ISAIAH 61:3 - BUKUIT NE TILIL

³ si aarorji ichek che rirtos eng’ Sion, kigochi chepkulet ne kararan kogeere orek, ak mwaitab boiboiyet kogeere rirek, ak ngorietab kalosunet kogeere tamirmiriet ne kigonyigisit; si kobiit keguure ketik che bo imanda, che kimin Jehovah, si kegonyit.

Bukuit Ne Tilil

³ si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

BUKUIT NE TILIIL Sireet ne Dutero Kanon

³ si aaroorchi icheek che riirtos eng' Zion, kigoochi chepkulet ne karaaran kogeere oreek, ak mwaitap poiboiyet kogeere riirek, ak ngoryeetap kalasunet kogeere muguleldo ne nyalulat; si kobiit keguure keetiik che po imanda, che kimin Kamuktaindet ne Toroor, si kegonyit.

ISAIAH 61:3 ပူးပေါင်းရင်းမြစ်များ

ESTA 8:15

Ak kiwa Mordekai eng’ ole mi laitoriat kolaagoti ngoroikab laitornatet che tuuen ne nyalil ak che leelach, kotinyei nariet ne o ne bo tahabu, ak ngoriet ne bo katanit ne kararan ne arus ne birir: ak kiwaach nganasetab Susan kogasgei.

ESTA 9:22

Koek betusiek che imuunyi Yahudik, che mabaregei ak bunikwak, ak koek arawet ne kigiwale arogenet koek kagasetab ge, ak rirek koek betut ne mie: kole koyachigei koek betusiekab igorta ak kagasetab ge, ak koek ne kiyoktochingei kebeberwek, ak kiyokyi kibananok kagochinoik.

TIENWOGIKAL 104:15

Ak divaik che iboiboi muguleldab chito, Ak mwaita ne itiliali togennyi, Ak amitwogik che igimiti muguleldab chi.

TIENWOGIKAL 149:4

Amu baibai Jehovah eng’ bikyik: Igororoni eng’ yetunet che iming’inegei.

TIENWOGIKAL 23:5

Iitoi meset eng’ tainnyu eng’ ole mi bunikyuk: Kaiile metinnyu mwaita; kagonyi kikombennyu kot kong’irtagei.

TIENWOGIKAL 30:11

Kiiwal kateennyu koek ureriet; Kiireegunena kuniet, ak ilaakwa boiboiyet:

TIENWOGIKAL 30:12

Si kobiit kolosun teegistanyu eng’ tiendo ama sisei. Ee Jehovah Kamuktaindennyu, aweegun kongoi koigeny.

TIENWOGIKAL 45:7

Kiicham imanda, ak kiiwech tengekto; Eng’ noto anyun kigoiilin Kamuktaindet, inendet Kamuktaindeng’ung’ Eng’ mwaita ne bo boiboiyet kosiir siritoiguk.

AMDOINDET 9:8

Ingoleelagitu ngoroiguk kotugul; ameng’ korarji mwaita meting’ung’.

ISAIAH 12:1

Ak eng’ betunoto imwae ile, Aweegun kongoi, ee Jehovah; agot nganda kiinerekya, ko kageisto neregeguk, ak igoigoa.

ISAIAH 26:2

Oyat ormarichok, si kobiit kobun kwo orit bororiet ne bo iman, ne ribei imanit.

ISAIAH 44:23

Ee okwek kipsengwetisiek, Otiense, amu kiyai Jehovah noto; owaach okwek, komoswek che bo orit che bo ng’ony; otiense, okwek tulonok, ee osnet, ak ketit age tugul ne mi yoto: amu kagotiach Jehovah Jakobo, ak kotororgei eng’ Israel.

ISAIAH 46:13

Aibu imandanyu korik, malooitu, amaigaegei yetunennyu: ak ande Sion yetunet agobo Israel ne torornatennyu.

