JAKOBO 1:17 - BUKUIT NE TILIL

¹⁷ Kagoitoet age tugul ne mie ak konunotiot age tugul ne igesunotgei ko bo barak, chorugei eng’ Kwanda ne bo lapkeiyosiek, ne mami eng’ inendet kit ne walaksei, anan ko uruet ne bunu waletab ge.

Bukuit Ne Tilil

¹⁷ Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

BUKUIT NE TILIIL Sireet ne Dutero Kanon

¹⁷ Kagoitoet age tugul ne myee ak konunotyot age tugul ne ititaat ko po parak, choorugei eng' Kwanda ne po lapkeiyosyek, ne ma mi eng' ineendet kiit ne walaksei, anan ko urwet ne punu waletapkei.

JAKOBO 1:17 ပူးပေါင်းရင်းမြစ်များ

TAUNET 41:16

Ak kiwolji Josep Parao kolenji, Mabota ane: igochin Kamuktaindet Parao wolunet ne bo kalyet.

1 ATEPTAP PEETUUSYEK 22:12

Ingogonin Jehovah kaguiyet ak naet, ak kogonin ng’atutiet agobo Israel; si kobiit irib ng’atutietab Jehovah Kamuktaindeng’ung’.

1 ATEPTAP PEETUUSYEK 29:19

ak igochi werinnyu Solomon muguleldo ne igesunotgei, si korib ng’atutiguk, ak baornatosieguk, ak konetisiosieguk, ak koyai tuguchuto tugul, ak koteech gotab laitoriat, ne kiachopchi tuguchuto.

TIENWOGIKAL 102:27

Ago i u noto inye agoi, Ama tinyei kenyisieguk ole igesunegei.

TIENWOGIKAL 122:6

Osomji kalyet Jerusalem: Nyoru borotet ichek che chamin.

TIENWOGIKAL 136:7

Inendet ne kiyai lapkeiyosiek che eechen: Amu tebyei rirenennyi koigeny:

TIENWOGIKAL 84:11

Amu Jehovah Kamuktaindet ko u asista ak long’et: Konu Jehovah mieindo ak teegisto: Maete ichek che bendoti eng’ imanda kiy age tugul ne mie.

TIENWOGIKAL 85:12

Ee, konu Jehovah ne mie; Ak koiyiei emennyo ruratennyi.

KALEWANAIK 2:6

Amu igoitoi Jehovah ng’omnatet: Mong’une kutinnyi naet ak kaguiyet:

ISAIAH 28:26

Amu itigoni Kamuktaindennyi inendet komie, ak konet.

ISAIAH 45:7

Ayae lapkeiyet, ak ayae mesundeito; ayae kalyet, ak ayae yaitiet; a Jehovah, ne yaei tuguchuto tugul.

ISAIAH 46:10

ne ibortoi kegesunet koboch taunet, ak kobortoi koboch betusiek che bo keny, tuguk che tomo koyaogis; kole, Tononi kiruogennyu, ak ayae tugul che achame:

ISAIAH 60:19

Ma koegu asista lapkeiyeng’ung’ bet: ama kogonin lapkeiyet kaluunetab arawet: ago egu Jehovah lapkeiyeng’ung’ ne bo koigeny; ak koek Kamuktaindeng’ung’ torornateng’ung’.

MALAKI 3:6

Amu mawalaksei ane Jehovah, magigeswok anyun, ee okwek werikab Jakobo.

KAITOSYEK 11:17

Ak achoruge anyo keng’alal ak inye eng’ oloto: ak anemunenen kebebertab tamirmiriet ne miten, ak ande bichoto; ak kogesen ichek lautietab bik koboten, si maigeseni inyege.

KAITOSYEK 11:25

Ak kichorgei Jehovah eng’ boldet, ak kong’alalji Musa, ak kinam kebebertab tamirmiriet ne kimi inendet, konde boisiechoto tamanwogik tisab; ak ye kingotebe ichek tamirmiriet, koamda anyun ng’alek che bwanei, ago mata tun koyai ko u noto kogeny.

KAITOSYEK 23:19

Ma chito Kamuktaindet, kot komwa lembech; Anan weritab chi, kot kosik: Tos kagomwa, ak mayaei? Anan kagomwa, ama yaei kosulda?

MATAYO 7:11

Ngot ongen okwek anyun, che o yaach, ogochi lagokwok kagochinoik che miach, ko tos siirei mising’ ne tia Kwandang’wong’ ne mi kipsengwet, tos maigochin che somei inendet tuguk che miach?

LUKA 11:13

Ngongen okwek che o yaach ogochi lagokwok tuguk che miach, siirei anyun ne tia kagoitoet ne igochin Kwandang’wong’ ne mi kipsengwet Tamirmiriet ne Tilil ichek che somei inendet!

JOHANA 1:9

Kimi lapkeiyet ne bo iman, ne nyonei ng’ony, ne iluuchin chi tugul.

