JAKOBO 3:2 - BUKUIT NE TILIL

² Amu kibutosi achek tugul eng’ tuguk che chang’. Ngot ko maibut chi age tugul eng’ ng’olyo, kogesunotgei chichoto, ak komuchi korib borto komugul agine.

Bukuit Ne Tilil

² Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

BUKUIT NE TILIIL Sireet ne Dutero Kanon

² Amu kibutosi acheek tugul eng' tuguuk che chaang'. Ngot koma ibut chii age tugul eng' ng'olyoo, kogesunotkei chiichooto, ak komuuchi koriip poorto komugul agine.

JAKOBO 3:2 ပူးပေါင်းရင်းမြစ်များ

1 LAITORINIK 8:46

Ngot koyaun tengek, (amu mami chi ne mayaei tengek,) ak inerekyi, ak igochi ichek eunekab bunikwak, koluul ichek komut koba emetab bunik, ngot ko loo anan ko negit;

2 ATEPTAP PEETUUSYEK 6:36

Ngot koyaun tengek, (amu mami chi ne mayaei tengek,) ak inerekyi, ak igochi ichek bunikwak koluul ichek komut koba emet ne loo anan ko ne negit;

Kitabuutap JOB 15:13

Kot iwal tamirmirieng’ung’ kongelelji Kamuktaindet, Ak icham komong’une kuting’ung’ ng’alek che u choto.

TIENWOGIKAL 34:13

Rib ng’elyeptang’ung’ eng’ yaitio, Ak kuting’ung’ si mamwa ng’alset.

TIENWOGIKAL 39:1

Kiamwa ale, Aribe ortinwekyuk, Si mamwa ng’elyeptanyu tengek: Agere kutinnyu karnet, Ye ta komi tainnyu kiptengekyot.

KALEWANAIK 10:19

Mabete bistoet ng’alek che chang’: Ago ng’om ne sisei.

KALEWANAIK 13:3

Ribei sobondanyi ne ribei kutinnyi: Ago nyoru ng’emisiet ne yatei kutinnyi mising’.

KALEWANAIK 20:9

Ng’o ne imuchi komwa kole, Kaatilil muguleldanyu, A tilil, ma atinye tengek?

KALEWANAIK 21:23

Age tugul ne ribei kutinnyi ak ng’elyeptanyi Koribei sobondanyi si manyor nyalilwogik.

AMDOINDET 7:20

Iman, mami chi ne bo iman eng’ ng’ony, ne yaei ne mie ama yaei tengekto.

ISAIAH 64:6

Amu kigiige tugul chi ne bo simdo, ak u imandanyo tugul ngoriet ne muruon: ak kirestosi achek tugul ko u sogot; ak onech yaitwogikyok ko u ye onsei usonet.

ATEPTAP LAWIK 13:39

kogeer anyun tisiindet: ak ogeero, ngo ma leelachen mising’ ngosenichato eng’ iririotab borwekwak; ko kaga tisonok kityo che komong’une iririot; tilil inendet.

MATAYO 12:34

Okwek lagokab erenok che ng’wonen, omuktoi ano okwek, che o yaach, omwa tuguk che miach? Amu ng’alali kutit che nyiitat muguleldo.

MATAYO 12:37

Amu kiityinin imanda eng’ ng’aleguk, ak kigikyinin eng’ ng’aleguk.

ROMANIK 3:10

ko u ye sirat, kole, Mami ne bo imanda, achicha, mami agot agenge:

ROMANIK 7:21

Ageere anyun ng’atutiet, ale, eng’ ane, ne kata ayae ne mie, komitei yaitiet kobota.

1 KORINTOEK 9:27

ago abire bortanyu, ak abou inendet: si ma ye kaamji bik alak, kotun keesia.

GALATYEK 3:22

Ago kigoratyi sirutiet tuguk tugul kimnatetab tengekto, si kobiit kigochi che iyani, arorutiet eng’ kayanet eng’ Jesu Kristo.

GALATYEK 5:17

Amu machei borto mising’ kogirinda Tamirmiriet, ak machei Tamirmiriet kogirinda borto; amu kirindogei chuto tuwai; si moyai tuguk che omache.

KOLOSAIK 1:28

inendet ne kimwaitoi, ak kiteechini chi age tugul ak kineti chi age tugul eng’ ng’omnatet tugul, si kobiit kimut chi age tugul kogesunotgei eng’ Kristo;

KOLOSAIK 4:12

Igatok Epapra, ne age eng’ okwek, otwogindetab Kristo Jesu, igiilegei kotugul agobo okwek eng’ sautikyik, si kobiit otononse ko ogesunotingei, ak ongen komie maget tugul ne bo Jehovah.

HEBRANIK 13:21

oegu che o chobotin eng’ boisiet age tugul ne mie si oyai magennyi, koyai eng’ ichek che chamaksei mising’ eng’ tainnyi, eng’ Jesu Kristo; ne nenyi torornatet koigeny ak koigeny. Amen.

JAKOBO 1:26

Ngo len chi tinyei atebet ne u ne bo kayanik, ama ribei ng’elyeptanyi ak koberberi muguleldanyi, ko buch kayanetab chichoto.

JAKOBO 1:4

Ak ingoek muitaet ne tinyei boisiet ne igesunotgei, si kobiit oegu che igesunotingei ak ko nyiitotin, che ma rartaat eng’ kiy.

JAKOBO 2:10

Amu chito age tugul ne ribei Ng’atutiet komugul, ak kobut eng’ ng’olyot agenge, konamei kiruoget eng’ tugul.

1 PETERO 3:10

Amus, Inendet ne chamei sobondo, Ak kogeer betusiek che miachen, Ko ingorib ng’elyeptanyi si mamwa yaitio, Ak kutinnyi si mamwa ng’alset:

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.