ISAIAH 66:16 - BUKUIT NE TILIL

¹⁶ Amu iruoksechin Jehovah bik tugul eng’ mat ak eng’ rotwennyi bo chok: ak kochang’a che barei Jehovah.

Bukuit Ne Tilil

¹⁶ Amu irwooksechin `Kamuktaindet ne Toroor piik tugul eng' maat ak eng' rotwennyi po chok: ak kochang'a che parei Kamuktaindet ne Toroor.

BUKUIT NE TILIIL Sireet ne Dutero Kanon

¹⁶ Amu irwooksechin `Kamuktaindet ne Toroor piik tugul eng' maat ak eng' rotwennyi po chok: ak kochang'a che parei Kamuktaindet ne Toroor.

ISAIAH 66:16 ပူးပေါင်းရင်းမြစ်များ

ISAIAH 10:4

Ing’urukyin ichek kimonjororinik, ak kobutyi ole kigibarji bik. Nganda u noto, ko ma istogei neregekyik, ago ta ko chuulat eunnyi kora.

ISAIAH 27:1

Tun birei Jehovah eng’ betunoto eng’ rotwennyi ne bo chok ne korom ak ko o ak ko kim, tiondo ne bo beek ne u ting’ong’et, ne erenet ne chepcheb, ak tionyoto ne erenet ne taategei; ak kobar maswetit ne mi nyanjet.

ISAIAH 3:13

Tononi Jehovah kong’alaldowok, ak kotonon koruokyi bik.

ISAIAH 30:30

Ak koyai Jehovah kutinnyi ne bo torornatet kogasak, ak kobor eunnyi ne choru, eng’ nyitatetab nereknatennyi, ak liblibenetab mat ne beelsei, koboto cheet, ak usonet ne o, ak koikab ropta.

ISAIAH 31:8

Ibuti anyun Asuriaindet eng’ rotwetab chok, ma rotwetab chi; ak kobar inendet rotwetab chok, ne ma bo bik: ak komwee rotwetab chok, ak koek murenikyik otwogik.

ISAIAH 34:2

Amu tinyei Jehovah nyitatet agobo bororiosiek tugul, ak neregek che laldos agobo lugosiekwak tugul: kigong’em ichek koges, kigogoito ichek kebar.

ISAIAH 65:12

aityinok anyun rotwetab chok, ak ong’urukyini tugul barisiet: amu kingaguurse, ko ma kowolu; kingang’alal, ko ma ogas; ago kioyai yaitiet eng’ tainnyu, ak kiolewen ne mabaibaitune.

JEREMIA 25:31

Itei bolatet tabanwekab ng’ony; amu bortos Jehovah ak bororiosiek, iruoksechin inendet bik tugul; ak igoitoi kiptengeginik kebar eng’ rotwetab chok, mwaei Jehovah.

JEREMIA 25:33

Ak konyi emet eng’ betunoto bik che barei Jehovah, koboch tabanda age ne bo ng’ony agoi tabanda age: mami chi ne iteei agobo ichek, ama kiyumi, ama kitubei; egu ng’atatek eng’ emet.

JEREMIA 45:5

Ko tos, icheng’jinige inye tuguk che eechen? Amecheng’: amu, keero, aipchini yaitiet bik tugul, mwaei Jehovah: ago agonin sobondang’ung’ koek luuleneng’ung’ eng’ komoswek tugul ole iwendi.

JEREMIA 46:15

Amu nee si kibukto cheguk che kimen? Ma tononso, amu kion Jehovah.

EZEKIEL 28:18

Kiimuruon oldinweguk che tililen eng’ chang’indab tengekwogiguk, eng’ yaitietab mung’areng’ung’; kaanemu anyun mat eng’ kwenung’ung’, kigobeelin, ak awalin iegu orek eng’ ng’ony, eng’ taitab ichek tugul che keerin.

EZEKIEL 38:17

Mwaei Kiptaiyat Jehovah ko u ni kole: Tos inye ne kiamwaite keny eng’ otwogikyuk maotikab Israel, che kimaoteni eng’ betusiechoto eng’ kenyisiek che chang’ kole tun amutun inyo obarge ak ichek?

EZEKIEL 5:15

Egu ko u noto anyun tewernatet ak sasisiet, konetisiet ak kwong’et, eng’ bororiosiek che mi komosweguk tugul, ye ayae kiruogutik eng’ inye eng’ neregek, ak eng’ neregek che ng’wonen, ak eng’ keretab kong’ ne ng’wan: kaamwa ane Jehovah ng’olyondonito:

JOEL 3:2

ak amut ichek koba atebwetab Jeosapat; ak aruokyi ichek eng’ oloto amu bikyuk ak amu borotennyu Israel, che kigoseerji bororiosiek, ak kopchei emennyu.

AMOS 7:4

Kiiborua Kiptaiyat Jehovah ko u ni: ogeero, kiguur Kiptaiyat Jehovah mat kobelisie; ak kibeel riret ne o, ak komach koam emet.

NAHUM 3:15

Igesun mat eng’ oloto; barin rotwetab chok, igesun ko u tinapchet: chang’itu ko u tinapchet, chang’itu ko u chereng’endet.

NAHUM 3:3

bik che lanyei mbartanyisiek, kalyeletab rotwetab chok, ak ng’otit ne lilei bich; ak chang’indab che kagebar, karurugutiet ne o ne bo muswek: maigesugei muswek; riichei muswekwak ichek:

SEKARIA 14:5

Ak omwei obun atebwetab tulonokyuk; amu itei atebwetab tulonok Asel: ee, omwei, ko u ye kiomwei ye kibotani ng’ony eng’ betusiekab Usia laitoriatab Juda: ak konyo Jehovah Kamuktaindennyu, komi bik tugul che tililen koboto inendet.