ISAIAH 9:4 - BUKUIT NE TILIL

⁴ Amu koiiri chogitab lautiennyi, ak siaritab tigikyiennyi, ak kiroktab usindennyi, ko u eng’ betusiekab Midian.

Bukuit Ne Tilil

⁴ Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

BUKUIT NE TILIIL Sireet ne Dutero Kanon

⁴ Amu koiiri chogitap lautyennyi, ak kirokto ne po tigikyennyi, ak kirokto ne po usiindennyi, ko uu eng' peetuusyegap Midian.

ISAIAH 9:4 ပူးပေါင်းရင်းမြစ်များ

TAUNET 27:40

Ak isobe rotweng’ung’ bo chok, ak iote ng’etab komet; Ak ye itiagage, Ilelekte bounatennyi koistoegei kaating’ung’.

TIENWOGIKAL 125:3

Amu malaitorani siaritab tengekto eng’ oldab che bo iman: Si maiyogochi che bo iman, eunekwak tengekto.

TIENWOGIKAL 81:6

Kiaistoe tigikyennyi milet: Kigiistoe eunekyik kitongok:

ISAIAH 10:16

Igochin anyun Kiptaiyat, Kiptaiyat ne bo lugosiek, bikyik che neriotin kosagityo; ak tun biitu liblibenet ne u ne bo mat ne lalei, ne kigeere torornatennyi.

ISAIAH 10:5

Bwa Asuriaindet, kiroktab neregekyuk, siaritab inendet ne mi neregekyuk eunnyi!

ISAIAH 14:25

ale atonatoni Asuriek eng’ emennyu, ak atiech eng’ tulonokyuk: koistoegei eng’ ichek choginnyi, ak koistoegei lautiennyi tigikyienywa.

ISAIAH 16:4

Ingomeny koboten chechuk che kigetimda; egu inye ole ung’egei Moab komwee luulindet: amu kagoek buch rebindet, kagogesgei luulset, kagiwong’ usik eng’ emet.

ISAIAH 47:6

Kianerekyi bikyuk, kiamuruon bortannyu, ak kiande ichek eung’ung’: ma irire agot kitigin; kiigesenji che kigoosegitu choging’ung’ ne nyigis mising’.

ISAIAH 49:26

Ak abae ichek che usin borwekwak; ak kobogityo eng’ korotikwak, ko u ye bogiti chi eng’ divaik che leelachen: si konai bik tugul kole, a Jehovah yetindeng’ung’, ak ko katiagindeng’ung’, Inendet ne bo Kamuktaet ne bo Jakobo.

ISAIAH 51:13

ak kiiutie Jehovah Yaindeng’ung’, ne kiito kipsengwetisiek, ak kolumda lumeiywekab ng’ony; ak iyweisiei kotugul, betut komugul, amu koromnatetab usindet ye chobegei si kong’emis? Mi ano koromnatetab usindet?

ISAIAH 52:2

Lelekte temburiek; ng’eet, tebi ng’ony, ee Jerusalem: itiach ratutik che mi kaating’ung’, ee cheptab Sion ne kigeluul.

ISAIAH 54:14

Kigimitin eng’ imanda; ilooitu eng’ nyalilda, amu meiyweisiei; ilooitu eng’ kamuiset, amu marikyinin.

ISAIAH 9:5

Amu kibeelei karik tugul che bo chitab luget eng’ wasetab ge, ak ngoroik che kiisegei korotik, koek che laldos.

JEREMIA 30:8

Ak tun airie eng’ betunoto choginnyi ne mi kaating’ung’, mwaei Jehovah ne bo lugosiek, ak ang’eti anoguk; ama koyaei toek inendet koek otwogindenywa.

JEREMIA 48:17

Orirji inendet okwek tugul che omi ole negite inendet, ak okwek tugul che ongen kainennyi; omwa ole, Katepto ano si koil siarit ne kim, kirokto ne kararan!

ATEPTAP LAWIK 26:13

A Jehovah Kamuktaindeng’wong’, ne kiamutwak omong’u eng’ emetab Misri, si mata oegu otwogikwak; ak kiairi ketikab choging’wong’, ak ang’eetak obe komie.

NAHUM 1:13

Ak airi choginnyi eng’ kaating’ung’, ak ang’eeti ratutiguk.