamuktaindeng’wong’ mieindo ak rirenet, ama ituktochinok batai, ngot oweekyige inendet.

NEEMIA 9:17

ak koesio kogas it, amata kobwat kwong’utiguk che kiiyai eng’ kwenunywa, ago kiiuuiit kaatinywa, ak eng’ ngelelnatenywa ko kilewen kiptaiyat komut ichek koweekyigei otwoknatenywa: ago i Kamuktaindet ne i chobot inyochi kaat, i bo mieindo ak ko nyiitat rirenet, ne ma sib konerechi, ak itinye chang’indab rirenet, ama imete ichek.

NEEMIA 9:31

Ago eng’ rirenosieguk che chang’ ko ma igesu ichek, anan imete, amu i Kamuktaindet ne bo mieindo, ak ko nyiitat rirenet.

Kitabuutap JOB 1:1

Kimi chi eng’ emetab Us, ne kigiguure Job; ak kiigesunotgei chichoto ak ko bo iman, ne kiiywei Kamuktaindet, ak koistoegei yaitio.

Kitabuutap JOB 1:2

Kigisikyi werik tisab ak tibik somok,

Kitabuutap JOB 2:10

Ago kilenji Job inendet, Ing’alali ko u ye ng’alaldos kwonyik che berber. Tos kinyor che miach eng’ eutab Kamuktaindet ama kinyoru che yaach? Eng’ chuto tugul ko ma mwa Job tengek eng’ kutinnyi.

Kitabuutap JOB 23:10

Ago ingen inendet oret ne abune; Ye kagotiema, among’u aige tahabu.

TIENWOGIKAL 103:13

Ko u ye rire kwanda lagokyik, Ko u noto rire Jehovah ichek che iywei inendet.

TIENWOGIKAL 103:8

Nyiitat Jehovah rirenet ak ko bo mieindo, Ama sib konerechi, ak tinyei chang’indab rirenet.

TIENWOGIKAL 116:5

Bo mieindo Jehovah ak ko bo imanda; Ee, tinyei rirenetab ge Kamuktaindennyo.

TIENWOGIKAL 119:132

Iweekyage, ak irirena, Ko u ye kicham iyachini icheget che chamei kaineng’ung’.

TIENWOGIKAL 145:8

Jehovah ko ne bo mieindo, ak konyiitat rirenet; Masib konerechi, ak tinyei rirenet ne o.

TIENWOGIKAL 37:37

Rib chito ne igesunotgei, ak igeer chito ne bo iman; Amu kagesunetab chichoto ko kalyet.

TIENWOGIKAL 51:1

Rirenage, ee Kamuktaindet, ko u chamnyeng’ung’ ne tala: Tindiny bistoennyu eng’ chang’indab rirenosieguk.

TIENWOGIKAL 78:38

Ago kinyochi kaat tengektanywa amu ki nyiitat inendet rirenetab ge, ak kima bar ichek: Ee, kiweekta neregekyik konyil che chang’, Ama ing’eet neregekyik tugul.

TIENWOGIKAL 86:15

Ago inye, ee Kiptaiyat, ko i Kamuktaindet ne nyiitat rirenet ak ko bo mieindo, Ne masib konerechi, ne tinyei chang’indab rirenetab ge ak imanit.

TIENWOGIKAL 86:5

Amu i mie inye Kiptaiyat, ak i chobot inyochi kaat, Ak itinye chang’indab rirenetab ge eng’ ichek che kuurin.

TIENWOGIKAL 94:12

Igasegei chi ne igere kong’, ee Jehovah, Ak ineti eng’ ng’atutiguk;

KOMONG'U 34:6

Ak kibun Jehovah tainnyi, ak komwaita kole, Jehovah, Jehovah, Kamuktaindet ne nyiitat rirenet ak mieindo, ak masib konerechi, ak ne nyiitat talasiet ak imanit;

AMDOINDET 7:8

Kaigai kagesunetab kiy kosiir taunennyi: kaigai ne muitoi eng’ tamirmiriet kosiir ne menei.

ISAIAH 63:7

Amwaitoi chamnyet ne tala ne bo Jehovah, ak kalosunoikab Jehovah, ko u tugul che kigogonech Jehovah; ak mieindo ne o eng’ gotab Israel, ne kigogochi ichek ko u rirenosiekyik, ak ko u chang’indab chamnyennyi ne tala.

