JAKOBO 4:8 - BUKUIT NE TILIL

⁸ Orikyi Jehovah, si korikyok. Oun eunekwok, okwek kiptengeginik; ak otilil mugulelwekwok, okwek che o bo kabwatutik aeng’.

Bukuit Ne Tilil

⁸ Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

BUKUIT NE TILIIL Sireet ne Dutero Kanon

⁸ Oriikyi Kamuktaindet, si koriikyok. Oun eunekwok, okweek kiptengeginik; ak otiliil mugulelwekwok, okweek che oo po kabwaatutik aeng'.

JAKOBO 4:8 ပူးပေါင်းရင်းမြစ်များ

TAUNET 18:23

Ak kirikyi Abraham Jehovah, ak koteebe kolenji, Tos iwong’u bik che bo iman koboto che yaachen?

1 ATEPTAP PEETUUSYEK 28:9

Nai anyun inye Solomon werinnyu, Kamuktaindetab kwandang’ung’, ak iboisiechi inendet eng’ muguleldo ne igesunotgei, ak eng’ kabwatutik che tinyei chamet: amu isiachi Jehovah mugulelwek tugul, ak koguitos kabwatutik tugul che bo metit: ngot icheng’ inendet, inyoru: ago ngot imete inendet, kowirtoin koigeny.

2 ATEPTAP PEETUUSYEK 15:2

ak kiwa kotorokta Asa, kolenji, Ogasa okwek, inye Asa ak Juda tugul ak Benjamin: mi Jehovah kobotok, ye otebye ak inendet; ak ngot ocheng’ inendet, onyoru; ago ngot omete inendet, kometok.

Kitabuutap JOB 16:17

Agot ngo mami koromnatet eunekyuk, Ak ko tililen saennyu.

Kitabuutap JOB 17:9

Agot ngo u noto kowendi ne bo iman eng’ orennyi, Ak inendet ne tinyei eunek che tililen kotesoksei kogimitu kosiir.

Kitabuutap JOB 9:30

Agot ngaunege beekab teluchi, Ak atilil eunekyuk mising’;

TIENWOGIKAL 119:113

Aweche ichek che bo kabwatutik aeng’; Ago achame ng’atutieng’ung’.

TIENWOGIKAL 145:18

Negit Jehovah icheget tugul che kuurei inendet, Tugul che kuurei eng’ iman.

TIENWOGIKAL 18:20

Kigona Jehovah ko u imandanyu; Kigona ko u tililindab eunekyuk.

TIENWOGIKAL 24:4

Inendet ne tililen eunek, ak ko tilil muguleldanyi: Ne malasyingei sobondanyi tugukab yaitio, Ama iyostos eng’ ng’alset.

TIENWOGIKAL 26:6

Auni eunekyuk amu matiinya lelutio; Si amuut kaptisisieng’ung’, ee Jehovah:

TIENWOGIKAL 51:10

Yaiywa muguleldo ne tilil, ee Kamuktaindet; Ak iyai tamirmiriennyu koleelit ak iyuokyi eng’ orit.

TIENWOGIKAL 73:13

Iman kiatilil muguleldanyu buch, Ak kiaune eunekyuk libwobindo buch;

TIENWOGIKAL 73:28

Ago mie eng’ ane arikyi Kamuktaindet: Kiacham koek Kiptaiyat Jehovah ole amwechini, Si kobiit amwaita boisioniguk tugul.

ISAIAH 13:15

Kitoorei age tugul ne kinyoru; ak kibare rotwetab chok age tugul ne kinamei.

ISAIAH 29:13

Ak kile Kiptaiyat, Amu rikyina bichu kong’alalwa, ak kogonyita eng’ kutuswekwak, ago kigoisto mugulelwekwak kolooegitu eng’ ane, ak kaiyweisiet ne iywea ko ng’atutiet ne kiineti bik ichek:

ISAIAH 58:2

Ago cheng’a betut age tugul, ak chamei konai ortinwekyuk: ko u bororiet ne kiyai imanda, ama meto kiruogetab Kamuktaindenywa, teebena kiruogutik che bo iman, chamei korikyi Kamuktaindet.

