ISAIAH 7:4 - BUKUIT NE TILIL

⁴ ak ilenji inendet, Ripge, ak isis; ameiyweisie, anan kotanui muguleldang’ung’, amu katutoichu aeng’ che bo kegenganik che iyendos, amu neregek che ng’wonen che bo Resin ak Suria, ak che bo weritab Remalia.

Bukuit Ne Tilil

⁴ ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

BUKUIT NE TILIIL Sireet ne Dutero Kanon

⁴ ak ileenji ineendet, riipkei, ak isiis, ameiyweisye, anan kotanui muguleldang'ung', amu kegenganichu aeng' iyendos, amu nereegek che ng'woneen che po Rezin ak Syria, ak che po weeriitap Remaliah.

ISAIAH 7:4 ပူးပေါင်းရင်းမြစ်များ

2 LAITORINIK 15:27

Kitoi kolaitoran Peka weritab Remalia eng’ Israel eng’ Samaria, eng’ kenyitab konom ak aeng’ ne bo Asaria laitoriatab Juda, ak kilaitoran kenyisiek tiptem.

2 ATEPTAP PEETUUSYEK 20:17

Ma okwek che oyae lugoni: otetge, otononse, si ogeer yetunetab Jehovah ne mi kobotok, ee Juda ak Jerusalem: amoiyweisie, anan oarogense: oba obokyi mutai; amu mi Jehovah kobotok.

ISAIAH 10:24

Mwaei anyun Kiptaiyat, Jehovah ne bo lugosiek, kole, Ee bikyuk che menyei Sion, amoiywei Asuria: nganda birin eng’ kirokto, ak konamjin barak agobo inye, ko u biteetab Misri.

ISAIAH 30:15

Amu komwa Kiptaiyat Jehovah, Inendet ne Tilil ne bo Israel, ko u ni kole, Kisoruok ye oweege ak omuuny; egu kimnateng’wong’ sisek ak kamang’unet: ago ma ocham.

ISAIAH 30:7

Amu toretisiei buch Misri, ama tilei kiy toretonoto: kiaguure anyun inendet Rahab ne tebyei kosisei.

ISAIAH 35:4

Olenji ichek che arogendos, Ogimegitu, amoiyweisie: ogeero, nyonei Kamuktaindeng’wong’ ak yaaktaetab mugetut, koboto kageeretab Kamuktaindet; nyonei kosoruok.

ISAIAH 37:6

Ak kilenji Isaia ichek, Omwachini kiptaiyandeng’wong’ ko u ni, olenjini, Kamwa Jehovah kole, Ameiywei ng’alek che kegas, che kachubena otwogikab laitoriatab Asuria.

ISAIAH 41:14

Ameiyweisie, inye Jakobo, ne i kutiet, ak okwek bikab Israel; atoretin, mwaei Jehovah, ak katiagindeng’ung’ ko Inendet ne Tilil ne bo Israel.

ISAIAH 7:1

Eng’ betusiekab Ahas weritab Jotam, weritab Usia, laitoriatab Juda, kotogosta Resin Jerusalem laitoriatab Suria, ak Peka weritab Remalia, laitoriatab Israel, kolen kobargei; ago ma imuch koterter.

ISAIAH 7:8

Amu metitab Suria ko Damasko, ak metitab Damasko ko Resin: ak ye tom kogesgei kenyisiek tamanwogik lo ak mut, ko tonaksei Eprain si ma ko bororiet:

ISAIAH 7:9

ak metitab Epraim ko Samaria, ak metitab Samaria ko weritab Remalia. Ngot ko moyan, ko magigimitok iman.

ISAIAH 8:4

Amu kotom komuch lakwanato kotwek kole, Baba, ak Eiyo, koluulei laitoriatab Asuria magornatosiekab Damasko ak barunenikab Samaria.

ISAIAH 8:6

Amu kiesio bichu beekab Siloa che rootei mutyo, ak koboiboitune Resin ak weritab Remalia;

RIREKAB JEREMIA 3:26

Mie eng’ chito komang’ ak kogen eng’ muitaet yetunetab Jehovah.

AMOS 4:11

Kiang’em agesu alak eng’ okwek, ko u ye king’em Kamuktaindet Sodom ak Gomora koges, ak kio u mecheita ne kaginemune mat: ago tom oweekyage, mwaei Jehovah.

HABAKUK 2:3

Amu bo ng’ang’utiet betusiek che kiging’at, ak kochoktoi kotokyingei kagesunet, ama mwaei lembech: agot ngogagei, igen inye; amu nyonei iman, maigaegei.

SEKARIA 3:2

Ak kilenji Jehovah Setani, Ingogeerin kong’ Jehovah, ee Setani; ee, ingogerin kong’ Jehovah ne kilewen Jerusalem: tos ma mecheita nito ne kaginemune ma?

MATAYO 10:28

Amoiywei ichek che barei borto, ago maimuchi kobar sobondo: ago kaigai oiywei inendet ne imuchi kong’em sobondo koboto borto eng’ Gehenna.

MATAYO 24:6

Tun ogase agobo lugosiek ak ng’alek agobo baretab ge: oripge si moarogense: amu bwanei tuguchu matiny; ago kotom koit kagesunet.

NG'ATUTIK 20:3

ak kolenji ichek, Ogaso, ee Israel, korikyi rani luget obarge ak bounikwok: amogochi mugulelwekwok kotanuiso; amoiywei anan orukrugense, among’ komuok bichoto;

1 SAMUEL 17:32

Ak kilenji Daudi Saul, Amat kome chi mugulel agobo inendet; wendi otwogindeng’ung’ kobaregei ak Pilistindonito.