JAKOBO 1:4 - BUKUIT NE TILIL

⁴ Ak ingoek muitaet ne tinyei boisiet ne igesunotgei, si kobiit oegu che igesunotingei ak ko nyiitotin, che ma rartaat eng’ kiy.

Bukuit Ne Tilil

⁴ Ak ingoek muitaet ne tinyei poisyet ne ititaat, si kobiit oegu che ititaatiin ak ko nyiitootiin, che ma rartaat eng' kiy.

BUKUIT NE TILIIL Sireet ne Dutero Kanon

⁴ Ak ingoek muitaet ne tinyei poisyet ne ititaat, si kobiit oegu che ititaatiin ak ko nyiitootiin, che ma rartaat eng' kiy.

JAKOBO 1:4 ပူးပေါင်းရင်းမြစ်များ

Kitabuutap JOB 17:9

Agot ngo u noto kowendi ne bo iman eng’ orennyi, Ak inendet ne tinyei eunek che tililen kotesoksei kogimitu kosiir.

TIENWOGIKAL 37:7

Imuuny eng’ Jehovah, ak igen inendet eng’ muitaet: Ameng’ konyitin ne beruri eng’ orennyi, Chito ne isuldoe ng’alset.

TIENWOGIKAL 40:1

Kiagen Jehovah mising’; Ak kiepcha it, ak kigas rirekyuk.

KALEWANAIK 4:8

Itoror, si kolanden: Imutyinin teegisto, ye onamge ak inendet.

HABAKUK 2:3

Amu bo ng’ang’utiet betusiek che kiging’at, ak kochoktoi kotokyingei kagesunet, ama mwaei lembech: agot ngogagei, igen inye; amu nyonei iman, maigaegei.

MATAYO 10:22

Ak kowechok bik tugul agobo kainennyu: ago inendet ne muitoi agoi kagesunet kesoru.

MATAYO 19:20

Kolenji murenonoto, Kiarib tuguchu tugul: ta ko ng’etunot nee eng’ ane?

MATAYO 5:48

Noto anyun, oegu okwek che igesunotgei ko u ye igesunotgei Kwandang’wong’ ne bo kipsengwet.

MARIKO 10:21

Kigeer anyun Jesu inendet, ak kocham, ak kolenji, Ta ko rartaat kit agenge eng’ inye: ui, ialde tuguk tugul che itinye, ak igochi kibananok, si inyoru magornatet eng’ kipsengwet: ak inyo isubwa.

LUKA 18:22

Ak ye kingogas Jesu, kolenji, Ta ko rartaat kit agenge eng’ inye: alde tugul che itinye, ak ipchechi kibananok, si inyoru konoruet eng’ kipsengwet: ak inyo, isubwa.

LUKA 21:19

Ak eng’ muitaeng’wong’ onyoru sobonwekwok.

LUKA 8:15

Ak che mi ng’ung’unyek che miach, ko icheget, che ye kagogas ng’olyot, konam komie, eng’ mugulelwek che bo telunatet ak ko miachen, ak koiiyo logoek eng’ kagiiletab ge.

JOHANA 17:23

ane eng’ ichek, ak inye eng’ ane, si kobiit koek ichek che igesunotingei eng’ agenge; si kobiit konai ng’ony kole kiiyokwa, ak ichame ichek, ko u ye ichama.

1 KORINTOEK 2:6

Ago kimwae ng’omnatet eng’ kwenutab che igesunotingei: ago ng’omnatet ne ma bo betusiechu, anan ne bo bounikab betusiechu, che machei koek buch:

GALATYEK 6:9

Among’ keng’etye ye kiyae boisionik che miach: amu tun kigese ko kait betunnyi ngo magitanuise.

KOLOSAIK 4:12

Igatok Epapra, ne age eng’ okwek, otwogindetab Kristo Jesu, igiilegei kotugul agobo okwek eng’ sautikyik, si kobiit otononse ko ogesunotingei, ak ongen komie maget tugul ne bo Jehovah.

1 THESSALONIKEK 5:23

Ak ingotabanak eng’ katabanet ne nyiitat Jehovah ne bo kalyet; ak ingoribogis komie tamirmirikwok ak sobonwekwok ak borwekwok, ko motinye kiy ne kimuchi kiruogunenok eng’ nyonunetab Kiptaiyandennyo Jesu Kristo.

2 TIMOTEO 3:17

si kobiit koek chitab Jehovah, ne inetat, ne kigichob koek ne ititaat eng’ boisiet age tugul ne mie.

HEBRANIK 13:21

oegu che o chobotin eng’ boisiet age tugul ne mie si oyai magennyi, koyai eng’ ichek che chamaksei mising’ eng’ tainnyi, eng’ Jesu Kristo; ne nenyi torornatet koigeny ak koigeny. Amen.

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.

JAKOBO 3:2

Amu kibutosi achek tugul eng’ tuguk che chang’. Ngot ko maibut chi age tugul eng’ ng’olyo, kogesunotgei chichoto, ak komuchi korib borto komugul agine.

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.

2 PETERO 1:9

Amu inendet ne matinyei tuguchuto, ko kipkoratiat ak kogeerei kit ne mi ole negit kityo ak koutie katililet eng’ tengekwogikyik che bo keny.