JEREMIA 4:11

Tun kimwachin bichu ak Jerusalem eng’ betunoto, kelenjin, Usyin cheptab bikyuk usonet ne bo mat ne bunu tulonok che churiotin che bo ong’atet, ma ne sesisiei, anan ko ne itililisiei;

JEREMIA 4:14

Ee Jerusalem, iunde tengekto eng’ muguleldang’ung’, si kesorun. Tebenen kabwatutiguk che yaachen kot kotianit?

RIREKAB JEREMIA 3:57

Kiirigu eng’ betut ne kiaguurin: kiimwa ile, Ameiywei.

EZEKIEL 18:31

Omete bistaosiekwok tugul che kigogonok obistoe; ak ochopchige muguleldo ne leel ak tamirmiriet ne leel: amu nee si obegu, ee gotab Israel?

SEKARIA 1:3

Mwachi anyun ichek ilenji, Mwaei Jehovah ne bo lugosiek ko u ni kole: Oweekyage, mwaei Jehovah ne bo lugosiek, si aweekyoge, mwaei Jehovah ne bo lugosiek.

MALAKI 3:7

Kiomaste koboch betusiekab kwanisiekwok omete kayomisutikyuk, ama orib. Oweekyage anyun, si aweekyoge, mwaei Jehovah ne bo lugosiek. Ago omwae ole, Kiweegundoige ano?

MATAYO 12:33

Anan oyai ketit komieit, ak logoekyik; anan oyai ketit koyait, ak logoekyik; amu kinae ketit logoekyik.

MATAYO 15:2

Amu nee si kobistoe alamalyeng’ung’ bitonwekab boisiek? Amu amisiei kotom koun eunekwak.

MATAYO 27:24

Noto anyun, ye kingogeer Pilato kole, mata komuch kiy, ago kitesak bolatet, konam beek, ak koun eunekyik eng’ taitab tuiyet kole, Matinye tengek eng’ korotikab chichi bo iman: oyaoti okwege.

POISYONIGAP CHE KIYOKTOI 15:9

ak kima ibesiech ak icheget, ye kiitilili mugulelwekwak eng’ kayanet.

2 KORINTOEK 7:1

Amu kitinye arorutichu anyun, chamanichu, ongitililge, keiste simdo tugul ne bo borto ak ne bo tamirmiriet, si keityi tililindo eng’ kaiyweisietab Jehovah.

1 TIMOTEO 2:8

Amache anyun ale kosaei murenik eng’ komosta age tugul, konamjin barak eunekwak che tililen, ko mami neregek ak tiiyet.

HEBRANIK 10:22

ongerikte anyun eng’ muguleldo ne bo iman eng’ nyiietab kayanet, ko kageis mugulelwekyok kemete kabwatet ne ya, ak kiun borwekyok eng’ beek che tililen:

HEBRANIK 7:19

(amu ma yai Ng’atutiet kiy koek ne igesunotgei), ak komitei ibunetab kamang’unet ne kaigai, ne kirikyine Jehovah.

JAKOBO 1:8

chitab kabwatutik aeng’, ne ma tononot eng’ ortinwekyik tugul.

JAKOBO 3:17

Ago ng’omnatet ne bunu barak ko ne tai ko tilil, yeityo ko bo kalyet, ak komuitoi, ak kasei kiy ne kimwachin, ak ko nyiitat rirenet ak logoek che miach, ama walaksei, ama tinyei chombilet.

1 PETERO 1:22

Amu kiotilil sobonwekwok eng’ kasetab it ne ogase it imanit kot koit chamnyetab tupchosiek ne matinyei kenisiet, ochamnye, okwege eng’ mugulelwekwok eng’ kagiiletab ge:

1 PETERO 3:21

kergeindab tuguchuto ko kabatisanet, ne soruok agine eng’ betusiechu, ma kele istoetab simdab borto, ago wolunetab kabwatet ne mie ne tokyingei Jehovah, eng’ ng’eetyetab Jesu Kristo;

1 JOHANA 3:3

Ak chi age tugul ne tinyei kamang’unoni agobo inendet kotililegei, ko u ye tilil inendet.

1 SAMUEL 14:35

Ak kiteekyi Saul Jehovah kaptisisiet: noto ko ki kaptisisiet ne bo tai ne kiteekyi Jehovah.