JAKOBO 3:15 - BUKUIT NE TILIL

¹⁵ Mabunu barak ng’omnatoni bo ng’ony, bo borwek, bo oindet.

Bukuit Ne Tilil

¹⁵ Ma punu parak utaatyoni po ng'wony, po poorwek, po oindet.

BUKUIT NE TILIIL Sireet ne Dutero Kanon

¹⁵ Ma punu parak utaatyoni po ng'wony, po poorwek, po oindet.

JAKOBO 3:15 ပူးပေါင်းရင်းမြစ်များ

2 SAMUEL 13:3

Ago kitinyei Amnon choruet, ne kainennyi ko ki Jonadab, weritab Simea, ng’etab kametab Daudi: ak ki chi ne ng’alin mising’ Jonadab.

2 SAMUEL 15:31

Ak kigimwachi Daudi, kelenji, Mi Aitopel koboto njaamikab Absalom. Ak kile Daudi, Ee Jehovah, asomin ale, wal kiruogetab Aitopel koek berberindo.

2 SAMUEL 16:23

Ak ki u kiruogetab Aitopel, ne kiiruochi eng’ betusiechoto, ye teebei chi eng’ ng’olyotab Kamuktaindet: ki u noto anyun kiruogutik tugul che bo Aitopel eng’ Daudi ak eng’ Absalom.

JEREMIA 4:22

Amu berber bikyuk, maingena; lagok che uuen metowek, ama tinyei kaguiyet: ng’omen koyai yaitiet, ago maingen koyai ne mie.

LUKA 16:8

Ak kiichoi kiptaiyandennyi otwogindonoto kima ko bo imanda amu kayai eng’ ng’omnatet: amu ng’omen werikab ng’onyuni eng’ ibindanywa kosiir werikab lapkeiyet.

JOHANA 3:17

Amu kima iyokyi Jehovah Werit ng’ony koruokyi ng’ony; ago si kesor ng’ony eng’ inendet.

JOHANA 8:44

O bo kwandang’wong’ oindet, ak ochame oyai magutikab kwandang’wong’. Ki rumindet koboch taunet, ama tononi eng’ imanit, amu mami imanit eng’ inendet. Ye mwaei lembech, komwaei agobo tugukyik: amu kiplembechwa inendet, ak kwanda ne bo noto.

POISYONIGAP CHE KIYOKTOI 13:10

ak kole, Ee inye ne nyiitat ng’alset tugul ak ng’omnatet tugul ne bo kabeetet, inye weritab oindet, inye bunyotab imanda tugul, mebagaktoi imaas ortinwek che lititen che bo Kiptaiyat?

ROMANIK 1:22

Kingolen kondegei kong’omegitu, koberberitu,

1 KORINTOEK 1:27

ago kilewen Jehovah tuguk che berber che bo ng’ony, si kogochi kalilanet che ng’omen; ak kilewen Jehovah tuguk che nyalulotin che bo ng’ony, si kogochi kalilanet tuguk che kimen;

1 KORINTOEK 2:14

Mataachei chito ne mi eng’ atebetab borto tuguk che bo Tamirmirietab Jehovah: amu berberindo eng’ inendet; ak temene kobesio tuguchoto, amu naoksei eng’ tamirmiriet.

1 KORINTOEK 3:19

Amu ng’omnatet ne bo ng’onyuni ko berberindo eng’ Jehovah. Amu kigisir kele, Inendet ne namei che ng’omen eng’ ng’alsenywa:

1 KORINTOEK 3:3

amu ta omi eng’ atebetab borto: amu ko u ye mi kwenung’wong’ ng’etkonda ak boriet, tos momi eng’ atebetab borto, ak obendoti ko u biteetab bik?

2 KORINTOEK 1:12

Amu kalosunennyo ko ni, baornatetab kabwatennyo, kele kigiteptoi tililindo ak atepto ne matinyei kenisiet, ne bo Jehovah, eng’ ng’ony, ma eng’ ng’omnatetab borto ago eng’ mieindab Jehovah, ak ne siirei mising’ ko eng’ komostang’wong’.

2 KORINTOEK 11:3

Ago aiywei ale, si mang’emogis eng’ or age tugul kabwatutikwok eng’ lititindo ak tililindo ne tokyingei Kristo ko u ye kiiberber erenet Awa eng’ ng’alsennyi.

PILIPIK 3:19

ne kagesunenywa ko luset, ne cheptalelinywa ko moet, ne kalosunenywa ko tewernatenywa, che ibwati tugukab ng’ony.

2 THESSALONIKEK 2:9

nyonunennyi konamegei ak boisietab Setani koboto kamuget tugul ak kaborunoik ak kwong’utik che bo lembech,

1 TIMOTEO 4:1

Ago mwaei Tamirmiriet kotook, kole tun eng’ betusiek che bwanei koistoegei alak kayanet, koepchin it tamirmirik che ibeeti bich ak konetisiosiek che bo oik,

JAKOBO 1:17

Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.

JAKOBO 3:17

Ago ng’omnatet ne bunu barak ko ne tai ko tilil, yeityo ko bo kalyet, ak komuitoi, ak kasei kiy ne kimwachin, ak ko nyiitat rirenet ak logoek che miach, ama walaksei, ama tinyei chombilet.

JUDA 1:19

Chuto che ibu kabesiosiek, che isubi borwek, che matinyei Tamirmiriet.

NG'ANG'UTYET 12:9

Ak kigiturur maswetinoto o konyo ng’ony, erenet ne bo keny, ne kiguure Oindet ak ko Setani, kaberberindetab ng’ony komugul; kigiturur konyo ng’ony, ak kigiturur malaikaisiekyik koboto inendet.

NG'ANG'UTYET 2:24

Ago amwawok okwek che o ng’etunotin eng’ Tuatera, tugul che matinyei konetisioni, che maingen tuguk che bo orit che bo Setani, ko u ye mwaei ichek; ale maandook milet age.

NG'ANG'UTYET 9:11

Ak kitinyei ichek laitoriat ne bou, noto ko malaikaiyatab keringet ne maigoksei: ne kainennyi eng’ kutitab Hebranik ko Abaddon, ak eng’ Yunanik ko Apollyon.