ISAIAH 63:9

Kiginyalil inendet eng’ nyalilwogikwak tugul, ak kisor ichek malaikaiyandennyi ne kimi tainnyi: kiitiach eng’ chamnyennyi ak rirenennyi; ak kigesen ak koganab betusiek tugul che bo keny.

RIREKAB JEREMIA 3:22

Ki rirenosiekab Jehovah kityo si ma kigeswech, amu mararu rirenosiekyik.

DANIEL 9:9

Bo Kiptaiyat Kamuktaindennyo rirenosiek ak nyoetab kaat; amu kigingelelji inendet;

JOEL 2:13

ak ogerer mugulelwekwok, amogerer ngoroikwok, ak oweekyige Jehovah Kamuktaindeng’wong’: amu tinyei mieindo inendet ak ko nyiitat rirenet, masib konerechi, ak tinyei chang’indab rirenet, ak kowalei kabwatutikyik eng’ yaitiet.

JONAH 4:2

Ak kisa Jehovah kole, Asain, ee Jehovah, tos ma ng’olyondonito ne kigamwa ye kingota ami emennyu? Kiamwei anyun achakte awe Tarsis: amu kiangen ale i Kamuktaindet ne bo mieindo, ak ne nyiitat rirenet, ne ma sib konerechi, ak kotinyei chang’indab rirenet, ak iwale kabwatutiguk agobo yaitiet.

MIKAH 7:18

Ng’o Kamuktaindet ne u inye, ne nyochin kaat bik amu tengekto, ak kosiirtoe bistoetab bik che king’et che bo borotennyi? Magonori neregekyik agoi, amu baibaitune rirenet.

KAITOSYEK 14:18

Masib konerech Jehovah, ak ko nyiitat rirenet, ne nyochin kaat tengekto ak bistoet, ama nyochin kaat buch kiptengekyot; ago iityin lagok agobo tengektab kwanisiekwak, agoi ibinda ne bo somok ak ne bo ang’wan.

MATAYO 10:22

Ak kowechok bik tugul agobo kainennyu: ago inendet ne muitoi agoi kagesunet kesoru.

LUKA 1:50

Tebyei rirenennyi eng’ ibinwek agoi ibinwek Eng’ icheget che konyiti inendet.

LUKA 11:10

Amu age tugul ne somei, kigochin; ak nyoru ne cheng’ei; ak inendet ne igongonyi keyatyin.

LUKA 6:36

Oegu che tinyei rirenetab ge, ko u Kwandang’wong’ ne tinyei rirenetab ge.

ROMANIK 2:4

Anan isase magornatosiek che bo mieindanyi ak muitaennyi ak talasiennyi ama inai ile imutyinin sigunet mieindab Jehovah?

EPESOEK 1:6

agoi kalosunetab torornatetab mieindanyi, ne kigonech eng’ aiyebindo eng’ Chamanet:

EPESOEK 2:4

ago Jehovah, ne magoriot eng’ rirenetab ge, eng’ chamnyennyi ne o ne kichamenech,

HEBRANIK 10:39

Ago achek ko ma ki bo ichek che ichuchuchegei kobendi luset: ago ki bo ichek che iyani kot koit sorunetab sobondo.

HEBRANIK 3:14

amu kigeegu yamdoikab Kristo, ngenam mising’ taunetab kamang’unennyo agoi kagesunet:

HEBRANIK 3:6

ago Kristo ko u werit, ne bou gonnyi; achek gonnyi, ngenam mising’ nyiganatennyo ak torornatetab kamang’unennyo agoi kagesunet.

JAKOBO 1:12

Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

JAKOBO 1:2

Tupchosiekyuk, oiit ole boiboiyet kityo ye konyoru yomsosiek che terotin;

1 PETERO 1:13

Eng’ noto anyun ogermen suenutikab kabwatutikwok, oripge ak omang’u eng’ kagesunetab ge mieindo ne tun kiibwok eng’ ng’ang’etab Jesu Kristo;

1 PETERO 3:14

Ago ngot onyalili agobo imanda, ko o boiboen: amoiywei kamuisenywa, anan oiimge:

2 PETERO 2:9

ingen anyun Kiptaiyat kosor eng’ yomset che iywei Jehovah, ak korib che ma bo imanda kot koit betutab kiruoget, si tun kiruokyi;