ISAIAH 60:3 - BUKUIT NE TILIL

³ Ak kobwanji bororiosiek lapkeiyeng’ung’, ak kobwanji laitorinik kaluunetab choruneng’ung’.

Bukuit Ne Tilil

³ Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

BUKUIT NE TILIIL Sireet ne Dutero Kanon

³ Ak kobwonji pororyosyek lapkeiyeng'ung', ak kobwonji laitorinik kaluunetap choruneng'ung'.

ISAIAH 60:3 ပူးပေါင်းရင်းမြစ်များ

POISYONIGAP CHE KIYOKTOI 13:47

Amu king’atech Kiptaiyat ko u noto, kole, Kaandein iegu lapkeiyet ne bo Bororiosiek, Si kobiit iegu yetunet agoi tabandab ng’ony.

ISAIAH 49:23

Ak koek laitorinik kwanisieguk che iguin, ak koek osotikab laitorinik kametwogiguk che iguin: kutung’jinin ichek kot koit togochikwak ng’ony, ak komel temburiek che mi kelyeguk; ak inai ile a Jehovah, maililandos ichek che igena.

NG'ANG'UTYET 21:24

Ak kobendoti bororiosiek eng’ lapkeiyennyi: ak koibu laitorinikab ng’ony torornatenywa konyo orit.

JOHANA 12:32

Ak ye kiuita eng’ ng’ony, amutyige bik tugul.

ISAIAH 45:14

Mwaei Jehovah ko u ni kole, Nyonjinin boisietab Misri, koboto tugukab mung’aretab Etiopia, ak Sabeik, bik che koen, ak bunjinin; isubun; bwanjinin ko ratotin; ak kobutyi kelyeguk, kosomin, kole, Iman mi Kamuktaindet koboten; ama mi age, mami Kamuktaindet age.

POISYONIGAP CHE KIYOKTOI 15:17

Si kocheng’ bik che ng’etunotin Kiptaiyat, Ak Bororiosiek tugul che kiguurtoe kainennyu.

SEKARIA 2:11

Ak konamgei bororiosiek che chang’ ak Jehovah eng’ betunoto ak koek bikyuk: ak ameny kwenung’ung’, ak inai ile kiiyokwa Jehovah ne bo lugosiek anyo ole imi.

ISAIAH 49:12

Ogeero, bunu chu ole loo: ak ogeero, bunu chu murot ne bo katam ak cherongo; ak bunu chu emetab Sinim.

ISAIAH 11:10

Ak cheng’ei bororiosiek eng’ betunoto tigitiotab Jesii, ne tononi koegu songolietab bik; ak egu torornatet ole imuung’e.

TIENWOGIKAL 138:4

Konin kongoi laitorinik tugul che bo ng’ony, ee Jehovah, Amu kigogas ng’alekab kuting’ung’.

TIENWOGIKAL 68:29

Ibun laitorinik kagochinoik Amu hekalung’ung’ eng’ Jerusalem.

NG'ANG'UTYET 11:15

Ak kiguut malaikaiyatab tisab; ak kibiit kutuswek che eechen eng’ kipsengwet, ak kimwa kole, Kagobunji bounatetab ng’ony Kiptaiyandennyo, ak Kristo nenyi: ak kobou koigeny ak koigeny.

LUKA 24:47

ak keamdaat eng’ bororiosiek tugul sigunet ak nyoetab kaat ne bo tengekwogik eng’ kainennyi, kitaune Jerusalem.

MATAYO 28:19

Noto anyun oba, ak oyai bikab bororiosiek tugul koek alamalaik, obatisan ichek eng’ kainetab Kwanda ak ne bo Werit ak ne bo Tamirmiriet ne Tilil;

AMOS 9:12

Si kobiit konam ichek bik che king’et che bo Edom, koboto bororiosiek tugul, che kimwaitoe kainennyu, kobunji, mwaei Jehovah ne yaei ng’olyondonito.

ISAIAH 66:12

Amu mwaei Jehovah ko u ni kole, Ogeero, atesyini kalyet ko u ainet, ak atesyi torornatetab bororiosiek ko u kererut ne ing’irtogei, ak ochuchun; kiisyinok usia, ak ketinyok kigaigaak.

ISAIAH 60:16

Ichuchuni kogeny chegab bororiosiek, ak irerie kinaikab laitorinik: si kobiit inai ile ane Jehovah, ko a yetindeng’ung’, ak ko katiagindeng’ung’, Inendet ne bo Kamuktaet ne bo Jakobo.

ISAIAH 60:10

Ak koteech toek irimoiguk, ak koboisieun laitorinikwak: amu kiabirin eng’ neregekyuk, ago kiarirenen amu chamennyu.

TIENWOGIKAL 72:11

Ee, ibutyin kelyekyik laitorinik tugul: Otei inendet bororiosiek tugul.

TIENWOGIKAL 22:27

Ibwati Jehovah tabanwek tugul che bo ng’ony ak koweekyigei inendet: Tun kutung’jinin inye ortinwek tugul che bo bororiosiek.

TIENWOGIKAL 2:10

Noto anyun ong’omegitu, laitorinichu: Onetge, okwek kiruogikab ng’ony.

TAUNET 49:10

Maistoegei Juda siarit ne bo bounatet, Ak mabeti ne igoitoi ng’atutik eng’ iyotennyi, Agoi koit Silo; Ak kase it bik tugul inendet.

TIENWOGIKAL 102:22

Ye kagoyumgei bik, Ak bororiosiek, si koboisiechi Jehovah.

ISAIAH 42:6

Kiaguurin, ane Jehovah, eng’ imanda, ak anam eung’ung’, ak aribin, ak agonin iegu arorutietab bik, iegu lapkeiyetab Bororiosiek;

ISAIAH 45:22

Onyala, si kesoruok, okwek tabanwek tugul che bo ng’ony: amu a Kamuktaindet, ama mi age.

ISAIAH 56:8

Mwaei Kiptaiyat Jehovah ne iyumi che kigetimda che bo Israel, kole, Ta ayumjini alak inendet, che siirei chechik che kigiyum.

ISAIAH 62:2

Ak kogeer bororiosiek imandang’ung’, ak kogeer laitorinik tugul torornateng’ung’: ak keguurenen kainet ne leel, ne tun kuurenen Jehovah.

TIENWOGIKAL 102:16

Amu kagoteech Jehovah Sion, Kagotook eng’ torornatennyi;