JAKOBO 4:4 - BUKUIT NE TILIL

⁴ Okwek che oibege, mongen ole choruanditab ng’ony ko bunyondit eng’ Jehovah? Chito age tugul anyun ne machei koek choruetab ng’ony koyaegei koek bunyotab Jehovah.

Bukuit Ne Tilil

⁴ Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

BUKUIT NE TILIIL Sireet ne Dutero Kanon

⁴ Okweek che oibegei, mongen ole chorwanditap ng'wony ko puunyoondit eng' Kamuktaindet? Chiito age tugul anyun ne machei koek chorweetap ng'wony koyaegei koek puunyootap Kamuktaindet.

JAKOBO 4:4 ပူးပေါင်းရင်းမြစ်များ

TAUNET 3:15

ak ande bunyondit kwenung’wong’ inye ndaret ak kwondo; ak kwenutab iyoteng’ung’ ak nenyi; ak kotui inendet meting’ung’, ak iguoten aginye kwariandennyi.

TIENWOGIKAL 21:8

Nyoru eung’ung’ buniguk tugul; Nyoru eung’ung’ ne bo tai icheget che wechin.

TIENWOGIKAL 50:18

Ye kiigeer chorindet, ochamnyechi tuwai, Ak itinye yamdaet ak che ibegei.

TIENWOGIKAL 73:27

Amu keero, betos icheget che looen eng’ inye: Amu kiing’em ichek tugul che kiisub ibetab ge koistoenengei.

ISAIAH 57:3

Ago origu okwek werikab chepsogeiyot, iyotetab chito ne yaei ibetab ge ak chepkugoniot.

JEREMIA 2:2

Ui, ititenji Jerusalem, ilenji, Mwaei Jehovah ko u ni kole, Abwatin agobo mieindab ming’inateng’ung’, chamnyetab katunisieng’ung’; ko u ye kiisubwa eng’ ong’atet, eng’ emet ne kima kegolei.

JEREMIA 9:2

Kata mie nda katinye eng’ ong’atet ole menyei bik che rutoi; si kobiit abagakta bikyuk, ak awe! Amu icheget tugul koyaei ibetab ge, tuiyetab bik che iberberisiei.

EZEKIEL 16:32

Osotiot ne yaei ibetab ge! Ne ibegei ak toek kometo manong’otiondennyi!

HOSEA 3:1

Ak kilenja Jehovah, Ui kogeny ak icham kwondo ne chamat eng’ choruennyi, ak ko chepkugoniot, ko u ye chamei Jehovah lagokab Israel, agot nganda weekyingei cheptalelisiek, ak kochamei makatinikab sabibuk che yaamnyotin.

MATAYO 12:39

Ago kiwolji kolenji, Ibinda ne ya ne bo ibetab ge ne cheng’ei kaborunet; ak magigochin kaborunet kobate kaborunetab maotiot Jona:

MATAYO 16:4

Cheng’ei kaborunet ibinda ne ya ne bo ibetab ge; ago magiborjin kaborunet, kobate kaborunetab Jona. Ak kibagakta ichek ak kwo.

MATAYO 6:24

Mami chi ne imuchi koot kiptainik aeng’; amu wechei age, ak kocham age: anan konamgei ak age, ak kosas age. Momuchi oot Jehovah ak magornatosiek.

LUKA 19:27

Ago omutu anyun bunichuchuk kobwa yu, che machamei aboi, si obar eng’ tainnyu.

JOHANA 15:19

Nda o bo ng’ony, ta chamei ng’ony chechik: ago amu mobo ng’ony, ago kialewenok eng’ ng’ony, kowechok ng’ony anyun amu noto.

JOHANA 17:14

Kiagochi ng’olyondeng’ung’; ak kawech ng’ony ichek, amu ma bo ng’ony, ko u ye ma bo ng’ony ane.

JOHANA 7:7

Maimuchi ng’ony kowechok; ago wecha ane, amu abaoriani agobo ng’ony, ale, yaach boisionikyik.

ROMANIK 5:10

Amu ye kita ko ki bunik, ko kigituiyech ak Jehovah eng’ meetab Werinnyi, ne siirei mising’ anyun, koga kituiyech, kesoruech eng’ sobondanyi.

ROMANIK 8:7

amu kererwekab met che bo borto ko bunyondit eng’ Jehovah; amu magase it Ng’atutietab Jehovah, amaimuchi:

1 KORINTOEK 1:20

Mi ano ne ng’om? Mi ano sirindet? Mi ano kiptiiyotiot ne bo kenyisiechu? Tos ma yai Jehovah ng’omnatetab ng’onyuni koberberit?

1 KORINTOEK 1:21

Amu eng’ ng’omnatet ne bo Jehovah ko ma nai ng’ony Jehovah eng’ ng’omnatennyi, kicham Jehovah kosor icheget che iyani, eng’ berberindo ne bo ng’olyot ne kiamdoi.

GALATYEK 1:10

Tos agoigoi nguno bik anan Jehovah? Anan acheng’e abaibai bik? Ngot ko ta aboiboi bik, ko ma a otwogetab Kristo.

JAKOBO 1:27

Kayanet ne tilil ne matinyei muruonindo eng’ taitab Jehovah Kwanda, ko ni: kowendi kogeerei che matinyei sigikwak ak mosogik eng’ nyalildanywa, ak koripgei inendet eng’ ng’ony koek ne matinyei tisia.