JAKOBO 1:12 - BUKUIT NE TILIL

¹² Baibai chito ne muitoi eng’ yomset: amu ye kagoterter, kotaachei kutwet ne bo sobondo, ne kiiarorji Kiptaiyat ichek che chamei inendet.

Bukuit Ne Tilil

¹² Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

BUKUIT NE TILIIL Sireet ne Dutero Kanon

¹² Paibai chiito ne muitoi eng' yoomseet: amu ye kagoterteer, kotaachei kuutweet ne po saboondo, ne ki iarorchi Kiptaiyat icheek che chamei ineendet.

JAKOBO 1:12 ပူးပေါင်းရင်းမြစ်များ

TAUNET 22:1

Kingobata tuguchoto, kotiem Kamuktaindet Abraham, kolenji, Abraham; ak kile, Ami yu.

NEEMIA 1:5

ak ale, Asain, ee Jehovah, Kamuktaindetab kipsengwet, Kamuktaindet ne o ne bo kamuiset, ne ribei arorutiet ak rirenet eng’ icheget che chamei inendet, ak koribei ng’atutikyik:

Kitabuutap JOB 2:10

Ago kilenji Job inendet, Ing’alali ko u ye ng’alaldos kwonyik che berber. Tos kinyor che miach eng’ eutab Kamuktaindet ama kinyoru che yaach? Eng’ chuto tugul ko ma mwa Job tengek eng’ kutinnyi.

Kitabuutap JOB 5:17

Keero, baibai chito ne itigoni Kamuktaindet: Amesas anyun kotigonetab Inendet ne bo Kamuktaet.

TIENWOGIKAL 11:5

Tiemei Jehovah chitab imanda: Ago wechei sobondanyi kiptengekyot ak inendet ne chamei koromnatet.

TIENWOGIKAL 119:67

Kiabetote ye kitom kinyalila; Ago nguno asubi ng’olyondeng’ung’.

TIENWOGIKAL 119:71

Mie eng’ ane amu kiginyalila; Si kobiit anetge ng’atutiguk.

TIENWOGIKAL 119:75

Angen, ee Jehovah, ale bo iman kiruogutiguk, Ak kiibira eng’ imandang’ung’.

TIENWOGIKAL 5:11

Ago ingoboiboitu ichek tugul che imang’un, Ingotienso eng’ boiboindo ichek agoi, amu iribe ichek: Ingoboiboitu agichek eng’ inye che chamei kaineng’ung’.

TIENWOGIKAL 94:12

Igasegei chi ne igere kong’, ee Jehovah, Ak ineti eng’ ng’atutiguk;

KOMONG'U 20:6

ak arire elfusiek eng’ ichek che chama che isubi ng’atutikyuk.

KALEWANAIK 17:3

Bo teret feda che kitilili, ak bo mat ne o tahabu: Ago Jehovah ne tiemei mugulelwek.

ISAIAH 64:4

Amu tomo kogas bik koboch keny, anan koguiyo eng’ itik, anan kogeer eng’ konyekwak Kamuktaindet age ne ma inye, ne yaei boisiet agobo chito ne igeni inendet.

SEKARIA 13:9

Ak amut kebeberato bo somok kobun mat, ak atilil ichek ko u ye kitilili feda ak atiem ichek ko u ye kitiemei tahabu: kuurei ichek kainennyu, ak agas ichek: amwae ale, Icheget ko bikyuk; ak kole, Jehovah ko Kamuktaindennyu.

MATAYO 10:22

Ak kowechok bik tugul agobo kainennyu: ago inendet ne muitoi agoi kagesunet kesoru.

MATAYO 25:34

Yeityo komwachi Laitoriat ichek che mi eunnyi ne bo tai, kolenji, Obwa, okwek che oberurotin che o bo Baba, onam bounatet ne kigechobwok koboch ko kagilumda ng’ony:

LUKA 6:22

O boiboen okwek, ye wechok bik, ak kobesienogei, ak kochurok, ak kowirta kaineng’wong’ kole ya, agobo Weritab chi.

ROMANIK 5:4

ak ibu muitaet tiemisiet; ak ibu tiemisiet kamang’unet:

ROMANIK 8:28

Ak kingen kele, eng’ ichek che chamei Jehovah, kotuitos tuguk tugul si kobois koreu che miach eng’ ichek che kigeguur ko u magennyi.

1 KORINTOEK 2:9

ago ko u ye kigisir kele, Tuguk che kima keer konda, ama kas itit, Ak ne kima chut muguleldab chi, Tuguk alak tugul che kichopchi Jehovah icheget che chamei inendet.

1 KORINTOEK 8:3

ago ngo chamei chi age tugul Jehovah, ko naat chichoto eng’ inendet.

