ISAIAH 7:18 - BUKUIT NE TILIL

¹⁸ Ak eng’ betunoto koititenji Jehovah kalyang’et ne mi tabanwek che looen che bo ainosiekab Misri, ak koititenji segemiat ne mi emetab Asuria.

Bukuit Ne Tilil

¹⁸ Ak eng' peetuunooto koititenji Kamuktaindet ne Toroor kalyang'ik che mi tabanwek che looen che po ainoosyegap Misiri, ak koititenji segemik che mi emetap Assyria.

BUKUIT NE TILIIL Sireet ne Dutero Kanon

¹⁸ Ak eng' peetuunooto koititenji Kamuktaindet ne Toroor kalyang'ik che mi tabanwek che looen che po ainoosyegap Misiri, ak koititenji segemik che mi emetap Assyria.

ISAIAH 7:18 ပူးပေါင်းရင်းမြစ်များ

TIENWOGIKAL 105:31

Kitwek, ak kibwa kalyang’ik ng’isiat, Ak isirek eng’ kiwotosiekwak tugul.

TIENWOGIKAL 118:12

Kiyiema ko u segemik; kibek ko u matab katok; Ang’eetoi ichek eng’ kainetab Jehovah.

KOMONG'U 8:21

Ago ngot ko mechamji bikyuk koba, keero, ayogu kalyang’ik eng’ chang’indo kobwanjin ak otwogiguk ak biguk, ak goriguk orit: ak nyiie kalyang’ik gorikab Misri, ak ng’ony ole tonone.

KOMONG'U 8:24

Ak kiyai Jehovah ko u noto; ak kichang’a kalyang’ik ne ya eng’ gotab Parao, ak eng’ gorikab otwogikyik: ak king’emak emet komugul ne bo Misri amu kalyang’ik.

ISAIAH 13:5

Bunu ichek emet ne loo, ole boch tabandab kipsengwet, inendet Jehovah koboto karikab neregekyik, si kobiit kong’em emet komugul.

ISAIAH 31:1

Bwa eng’ ichek che chorjingei Misri kocheng’ei toretet, ak kotiiegei mbartanyisiek; ak komang’u karisiek, amu chang’, ak komang’u bik che lanyei mbartanyisiek, amu kimen kot; ago mainyali Inendet ne Tilil ne bo Israel, ama cheng’ei Jehovah!

ISAIAH 5:26

Ak konamji barak songoliet koborji bororiosiek che looen, ak koititenji ichek kobwa eng’ tabanwekab ng’ony: ak ogeero, ruou kochogu:

ISAIAH 7:17

Ibun Jehovah, ak koipchi biguk, ak gotab kwandang’ung’, betusiek che tom kobiit, koboch betut ne kiistoegei Epraim Juda; noto laitoriatab Asuria.

SEKARIA 10:8

Aititenjini ichek, ak ayum, amu kiatiach ichek: ak kotesogis ko u ye kiga kotesogis.

NG'ATUTIK 1:44

Ak kimong’jok Amorik che kimenyei tulwonoto, nyo koonak, ko u ye onei bich segemik, ak kiiterteranwak ochorjinigei Seir, agoi Horma.

NG'ATUTIK 28:49

Imutun Jehovah bororiet konyo koborienen ne bunu ole loo, tabandab ng’ony, ko u ye tirireni kipsichit; bororiet ne megase ng’alekwak;

NG'ATUTIK 7:20

Ak ne siirei choto koyokyin Jehovah Kamuktaindeng’ung’ ichek karamik, agoi kowong’gei eng’ taing’ung’ che unyegei che kang’et.

JOSHUA 24:12

Ak kiayokte karamiet kondoenak, ne kion ichek eng’ taing’wong’, laitorinichato aeng’ bo Amorik; ma eng’ rotweng’ung’ bo chok, anan kwangeng’ung’.