JAKOBO 4:9 - BUKUIT NE TILIL

⁹ Onginyalilak, ak oarogense, ak oteeiye: ingowalak roriondeng’wong’ koek arogenet, ak koek boiboiyeng’wong’ nyigisindo.

Bukuit Ne Tilil

⁹ Onginyaliilak, ak oaragense, ak oteeiye: ingowalak roryondeng'wong' koek arageneet, ak koek poiboiyeng'wong' nyigiisindo.

BUKUIT NE TILIIL Sireet ne Dutero Kanon

⁹ Onginyaliilak, ak oaragense, ak oteeiye: ingowalak roryondeng'wong' koek arageneet, ak koek poiboiyeng'wong' nyigiisindo.

JAKOBO 4:9 ပူးပေါင်းရင်းမြစ်များ

NEEMIA 8:9

Ak kilenji bik tugul Neemia, ne ki Tirsata, ak Esra tisiindet ak ko sirindet, koboto Lawik che kiineti bik, Tilil betuni eng’ Jehovah Kamuktaindeng’wong’; amoteeye, anan oririe. Amu kiga ririo bik tugul, ye kingogas ng’alekab Ng’atutik.

Kitabuutap JOB 30:31

Kawalak cheetab ketubennyu koek rirek. Ak kawalak cheetab ndurerunnyu koek cheetab icheget che rirtos.

TIENWOGIKAL 119:136

Isururune beek che chang’ konyekyuk, Amu maisubi ichek ng’atutieng’ung’.

TIENWOGIKAL 119:67

Kiabetote ye kitom kinyalila; Ago nguno asubi ng’olyondeng’ung’.

TIENWOGIKAL 119:71

Mie eng’ ane amu kiginyalila; Si kobiit anetge ng’atutiguk.

KALEWANAIK 14:13

Rirei muguleldo agot ngo roriei; Ak kagesunetab boiboiyet ko nyigisindo.

AMDOINDET 2:2

Kiamwa agobo roriot ale, Iywek: ak agobo boiboiyet, ale, Yaei nee?

JEREMIA 31:13

Kobaibait anyun bergeiyat eng’ ureriet, koboto murenik ak boisiek agichek: amu awale rirekwak koek boiboiyet, ak agaigai ichek, ak agochi koboiboitu kometo rirekwak.

JEREMIA 31:9

Bwanei koririonu, ak amutune sautik: agochini kobendat eng’ ole negit ainosiek, eng’ oret ne litit eng’ ole maginachi: amu a kwanda eng’ Israel, ak taitanyu Epraim.

RIREKAB JEREMIA 5:15

Kigogesgei boiboiyetab mugulelwekyok; Kigowalak ureriennyo koek rirek.

EZEKIEL 16:63

si kobiit ibwat, ak itoptoben, ametwegu kogeny, amu kalilaneng’ung’; ye kanyoun kaat tuguk tugul che kiiyai, mwaei Kiptaiyat Jehovah.

EZEKIEL 7:16

Ago chilildos icheget che chilildos, ak koigei eng’ tulonok cheptugenikab atebwosiek, rirtos tugul, rirei chi age tugul eng’ tengektanyi.

MATAYO 21:41

Kilenji, Barei chichoto bo mbaret bichoto yaachen eng’ baret ne ya, ak komanakyi mbaretab sabibuk meek alak, che igochin inendet logoek eng’ ruratenywa.

MATAYO 5:4

Boiboen che arogendos: amu tun kigoigoi.

LUKA 16:25

Ago kile Abraham, Weri, ibwat ile kingota isobe ko kiinyoru tuguguk che miach, ki u noto Lasaro, kinyoru tuguk che yaach: ago nguno kigoigoi inendet eng’ yu, ago inye, imi ng’wanindo ne o.

LUKA 6:21

O boiboen okwek che amok rubet nguno: amu tun obiyong’dosi. O boiboen okwek che orirtosi nguno: amu tun ororitosi.

LUKA 6:25

Bwa okwek, che o biyong’otin nguno! Amu tatun koamok rubet. Bwa okwek, che ororitosi nguno! Amu tatun oteitosi ak orirtosi.