ISAIAH 52:1

Ng’eet, ng’eet, ilaach kimnateng’ung’, ee Sion; ilaach ngoroiguk che kororon, ee Jerusalem, nganaset ne tilil: amu koboch nguno ko ma kobwanjinin che ma kimuratan ak che ma tililen.

ISAIAH 61:10

Abaibaitu mising’ eng’ Jehovah, boiboitu sobondanyu mising’ eng’ Kamuktaindennyu; amu kagolaakwa ngoroikab yetunet, kagotugena ngoriet ne bo imanda, ko u ye lelesane sandet kit ne indoi metit, ak ko u ye lelesane mureret sonoekyik.

JEREMIA 31:13

Kobaibait anyun bergeiyat eng’ ureriet, koboto murenik ak boisiek agichek: amu awale rirekwak koek boiboiyet, ak agaigai ichek, ak agochi koboiboitu kometo rirekwak.

EZEKIEL 34:29

Ak achopchi ichek mbaret ne toogunot, ama kobarei rubet ichek eng’ emet, ama koiboti kalilanet ne bunu bororiosiek.

EZEKIEL 47:7

Ye kingaweege anyun, ogeero, kimi ketik che chang’ mising’ ngegutab ainonoto komosi ak komosin.

SEKARIA 3:5

Kiale anyun, Ingogerjine ichek inendet metinnyi chepkulet ne kararan. Kiilaakyi anyun inendet chepkulet ne kararan, ak kolaakyi ngoroik; ak kitonone malaikaiyatab Jehovah ole negite inendet.

MATAYO 15:13

Ago kiwol kole, Keswot age tugul ne kima kol Baba ne mi kipsengwet, kitutu.

MATAYO 5:16

Ongoluu lapkeiyeng’wong’ ko u noto eng’ taitab bik, si komuch kogeer boisionikwok che miach, si kolos Kwandang’wong’ ne mi kipsengwet.

LUKA 15:22

Ago kilenji kwanda otwogikyik, Oibu ochogune ngoriet ne kararan ne siirei tugul, ak olaakyi; ak ondechi peteit mornennyi, ak olaakyi kweonik:

JOHANA 15:8

Kigonyiti Baba eng’ nito, ye oiyie logoek che chang’; si oegu alamalyennyu.

JOHANA 16:20

Amwawok, iman, iman, ale, Orirtosi ak oteitosi, ago baibai ng’ony: oarogendosi, ago kiweechi arogeneng’wong’ koek boiboiyet.

1 KORINTOEK 3:9

Amu ki kiboitinikab Jehovah che kiboisiei koboto inendet: okwek ko o mbaretab Jehovah, gotab Jehovah.

1 KORINTOEK 6:20

amu kigialenak kamanutiet: otoror Jehovah anyun eng’ borwekwok.

PILIPIK 1:11

ko o nyiitotin eng’ logoekab imanda, che bunu Jesu Kristo, agoi torornatet ak kalosunetab Jehovah.

2 THESSALONIKEK 1:10

ye tun nyo si kobiit kitoror eng’ chechik che tililen; ak kekwong’e eng’ ichek tugul che iyani (amu kigiyan baornatennyo eng’ okwek), eng’ betunoto.

HEBRANIK 1:9

Kiicham imanda, ak kiiwech tengekto; Eng’ noto anyun kigoiilin Jehovah, inendet Jehovah neng’ung’ Eng’ mwaitab boiboiyet kosiir siritoiguk.

1 PETERO 2:9

Ago okwek ko o bororiet ne kigelewen, o che boisiei eng’ tiseinatet ne bo kaplaitoriat, bororiet ne tilil, bik che bunjin Jehovah, si kobiit obarte telunatosiek che bo inendet ne kiguurok omong’une mesundeito omong’ji lapkeiyennyi ne kikweng’e.

1 PETERO 4:14

Ngechurok eng’ kainetab Kristo, ko oboiboi; amu tebenok Tamirmirietab lilindo ne Tamirmirietab Jehovah.