ISAIAH 66:1 - BUKUIT NE TILIL

¹ Mwaei Jehovah ko u ni kole, Kipsengwet ko ng’echerennyu ne bo laitornatet, ak ng’ony ko ng’echeretab kelyekyuk: oteekwa got ne u nee? Ak komosta ano ole amuung’e?

Bukuit Ne Tilil

¹ Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

BUKUIT NE TILIIL Sireet ne Dutero Kanon

¹ Mwaei Kamuktaindet ne Toroor kole, kipsengwet ko ng'echerennyu ne po laitornatet, ak ng'wony ko ng'echereetap keelyekyuk: oteekwo koot ne uu nee? Ak komosta ano ole amuung'e?

ISAIAH 66:1 ပူးပေါင်းရင်းမြစ်များ

1 LAITORINIK 8:27

Ago tos meny Kamuktaindet ng’ony iman? Keero, mayamin kipsengwet itebe, anan ko kipsengwet ne bo kipsengwetisiek; ko ming’in ne tia anyun goi koateech!

1 ATEPTAP PEETUUSYEK 28:2

Ak kitonon anyun laitoriat Daudi, ak kole, Ogasa, tupchosiekyuk, ak bikyuk: kimi muguleldanyu ateech got ne imuung’e moingetab arorutietab Jehovah, ak ng’echeret ne tebe kelyekab Kamuktaindennyo; ak kiga achob tuguk che bo teekset.

2 ATEPTAP PEETUUSYEK 2:5

Ak o got ne ateeche: amu o Kamuktaindennyu kosiir cheptalelisiek tugul.

2 ATEPTAP PEETUUSYEK 6:18

Ago tos menyei Kamuktaindet ak bik iman eng’ ng’ony? Keero, mayamin kipsengwet itebe, anan ko kipsengwet ne bo kipsengwetisiek; ko ming’in ne tia anyun goi koateech!

TIENWOGIKAL 11:4

Mitei Jehovah hekalunnyi ne tilil, Mitei kipsengwet ng’echeretab laitornatet ne bo Jehovah; Keerei konyekyik, tiemei iririotab konyekyik werikab bik.

TIENWOGIKAL 132:7

Kibendi meng’otosiekyik; Kigutunyi eng’ ng’echeretab kelyekyik kel.

TIENWOGIKAL 99:9

Otoror Jehovah Kamuktaindennyo, Ak ogutung’ji eng’ tulwennyi ne tilil; Amu tilil Jehovah Kamuktaindennyo.

ISAIAH 57:15

Amu mwaei ko u ni Inendet ne mi barak ak ko toror ne menyei koigeny, ne Tilil kainennyi, kole, Amenye ole toror, ak ko tilil, koboto inendet agine ne kigonyeratgei eng’ tamirmiriet, ak koming’ingei, si kobiit kisoob tamirmirietab ne iming’inegei, ak kisoob mugulelwekab che inyeratigei.

ISAIAH 60:13

Nyonjinin torornatetab Lebanon, koboto biribirinik, taragonik che sabulen, ak taragonik che ter; si koyai konyol oldanyu ne tilil, ak achob ole tebe kelyekyuk kogararanit.

JEREMIA 23:24

Tos imuchi chi kounygei eng’ komoswek che ung’otin, kot ko mageer inendet? Mwaei Jehovah. Tos ma anyi kipsengwet ak ng’ony? Mwaei Jehovah.

MALAKI 1:11

Amu o kainennyu eng’ Bororiosiek koboch ole chorune asis agoi ole roroktoe; ak kigoitoi eng’ komosta age tugul nyamdutik che kibeelei agobo kainennyu, koboto kagochinet ne tilil: amu o kainennyu, eng’ Bororiosiek, mwaei Jehovah ne bo lugosiek.

MATAYO 12:6

Ago amwawok ale, mi eng’ oli ne o kosiir hekalut.

MATAYO 24:2

Ago kiwolji kole, Mogeere tuguchu tugul? Amwawok, iman, ale, Mang’etune koita agenge baragutab age, ne ma kiwirjin ng’ony.

POISYONIGAP CHE KIYOKTOI 17:24

Mamenyei hekalusiek che kigiyae eunek Jehovah ne kiyai ng’ony ak tuguk tugul che mitei oloto, amu inendet ko Kiptaiyatab kipsengwet ak ng’ony.