1 KORINTOEK 9:25

Ak chi age tugul ne igiilegei eng’ ureriosiek, koribegei eng’ tuguk tugul. Yaei anyun ichek noto si konyor kutwet ne ng’emaksei; ago achek ko ne ma ng’emaksei.

NG'ATUTIK 13:3

ko meepchi it ng’alekab maotiondonoto, anan karuotitoindonoto: amu tiemok Jehovah Kamuktaindeng’wong’, si konai ngochame Jehovah Kamuktaindeng’wong’ eng’ mugulelwekwok komugul ak eng’ sobonwekwok komugul.

NG'ATUTIK 7:9

Nai anyun ile Jehovah Kamuktaindeng’ung’, ko Kamuktaindet; Kamuktaindet ne bo imanda, ne ribei kayomisiet ak rirenet eng’ ichek che chamei inendet ak koribei ng’atutikyik agoi ibindab elfut;

NG'ATUTIK 8:2

Ak ibwat oret komugul ne kigomutunenen Jehovah Kamuktaindeng’ung’ eng’ kenyisiechu artam eng’ ong’atet, si koming’inin, kotiemin, konai kit ne mi muguleldang’ung’, ngichame irib ng’atutik, anan ngo mechame.

2 TIMOTEO 2:15

Igiilgei ibartege ile kigoyanun Jehovah iegu kiboitiot ne manyol kolilan, ne boisie komie ng’olyotab imanit.

2 TIMOTEO 4:8

koboch nguno ko kagegonorua kutwet ne bo imanda, ne tun kona Kiptaiyat, kiruogindet ne bo imanda, eng’ betunoto: ago ma anege, ago icheget tugul agichek che kigocham toogunennyi.

HEBRANIK 10:32

Ago obwat betusiek che bo keny, ye kingo kagegonok lapkeiyet; ye kingaomuite eng’ boriet ne o ne bo nyalilwogik,

HEBRANIK 11:17

Kingo kagetiem Abraham, kogoito Isak eng’ kayanet: ee, kiigoitoi nenyi ne kigii inegei, inendet ne kiga taach arorutik eng’ boiboindo;

HEBRANIK 12:5

ak kioutie kateunet, ne ng’alalwok ko u ye king’alaljin werik, kole, Werinnyu, amesas kotigonetab Kiptaiyat, Anan itanui ye kerin kong’ inendet;

HEBRANIK 6:15

Ak u noto, kingo kagomuita, konyor arorutiet.

JAKOBO 2:5

Ogaso, tupchosiekyuk ak ko chamanikyuk; tos kima lewen Jehovah che bonondos eng’ ng’ony koek magorek eng’ kayanet, ak koek che nyoru bounatet ne kigoarorji ichek che chamei inendet?

JAKOBO 5:11

Ogeero, kiguure che kimuita che boiboen: kiogas agobo muitaetab Job, ak kiogeer kit ne kiyai Kiptaiyat eng’ let, ole nyiitat rirenet Kiptaiyat, ak koriregei.

1 PETERO 3:14

Ago ngot onyalili agobo imanda, ko o boiboen: amoiywei kamuisenywa, anan oiimge:

1 PETERO 4:13

ago oboiboitu, ko u ye o yamdoikab nyalilwogikab Kristo; si tun oboiboitu eng’ boiboiyet ne o eng’ ng’ang’etab lilindanyi agine.

1 PETERO 4:14

Ngechurok eng’ kainetab Kristo, ko oboiboi; amu tebenok Tamirmirietab lilindo ne Tamirmirietab Jehovah.

1 PETERO 5:10

Ak ingochobok, ak kolumdok, ak kogimitok Jehovah ne bo mieindo tugul, ne kiguurjok lilindanyi ne bo koigeny eng’ Kristo, ko kaonyalilse eng’ betusiek che matia.

1 PETERO 5:4

Ak ye tun took Mestowot ne o, onyoru kutwet ne bo lilindo ne mabetei.

1 JOHANA 4:19

Kichame, amu kisib kochamech inendet.

NG'ANG'UTYET 2:10

Ameiywei nyalilwogik che negit inyoru: ogeero, machei oindet kotoorji korgoret alak eng’ okwek, si kobiit ketiemak; ak osich nyalilda eng’ betusiek taman. Egu ne kiyani agoi meet, si agonin kutwet ne bo sobondo.

NG'ANG'UTYET 3:19

Agere kong’ tugul che achame ak atigoni: igiilge anyun, ak isigu.

NG'ANG'UTYET 3:21

Inendet ne iterteri, kotun agochini kotebi kobota eng’ ng’echerennyu ne bo laitornatet, ko u ye kiaterter agane, ak ketebi ak Baba eng’ ng’echerennyi ne bo laitornatet.