JOHANA 3:27

Kowol Johana kole, Magoi imuch chi kotaach kiy, ngo ma kigochi eng’ kipsengwet.

JOHANA 3:3

Kowolji Jesu kolenji, Amwaun, iman, iman, ale, Ngot ko ma kisich chi eng’ siget ne leel, ko magoi imuch kogeer bounatetab Jehovah.

JOHANA 8:12

Kimwachi Jesu anyun ichek kogeny, kolenji, A lapkeiyet ne bo ng’ony: inendet ne isuba ko mawendoti eng’ mesundeito, ago nyoru lapkeiyetab sobondo.

POISYONIGAP CHE KIYOKTOI 11:18

Ak kingogas ng’alechuto, kosisyo, kolos Jehovah, ak komwa kole, Kaga kagogochi Jehovah Bororiosiek agichek sigunet ne ibu sobondo.

POISYONIGAP CHE KIYOKTOI 5:31

Inendet ne kiitoror Jehovah eng’ eunnyi ne bo tai koek Ne O ago Yetindet, si kogochi Israel sigunet, ak nyoetab kaat ne bo tengekwogik.

ROMANIK 6:23

Amu melektab tengek ko meet; ago konunetab chamnyet ne bo Jehovah ko sobondab koigeny eng’ Kristo Jesu Kiptaiyandennyo.

1 KORINTOEK 4:7

Amu tos ng’o ne kayain iegu ne ter? Ak nee ne itinye inye ne kima itaach? Ago ngo kiitaache, ko amu nee si ilosuge, ko u ye kima itaache?

2 KORINTOEK 4:6

Amu Jehovah ne kimwa kole, Tun iluu lapkeiyet kobunu mesundeito, inendet ne kiiluuchi mugulelwekyok, si kogon lapkeiyet ne bo naetab torornatetab Jehovah eng’ togetab Jesu Kristo.

EPESOEK 1:18

ko kagokweng’ogis konyekab mugulelwekwok, si kobiit onai kit ne u kamang’unetab kuursennyi, ak magornatosiekab torornatet ne bo borotennyi eng’ che tililen,

EPESOEK 2:8

amu kigesoruok eng’ mieindo eng’ kayanet; ago mabunwok nito: konunetab Jehovah;

NG'ATUTIK 4:19

si ma ye inyal barak, igeer asista ak arawet ak kecheik, agot chang’indo tugul che mi kipsengwetisiek, kochuutin iwe isa tukchoto, ak iot tuguchoto kigopchechi Jehovah Kamuktaindeng’ung’ bororiosiek tugul che mi kureretab kipsengwetisiek.

PILIPIK 1:29

amu kigigonok agobo Kristo, ma oyan inendet kityo, ago onyalilye agobo inendet:

1 TIMOTEO 6:16

ne tinyei inegei sobondab koigeny, ne menyei eng’ lapkeiyet ne magimuchi kerikyi; ne tomo kogeer chi, ama imuchi kogeer: ingobunji inendet teegisto ak kamuktaet koigeny. Amen

HEBRANIK 13:8

Kergei Jesu Kristo eng’ amut ak ra, ak agoi koigeny.

JAKOBO 1:5

Ago ngot kobetyi chi age tugul eng’ okwek ng’omnatet, ko ingosom Jehovah, ne igochin tugul eng’ aiyebindo ama kere kong’; ak kigochin inendet.

JAKOBO 3:15

Mabunu barak ng’omnatoni bo ng’ony, bo borwek, bo oindet.

JAKOBO 3:17

Ago ng’omnatet ne bunu barak ko ne tai ko tilil, yeityo ko bo kalyet, ak komuitoi, ak kasei kiy ne kimwachin, ak ko nyiitat rirenet ak logoek che miach, ama walaksei, ama tinyei chombilet.

1 JOHANA 1:5

Ak ni ng’olyot ne kigigas eng’ inendet, ak keamwok, kele lapkeiyet Jehovah, ama mi mesundeito eng’ inendet agot kitigin.

1 JOHANA 4:10

Nito chamnyet, ma kele kigicham Jehovah, ago kichamech inendet, ak koyok Werinnyi koek tiseiywot agobo tengekwogikyok.

NG'ANG'UTYET 21:23

Ak mamachei nganaset asista, anan arawet, koluuchi: amu iluuchin lilindab Jehovah, ak tainnyi ko Aruet.

NG'ANG'UTYET 22:5

Ama komi kemout kogeny; ama machei lapkeiyetab tait, anan ko lapkeiyetab asista; amu igochin ichek lapkeiyet Kiptaiyat Jehovah: ak laitorani ichek koigeny ak koigeny.

1 SAMUEL 15:29

Ak mamwaei lembech Kimnatetab Israel, ama sigu; amu inendet ko ma chito si kowalak.