JAKOBO 1:14 - BUKUIT NE TILIL

¹⁴ ago kiyomei chi tugul, ye imuti magennyi ne ya, ak kichuuti,

Bukuit Ne Tilil

¹⁴ Ago kiyoomei chii tugul, ye imuti magennyi ne ya, ak kichuuti,

BUKUIT NE TILIIL Sireet ne Dutero Kanon

¹⁴ Ago kiyoomei chii tugul, ye imuti magennyi ne ya, ak kichuuti,

JAKOBO 1:14 ပူးပေါင်းရင်းမြစ်များ

TAUNET 3:6

Ak ye kingogeer kwondo kole mie ketoto eng’ amet, ak ko kararan eng’ konyek, ak ko ketit ne kichamei ne ing’omiti chi, kobut anyun logoekyik koam; ak kogochi manong’otiondennyi ne kimi tuwai koam agine.

TAUNET 6:5

Ak kigeer Jehovah kole, O mising’ tengektab chi eng’ ng’ony, ak kole, kabwatutik tugul che bo muguleldanyi ko tengekto kityo betut age tugul.

TAUNET 8:21

Ak king’uuchi Jehovah anyinyindo ne bo nyamdutik; ak kole Jehovah eng’ muguleldanyi, Ma achube ng’ony kogeny agobo chi, amu yaachen kabwatutikab muguleldab chi koboch koming’in; ak ma abare kogeny agoi, tuguk tugul che soptos, ko u ye kiayai.

2 SAMUEL 11:4

Ak kiiyokto Daudi bik koba kimut; ak kinyo ole mi inendet, ak kiruiyo ak inendet; (amu kiga koanyinygei eng’ muruonindanyi;) ak kiweektagei kwo gonnyi.

Kitabuutap JOB 31:27

Ak kigigaigai muguleldanyu eng’ ung’ot, Ak king’utut kutinnyu eunnyu:

Kitabuutap JOB 31:9

Ngot ko kigochuut kwondo muguleldanyu, Ak kiaribis eng’ kurgetab chitab kokwennyu:

KALEWANAIK 4:23

Rib muguleldang’ung’ eng’ kagiiletab ge tugul; Amu bunu kong’ikab beekab sobon yoto.

ISAIAH 44:20

Amei orek: kagomaas inendet muguleldo ne iberberat, kot ko maimuchi kosor sobondanyi, anan komwa kole, Tos mami lembeita eunnyu ne bo tai?

HOSEA 13:9

Ng’emisieng’ung’ nito, ee Israel, amu igirindaa, igirindoi toretindeng’ung’.

MATAYO 15:18

Ago tuguk che mong’une kutit kobunu muguleldo; choto che ing’waniti chito.

MATAYO 15:20

chuto tuguk che ing’waniti chito: ago ngeamisie eunek che ma kiun ko maing’wanitu chi.

MATAYO 4:1

Kiimut anyun Tamirmiriet Jesu kotogosta kwo surkwen si koyom oindet.

MATAYO 5:28

ago amwawok ale, age tugul ne keerei kobogorio ak kogase miat inendet, ko kagoipgei ak inendet eng’ muguleldanyi.

ROMANIK 7:11

amu kinyor tengek boroindo eng’ ng’atutiet kong’ala, ak kobara eng’ noto.

ROMANIK 7:13

Tos kiek anyun noto mie meet eng’ ane? Achicha, ma u noto. Ago si koborgei tengekto kele tengekto, ko kiyai meet eng’ ane eng’ noto mie; - si kobiit koek tengekto tengekto inne eng’ ng’atutiet.

EPESOEK 4:22

ale oregu chito ne bo keny, noto atebeng’wong’ ne bo atkinye, ne ng’emaksei ko u magutik che yaach che bo kenisiet;

HEBRANIK 3:13

ago oteechige betut age tugul, eng’ ye ta kemwaei kele rani; si ma kiuuiit chi age tugul eng’ okwek amu kenisietab tengekto:

JAKOBO 1:13

Amat komwa chi ye kagiyom kole, Kayoma Jehovah: amu mayomei Jehovah yaitiet, ama yomei inendet chi age tugul:

JAKOBO 1:15

ak ye kagomanach maget ne ya, koii tengekto: ak ye kagoeet tengekto, koii meet.